ولدي والسفر

[زعابية غاوية]

السلام عليكم خواتي..

عساكم بخير وصحه..


خواتي أنا أن شاء الله عقب جمن أسبوع بسافر تايلند وعندي ولد عمره 8 شهور وأنا محتاره ريلي يقولي أنشله ويانا وأنا اقول ماأبي عسب عباله اليهال فالسفر..
المشكله أنه ولدي يرضع طبيعي وأنا مول مب محطيه فبالي أشله وياي..أبي أخليه عند عمتي ولا أمي..

إللي جربت تسافر ويه ياهل بهالعمر أو أصغر عنه تقولي تجربتها وتلعوزت ولا لأ؟

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زعابية غاوية]

وينكم

[ناديه المنصوري]

ليش اتخلينه مدام يرضع منج ... حراام تحريمنه من الرضاعه ... وعندج بس هالولد يعني مابيكون عليج عباله ...

احسن لج يكون عندج وتحت عينج صح امهاتنا مابيقصرون ....

[أم هـــزاع]

والله حبيبتي انا خذت ولدي معاي وهو بو شهرين والصراحه بهدله

وكانت رحلة 3 ساعات بس

ورديت خذته معاي وهو بو سنة و3 شهور وبعد تبهدلت


لكن يوم كان في عمر ولدج الصراحه سافرت اسبوع وخليته عند امايه وكان اريح لجميع الاطراف


بس اذا انتي ماترضعينه صناعي كيف بتخلينه؟؟؟؟ احس وااايد صعبه

[ريمان الامارات]

احس صعبه تخلينه اصلا مابتتهنين حتى بسفرج بتمين الا تحااااااااااااااااااااااتين شليه يحليله

[مسكاويه]

@@ صلي استخاره ..

@@ واذا هو مايرضع من الرضاعه كيف بيتعاملن امج وعمج معاااه وحطي في بالج اذا بتخلينه حاولي من الحين تعودينه على الرضاعه ... وكم يوم يتروحين عنه اذا مده طويله افطميه ..

@@ واذا انتي ما بتكونين مشغوله هنااك خذية معاج لاتخلينه... ولا تفطمينه توه الصبي صغير

والله يسهل عليج

[بنت الفلاني]

انا سرت تايلند باولادي يوم كان واد خمس شهور والثاني سنة وخمس شهور

انا انصج تشلينة لانج ما بتستانسين بالسفر بدونة لانج بتمين تحاتينة

وهو واحد بس وانتي وابو تساعدة عليه

[meme81]

الغاليه
شليه وانشاء الله مابيلعوزج

[حنكوووشة]

في مجال امج تعودينه على الرضاعه ...

او تحجزين لج تذكرة البزنس ..

[الحلوووه19]

حبوبه المشكللللللله أنج ترضعيييييييينه طبيعي ..



أحس شوي صعبببببببببه .. لانه يرضع

أحس كل الريايل يبون اليهال وياهم خخخخ

[BusinesS_Women]

الغاليه دام ياهل واحد شليه وياج وان شالله ما بيلعوزج
حاولي اتاخرين ارقاده لين موعد الطياره وقبل ما تركبين الطياره بدليله البامبرز هذا اهم شي علشان يرتاح واول ما تصعدين الطياره رضعيه وبيرقد وخذي معاج عربانات السفر الي تكون خفيفه وخذي شنطه وفيها بسكويت او اي شي يلهيه وكل ما صاح حاولي تعطينه شي ياكله

[اليامي مريامي]

ليش اتخلينه مدام يرضع منج ... حراام تحريمنه من الرضاعه ... وعندج بس هالولد يعني مابيكون عليج عباله ...

احسن لج يكون عندج وتحت عينج صح امهاتنا مابيقصرون ....

اخيت بهدله وتعب و الله من تجربتي بس دامه يرضع ماعليه الله يعينكم وخذي شو الريال وقوليله يساعدج بس اتحملي منه من تغيرات الجو