ابا حل ؟

**ناعمة العود** · 2006-04-05, 19:05

ما ادري بنت فلان اذن بتفيدج نصيحتي في ها الوقت المتأخر بس قلت ليش لا خلني ارد عليها مثل الخوات ..
خويتي الغاليه خطيبي من ناحية الغيره كان يغار علي حتى من لبسي لو وده اتم يردا ما شي يصكني (سوالف مب صدق عاد) بس حياتي الظاهر من اللي كاتبتنه انج عاطيتنه ويه وايد مع احترامي لج وله (يعني تمووووووووووتين فيه ) ... مسكي العصا من النص وخلج وسط في كل امووورج لا ترخين بس لا تشدين وتخسرينه انزين ليش هو بعد ما يبين حبه لج ولا الحب اوامر وبس سيري وسوي وقومي ورقدي ..... اذا بتسوين شراتي تراج الكسبانه انا احبه فديته (بوعبدالله ) بس اول ايام خطوبتنا قصر عن يقولي سيري الحمام ولا تسيرين وانتوا بكرامه ... اللي سويته اني عاملته بكل هدوء اخليه يعصب وما اقووله شي غير ان شاء الله فديتك , تامر حبيبي , على راسي فديت روحك .. فجأه بتحصلينه يهدا وكل عصبيته راحت ذيج الحين ابدي انتي برطمي (شويه بس مب وايد هه) واتدلعي زعلي بس بدلع خليه يمووت الف مره لان دمعتج نزلت ولا لانج سامحتيه وهو يعاملج بوغاده ... اذا على سالفت الرقاد عادي اذا وعاج كلميه وانتي نص نايمه وتدلعي عليه ومن يهزبج ويقولج قومي بسج رقاد قولي له ما بقوم حياتي الا عقب ما تصبح علي وتقولي شو رقدتي عدل فديتج ولا شو حلمتي .. من ناحية بو عبدالله فديته ما مشى وياه الا اسلوب الدلع الدلع الزايد عن الحد بعد صار الحين اهدا منه محد ويخليني انام واذا وعاني اشك مرات انه عصفور مب خطيبي اللي كان ينازع وكله يتشكى مني قبل ...

والله يوفقكم ان شاء الله بس لا تعرسين قبلي لا اذبحج ..

**بنت فلان** · 2006-04-05, 19:14

[08]

تسلميـن ناعمه العود .. ع النصايح

[/08]

**saasmo** · 2006-04-05, 23:08

الله يعينج عليه بس البنات ما قصروا حبيبتي ويبيه بالزين والدلع

**بنت بلال** · 2006-04-17, 15:40

بسم الله الرحمن الرحيم ..

أولا إنت كيف تكلمين خطيبج ..... و تعتبرين مثل زوجج ..... وبعدك ما ارتبطي وياه بعقد الزواج ....

أصلا هو مال حق عليج إلا ................... بعد عقد الزواج .......................

وشرعاً لا يجوز إنك تكلمين وتظهرين معاه ..... أهلك كيف رضوا .....

تراه ينقض عليج ؟؟؟؟؟؟؟؟؟؟؟؟؟

الله يهدي أمة محمد ......................... آآمييييين

السوالم[09]الله يهديكم[/09]

**.Um Hamad** · 2006-05-01, 19:53

السلام عليكم

لو سمحتي اختي... ياليت توضحين... هو مالج عليج والا مجرد خطيبج

الامر يختلف... ان كانت العلاقه بينكما مجرد خطبه .. فلايجوز شرعا ان تحادثيه او تخرجي معه

اما ان كان قد عقد قرانكما فالامر هنا يختلف...

اتمنى ان يتسع صدرك لصراحتي

اخيتي...

احمدي الله ان لكِ زوج حريص يهتم بك ...انا لا ارى في ما ذكرتيه اي مشكله

ماذا يعني ان زوجي يطلب مني انا انام الساعة كذا او كذا... ماذا يعني ان يطلب مني زوجي ان لا اتأخر في العودة الى البيت

مشكلتنا اننا نهول الامور ونعطيها اكبر عن حجمها

ان كنتِ تودين ان تمشي الامور بينكما على خير ... نفذي مايطلبه منكِ بكل غنج ودلال افهميه انك تسمعين وتنفذين اوامره لانك تحبينه وترينه هو الكل بالكل..الحب يفرض نفسه غاليتي...

مارسي دلع البنت ودلالها امامه...افهميه بأنك تحبينه وانكِ تبحثين عن سعادته شريطة ان يتوفر الاحترام والتقدير بينكما وان لا يقلل من شأنكِ مهما حصل

اجلسي معه جلسة مصارحه وافهميه انك تودين ان تكوني الجميله المدلله في عينيه وانك تبحثين وتسعين عن الكمال

واطلبي منه ان ينبهك او يلفت انتباهك في ما لايعجبه من شخصيتك وبعض طباعك...

كوني كالكتاب المفتوح معه منذ البدايه...

