سؤال للي سبق لها وحملت !!

**ميثا** · 2009-02-05, 16:02

متى تبدا عليج أعراض الحمل ؟؟ هل من ثاني ايام التبويض ولا اذا كمل 40 يوم ؟؟
ويزاكن الله ألف خير

المزيد من آخر المواضيع من نفس القسم:

**حب الامارات** · 2009-02-05, 16:17

هلا الغاليه

اعراض الحمل تختلف من شخص لآخر ومن حمل لحمل لكن الاغلبيه من اتكملين شهر او اربعين يوم تبدأ الاعراض

ادعيلي الله يسهل ولادتي يا رب

**ميثا** · 2009-02-05, 16:21

الله ايسهل ولادتج ياااااارب ويقومج بالسلامه

**missuae3003** · 2009-02-05, 16:33

فالبدايه الغاليه تكون اعراض الحمل تشبه تماما اعراض الدوره ..

يعني قبل الدوره .. بتحسين بألم فالظهر والريول والبطن .. وتزيد الافرازات ..

واذا تأخرت كم يوم بتلاحظين الاعراض تزيد وفوقها انج تبغين تسيرين الحمام اكثر ..

بس طبعا بعد ماتتأخر الدوره شهر كامل .. تبدين تحسين احيانا بلوعه او دوخه ..

وحد منهن ترجع .. او تشتهي اكل معين وتكره اكل معين او ريحه معينه ..

عاد هني كل وحده وطبيعه جسمها وطبيعه وحامها حد وحامها سهل وحد صعب ..

بس اكثر شي تحسين بهالسوالف بعد ماتكملين 40 يوم من الحمل ..

اما قبل .. بتحسين بنفس الاعراض الي تييج وقت الدوره ..

**mmks75** · 2009-02-05, 16:56

ماقصروا البنات

**دول** · 2009-02-06, 03:34

الحمدلله ع هذي النعمه وهذا أول حمل لي ..
وبصراحه في أعراض كنت أحسها قبل وكنت شاكه إني حامل
بديت أحس إن صدري تورم وأحس بلوعه بعد الأكل ، وبعدها بدت أعراض قبل الدوره وكانت خفيفه وبعدها للحين مستمره معاي ، الدكتوره قالت إن هالشيء طبيعي في بدايه الحمل

وإن شاء الله تكونين حامل وربي يتمم علينا ع خير :/

**سمره كيوت** · 2009-02-06, 18:15

انا حسيت بألام شرات الام الدوره وللحين انا توني حامل باحس بلوعه في جبدي بس خفيفه واشتهي اكل معين واكره اكل معين
يعني سبحان الله الاعراض تختلف من حمل لحمل ثاني ومن حرمه لحرمه ثانيه
والله يسهل عليج
والله يثبت حمل كل حامل وايسر ولادة كل وحده على وشك الولاده
استغفر الله العظيم واتوب اليه

**ام_شذى** · 2009-02-06, 18:35

فديتج مثل ما قالوا البنات حمل عن حمل يفرق
مثلا انا .... كنت حامل ابشهر وشي وما كنت حاسه ابشي ... مجرد شك اني حامل ؟؟؟ سبت تاخر الدورة وبس
...

وربي يرزقج امين

الموضوع: سؤال للي سبق لها وحملت !!

أدوات الموضوع

عرض

سؤال للي سبق لها وحملت !!

المزيد من آخر المواضيع من نفس القسم:

المواضيع المتشابهه

مين مسحت وحملت مباشرة؟؟؟؟؟؟؟؟؟؟؟؟؟؟

اللي اجهضت وحملت

منو كان فيها كيس وحملت ؟؟؟

توني مربي وحملت.............