قصة ولادتي في بنتي

**..ام سواف..** · 2009-02-04, 00:28

انا الدوره عندي متلخبطه وكنت وايد تعبانه واشتكي من الم في ظهري وبطني وكان ينزللي دم فتوقعت ان الدوره بتيني ولكنها تأخرت ولما رحت للمستشفى خبروني اني مو حامل ورجعت البيت وانا زعلانه ولكن الألم مستمر وبعدها باسبوع رحت العياده وسويت تحليل وطلعت النتيجه اني حامل وماعرفت الدكتوره بأي شهر بسبب عدم انتظام الدوره ولكن من خلال السونار وحجم الجنين عطتني موعد الولاده 17-10-2008 .
وفي رمضان دخلت الثامن طبعا مثل ماخبرتني الدكتوره بديت أحس بآلام الولاده الم يسير ويرد بس على الخفيف حتى يوم 24 من رمضان زاد علي الألم فلما رحت للعياده علشان أطمئن صعقتني الدكتوره اني بربي ياليوم او باجر ورجعت البيت وبسرعه رتبت أغراضي وأغراض البيبي وخدتلي خاشوقة زيت خروع مع عصير الأناناس وتميت أمشي وكل ماحسيت بالجوع خدتلي تمر وكلته وانا أمشي كنت أدعي واستغفر وأقرأ قرآن ورجعت البيت واتسبحت وماكان الألم شديد فحطيت راسي ونمت بس والله ما قدرت من المحاتات ولين اليوم الثاني لما استوت الساعه 7 الصبح حسيت بالألم وبسرعه تسبحت وتنظفت وشلت الشعر من ............... ورحت المستشفى ولما وصلت على طول دخلوني غرفة الولاده وسوولس تخطيط لنبض البيبي وفحص من تحت علشان يعرفون كم سانت الرحم مفتوح وكان بس 4 سانتي ولين الساعه تسعه والألم شديد والله يدبح وكل ما أبغي أصارخ تقولي الدكتوره لا تصارخين وادكري الله واستغفري وادعي والله بيهون عليج وانا مب قادره وبعدها قامت الدكتوره وسوتلي فحص مره ثانيه علشان تشوف الرحم كم سانتي انفتح فشافت6 سانتي فنزلت الماي كله بنات نسيت أخبركم ترى انا مانزل عندي لا ماي ولادم فلما نزل الماي زاد الألم أكثر وأكثر وبعده بساعه يعني 10 ماقدرت أستحمل وحسيت شي بينزل فخبرت النيرس فلما شافت خبرت الدكتوره ولقيتهم كلهم تجمعو حولي وبدوا يجهزون وحسيت اني ابغي ادفع فطلبت مني الدكتوره ان ادفع وآخد نفس عميق وما أصرخ وادفع بكل قوه وسويت مثل ما قالتلي الدكتوره وماهي الا ربع ساعه وربيت ويبت حور في تاريخ 25-9-2008 وهدي قصتي كلها واللي عندها أي استفسار أنا حاضره .

المزيد من آخر المواضيع من نفس القسم:

**Um Rasho0ody** · 2009-02-04, 00:36

تستاهلين السلامة

**شوااقي** · 2009-02-04, 00:46

مبروك مااا يااج الغلا.. والحمدالله ع السلامه .. والله يجعلهااا ذرية صالحه يارب..

**..ام سواف..** · 2009-02-04, 00:46

الله يسلمج وعقبالج ان شاء الله

**دلوعةحمادي** · 2009-02-04, 00:56

الحمدلله على سلامتج

**فرح 2009** · 2009-02-04, 00:58

الله يصلحها والحمدالله ع السلامه......................

**أنا مسلمه** · 2009-02-04, 01:23

ماشاء الله ..

تستاهلين السلامه ياختي .. وربي يحفظ بنتج =)

**أموووله** · 2009-02-04, 01:44

تستااهلين السلاااااااااامة،،، وحور ما شالله البجر؟ ولا هااي ثاني ولاده

**mazyo0na** · 2009-02-04, 01:52

مبروووووووك ما ياج الغاليه والله يجعها من الذريه الصالحه

عقبالناااااااااا

**حرم الحارثي** · 2009-02-04, 02:22

تستاهلين السلامه والله يخليلج حوور انشالله

**أخت القمـر** · 2009-02-04, 02:32

الحمدلله على سلامتج ،،، ووتتربى ف عزكم يارب

**عاشقه زوجي** · 2009-02-04, 03:25

الحمدالله ع السلامه .. والله يجعلهااا ذرية صالحه يارب..

**جرحي الثاني** · 2009-02-04, 04:51

الحمدالله ع سلامتج , ومبروك ماياااج حبيبتي ..

**rakwoman** · 2009-02-04, 07:42

مبروك مااا يااج الغاليه.. والحمدالله ع السلامه .. والله يجعلهااا ذرية صالحه يارب.

**دلوعة_راك** · 2009-02-04, 09:07

مبروك ما ياج وتتربى بعزج وعز ابوها وتشوفينها عروس يارب

الموضوع: قصة ولادتي في بنتي

أدوات الموضوع

عرض

قصة ولادتي في بنتي

المزيد من آخر المواضيع من نفس القسم:

المواضيع المتشابهه

قصه ولادتي في بنتي غلا

&&قصة ولادتي بنتي فطامي&&

قصتي ولادتي في بنتي