دعيه يكون الامر والناهي...لا اجد ضير في ذلك..فأغلب الرجال ان لم يكن جميعهم يعجبهم ان تكون الكلمة الاولى والاخيره لهم..شريطه ان لايكون ذلك يقلل من شأنك او احترامه لك... اي لا يتمادى في مالا يجب فعله وقوله

ولاتنسي صلاة الاستخارة والاكثار من الاذكار

وفقتِ ^_^

**غزال الدماني** · 2006-05-24, 22:03

الصراحه البنات ماقصرن

والله يوفقج

**الرحوومية** · 2006-06-02, 13:16

الله يكووون في عونج

**العذوب** · 2006-06-03, 17:41

شوفي أنا صار لي سنة ونص مخطوبة وللحين مأجلة العرس مع إن خطيبي يابا الموعد اليوم قبل باجر عسب ما أقعد متحسرة على عمري وشخصيتي ..

الرياييل يتحرون انهم بيتزوجون سندريلا اللي تباهم يسون لها كل شيء حتى يلبسونها الجوتي .. بس الدنيا غدارة وأنا اختج .. شفت أمي معتمدة على أبوي الله يرحمه بكل شيء .. وهو يختار حتى الجدور للمطبخ والملابس لها .. وهي وياه كل وقت حتى يوم يسير الحلاق .. تدرين يوم توفى .. صابتها صدمة .. وحست عمرها ضايعة .. تخيلي راشن البيت ما عرفت تشتريه .. ملابسها ما عرفت تختارهن .. عباتها ما تعرف وين تفصلها .. كل شيء كان ضايع لأنه الله يرحمه كان مدللنها وايد .. وكل شيء طكاح ع راسي .. خاصة إن ماعندي اخوان كبار .. صرت معتم\دة ع نففسي بكل شيء وأنا اللي أحط القوانين للبيت ..
المشكلة خطيبي موب مستوعب ها النقطة وما يباني أتصرف بأي شيء اروحي .. وها السالفة مخلية الأمور بيننا شد وجذبي .. عموما هو عقب سنة ونص من العشرة فهم أنا من أي نوع وشو اللي أباه تحديدا وبدأ يخف عني شوي ..

وأتمنى الأمور تمشي على خير ,,

**القطوة** · 2006-06-09, 15:27

الغالية صلي استخارة ... بس هم عادة الرياييل في البداية يبون يفرضون كلامهم ويشوفون البنت تسمع الهم ولا لأ يمكن يبغي يختبرج والله اعلم

**ام سهيل** · 2006-06-09, 22:28

هلا
عزيزتي دايم الحرمة ضعيفة ليش ما تكون قوية ولها كلمتها نحن نسمعهم ونسوي الي يبونة ونحن وين
واخر شي وبعد كل الي تسوية الحرمه ولا شي ولو غلطة وحدة منها راح ودور علي زوجة او صديقة
خليج ثقيلة من البداية

**حكيمة القلوب** · 2006-06-13, 20:21

ريلج من النوع اللي يحب يتسلط وذكرتيني بامي وابوي ههههههههه والله من 25 سنه والحين ارخى عليها بس انصحج انج اتبينيله انج مهتمه بلي يقوله وحتى لو قالج نامي الساعه الفلانيه وافقي بس مب شرط انج اتسوين اللي يبيه اكذبي عشان اتمشي الامور واتغلي صدقيني هذا النوع واللي تبتعدين ويلصقون فيج مب شرط في اليوم اتكلمينه 10 مرات خليها 2 او 3 وتدريجيا 1 في اليوم بس الصراحه هذي النوعيه يبيلها سياسه واذا ما عندج هذا الاسلوب انصحج والسموحه انج تبتعدين عنه ادري انها صعبه ولا تيلشين عمرج بعدين وتمين طول عمرج متعذبه وياه وانا امجربه من اهلي وصدقيني هذا من اخت ليي اختها

**توتة الامارات** · 2006-06-14, 00:18

والله انا استوالي ها الشي واكثر بس الصبر زين والحين عندي منه عيال بس الذكيه تقدر تخليه شي ثاني والله حاولي اتصلي بمشرفه اجتماعيه لاتشاركين حد بمشاكلج عالجي الموضوع برويه وهو اكيد يحبج والله يهديه انشاء الله الله يوفقج دنيا واخره

**little lulu** · 2006-06-15, 13:17

الرياييل كلهم في البدايه هالشكل......لكن خطيبج زودها شوي

بس اتحملي و انشالله بيتغير

**التقوى** · 2006-06-22, 00:04

والله لو اقول انه الريال في بداياته يكون سهل ولطيف ويدلع ويدلل عكس اللي اسمعه منكم ؟؟؟؟؟؟؟؟؟؟؟
وبطبيييييييييع ما ايوز عن طبعه اذا هاذي بدايته الله يعينج عقب
واذا انت ترومين تستحميلن المعامله هاي واتشوفين عمرج انج راضيه عليها خلاص انتي الللي تحددين

والله يوفقج

**EsSnGbAcYa** · 2006-06-23, 20:47

انا مع اموووووون
الله يوفقج

الموضوع: ابا حل ؟

أدوات الموضوع

عرض