انا سعودية واحتاج مساعدة بنات الأمارات ..

[rnood1]

حبيباتي انا عضوة جديدة على هالمنتدى رغم اني متابعة لكم بصمت منذ سنتين لكن ألتحقت بالمنتدى من قريب .. أولا حبيباتي السبب الرئيسي للأنضمام لهذا المنتدى هو حبي للأمارات وأهلها وثانيا .. انا احس انتم لكم خبرة في الخادمات الأثيوبيات ..وانا بصراحة احتاج مساعدتكم في الشروط اللي ترون انها مناسبة لهم هل تكون صغيرة او كبيرة .. هل تكون مشتغله ام جديدة ..متزوجة ام لا .. وهل بشرتهم سوداء جدا .. وهل هناك مناطق معروفه عندهم بالخدم الممتازين .. المعذرة على كثرة الأسئلة لكن هالجنسية جديدة على أغلب العوائل السعودية كنا نتعامل مع الأندنوسيات لكن قاطعتهم لردائتهم قد ما تقولي الوحدة فقيرة وطيبة وحنونة تتفاجئي منها بمصيبة ما كانت على البال .. وسلامتكم حبيباتي
ملاحظة : ........... الفلبينيات لا والف لا ..

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سيده الوادى]

هلا مرحبا فيك اختى تشرفنا فيك بخصوص الاثيوبيه والله ما ادرى شو اقولك شى زين وشى شين وما يقلوا مصايب عن الباقيات ما تعرفين ليهم الى ما بعد ما جربيهم والله يوفقك اختى

[نسكافيه]

يفضل تكون من العاصمة مش من القري
عني افضل الهنديات

[ام فلاح]

انا عندي اثيوبية علمتها الشغل والنظافة
ما شاء الله عليها نظيفه واتنظف مثل ما علمتها بتكمل سنه احين عندي
والله يوفقج

[ملاك222]

عمتي عندها اثيوبيه وااايد نظيفه غرفتها واااايد مرتبه والبيت نظيف وتبا تتعلم

الخدامات حظ ياتصيب يا تخيب

[حلاااااااايم]

ماعندي فكره السموحه

[rnood1]

الله يجزاكم خير للي ردوا مازلت أنتظر تجارب أخرى وأجوبة على أسئلتي

[راعية اللكزس]

للرفع

[ms.goldy]

احنا نيب الأثيوبيات من عند وحده اثيوبيه تيبهن صغار ويبون يشتغلن ,, والحمدلله كلنا يبنا من عندهم وكلهم زينات ,, وما عليه لو وحده فيها عيب حاولنا انه احنا نغيرها ونخبرها عن شروطنا بغت حياها الله ما بغت على راحتها

بس لانه مسلمات وصغار ومحتاااجين الشغل فما يقولون شي

[fto0oma]

بنات وحريم زايد يرحبون فيج واقول لج السموحة منج انا ما عندي خادمة

["شموخ"]

الي من القرى زيان والي من البدو تتعبين فيهم في التعليم لانهم مب متعلمات ومالت المدن فيهم الزينه وفيهم مب شي انتي وحظج استخيري وربي بيكتبلج الي فيه خيره والسمووحه

[أنسة بشورة]

هلا اختي

شي اثيوبيات زينات وشي شينات نحن من فترة سفرنا بشكارتنا الاثيوبية لانه فيها مكر وحركات واهلي ما عدهم واحد واثنين ع طول سفروها

طبعا اثيوبة اذا بتيبينها ما تعرف شي مولية ... ما تعرف تستخدم الحمام وانتي بكرامة.. وما تعرف المكشة حق شو والا الشفاط حق شو موووووووووووووول ما تعرف شي لازم انتي تعلمينها من الصفر كل شي ومثل ما انتي تبينها (( هالاغلبية الاثيوبيات اللي سمعت عنهن))

امممممممم في وااايد سوالف ع اثيوبيات ونحن قبل كان عندنا بشكارة اثيوبيا شردت من عندنا لما الوالد قال لها يا تشتغلين مثل الناس يا نسفرج .. وشكلها ما تبي تسافر جان تشرد من عندنا

ها شوي من اللي اسمع عنهم ...بس عايلة وحدة سمعت انه عندهم اثيوبية زينة وتشتغل عدل اما الباقي محد يمدح الاثيوبيات

والله يكفينا شر البشاكير =_=!!

[rnood1]

آآآآآآمين يارب .. طيب الحبايب اللي مدحوا شغالاتهم هل هم صغار في السن يعني تنصحون أجيب صغيرة

[أم عبـد الرحمن]

فعلا الخدامات حظ ياتصيب يا تخيب
ربي يوفقج

[بزنس وومن1]

اختي الغالية اولا الخادمات انتي وحظج الصراحة انا من تجارب اكثر من خمس عائلات اعرفهم قالوا ان الاثيوبية مصيبتها انها تشرد اعرف وحده خذت اثيوبية وما مرت 3 اشهر الا وشردت مع انها عندها شقة صغيرة بدون اي سبب وكل اللي اعرفهم نفس الشي انا استغربت ليش يشردن وانا متاكدة انهم يعاملونهم معاملة حسنة والمشكلة تشرد بعد الاقامة على طول تناقشت ويا ريلي ع هالموضوع قالي يمكن من بلادها تتفق وياهم انها اول ما تدخل البلاد وبعد ما يسونلها الاقامة تشرد ويقولون لها وين تروح والرقم علشان يتواصلون معاها علشان تشتغل شغلة ثانية والله اعلم انا الحمدالله عندي خادمة من الفلبين والحمدالله ان شاء الله على طول تكون زينة ومتزوجة اهم شي لان الفلبينيات المتزوجات يكونون اوفياء لازواجهم وهذا من تجربة 4 خادمات فلبيينيات والسموحة