كنادير الريايل...والبقع السودا.

**yaryora 1** · 2006-03-27, 19:11

السلام عليكم ورحمه الله وبركاته،
خواتي بغيت أحد يساعدني في كيف أخوز البقع السودا من كنادير ريلي ،لأني بصراحه واااااااااايد متلعوزه من ها الشي،ولي بتخبرني الله يازيها ألف خير ........ومشكوره وما قصرت .

المزيد من آخر المواضيع من نفس القسم:

**بنت فلان** · 2006-03-27, 19:24

اولا .. لازم تاخذيني الكندوره وماتغسلينها وتحطين عليها {{بالكريم الاحمر }}
وتفركينها عدال .. لين ماتخوز البقعه من الكندوره .. وتغسلينها

**yaryora 1** · 2006-03-27, 19:43

مشكوره وماقصرتي ،بس بسألج" بالكريم "مال الشعر أو واحد ثاني....؟

**كريستال** · 2006-03-27, 21:27

الغالية ...

عندج سائل فانش أو مكعبات فانش نفسها وااااايد حلوه وتخوز البقع على طول ... أنا استخدمه لكنادير زوجي ...

وبالتوفيق الغالية ..

**yaryora 1** · 2006-03-27, 21:30

تسلمين ياكريستال على ها المعلومه .وأنشاءالله بجرب ...

**شمس القوايل** · 2006-03-28, 20:32

هيه والله مشكورة اختي كريستال واخيرا لقيت حل حق هذه المشكلة تعبتني والله جزاج الله كل خير ورزقج ما تريدين

**بنت فلان** · 2006-03-28, 20:44

yaryora 1 ..
بالكريم الاحمر .. مال الشعر

**yaryora 1** · 2006-03-29, 11:11

تسلمين يا بنت فلان وماقصرتي ...

**بنت فلان** · 2006-03-31, 09:20

هيه .. نفس الطريقه بس لازم ماتكونين غاسله الكندوره عشاان يطير منه ..
حطي بالكريم الاحمر {{ مال الشعر }} وفركيها بيدي شوشوي .. وبعدين غسليها في غساله ..

**بنت فلان** · 2006-03-31, 09:20

هيه .. نفس الطريقه بس لازم ماتكونين غاسله الكندوره عشاان يطير منه ..
حطي بالكريم الاحمر {{ مال الشعر }} وفركيها باليد شوشوي .. وبعدين غسليها في غساله ..

**المخملية** · 2006-03-31, 12:06

تسلمن الغاليات أول مره أعرف

بجربهن وبرد عليكن .........

**ام ميووودي** · 2006-05-12, 10:13

جربي صابون الغسيل اريال : انا سمعت يقولون انه يبيض الابيض و يخليه ناصع

شريته وقلت للشغالة هذا لكنادير بابا و ما خبرتها شيء ثاني

بعدها بيومين قالتلي انها من كثر ما الملابس و الكنادير صارة بيضااااااا تحسبتها جديدة و نست انهات غسلتها .

و سلامتج

**yaryora 1** · 2006-05-12, 16:35

تسلمين ياأم ميودي ..

**ام مهند** · 2006-05-13, 12:16

إفركي البقعة اولا بصابون لايف بوي بعدين حطيهافي الغساله

**العذوب** · 2006-05-15, 21:21

بنات إذا البقعة بقة آيل أو قريز مال السيارات .. ولا تحطون ماي ولا غيره .. يا تغسلينها ببترول إذا فيج هبة بس البسي قفاز والا طيريها الدوبي .. اذا حطيتي ماي مستحيل يروح ..

الموضوع: كنادير الريايل...والبقع السودا.

أدوات الموضوع

عرض

كنادير الريايل...والبقع السودا.

المزيد من آخر المواضيع من نفس القسم:

المواضيع المتشابهه

فراريخ - طرابيش - كنادير الريايل

مشكلتي مع الاكزيما والبقع السودا ؟؟؟؟ :(

كنادير ريلي البيضا والبقع السووودا ؟؟؟؟ شو الحل؟

طلبي هالمره غير...يخص كنادير الريايل...دشو ساعدوني..؟

تنظيف كنادير الريايل بالخل .................ابيض زي الفل