شو الفرق بين Cross Trainer و Orbitrek

**Meira** · 2009-02-02, 00:36

السلام عليكم

البارحه حدرت محل ملابس رياضيه في مركز المينا في بوظبي وطاحت عيني على الاجهزه كانت عندهم ماركه Kettler وتميت محتاره ...شو الفرق بين Cross Trainer اللي في المحل و Orbitrekاللي سمعت عنه هنيه في المنتدي..... الشكل نفس الشي واعتقد لنفس الغرض اذا مب غلطانه .. سعر الجهاز الي شفته 2700درهم .....قلت اسئلكم لا اشتري شي واندم عليه:

شو الافضل ما بينهم؟

من وين اشتري الاوربتراك شكله اصغر وينحط في الحجره اما الكروس ترينر شكله للجيم شو رايكم؟

وشو عن الاسعار؟

واكيد النتائج صدق يضعف الارداف والمؤخره؟

اللي عندها وامجربه الاجهزه اتخبرني.

المزيد من آخر المواضيع من نفس القسم:

**Wolves_grl** · 2009-02-02, 00:48

للرفع حبوبه انا بعد ابغي اشتري Orbitrek بس ما اعرف من وين وشلون الاسعاار؟؟

سبحان الله

**Meira** · 2009-02-02, 01:01

يا الله اقعدي عدالي ونترا حد يرد علينا

**مبدعة النت** · 2009-02-02, 01:10

هم تقريبا نفس الشكل .. لكن الوربت راك افضل .. لأنه يحرك الجسم كله
ويحرك الساقين بشكل دائري .. يعني تقريبا قريب من الركض ..

لكن الجهاز الثاني .. يحرك الساقين فقط ذهابا وايابا .. بس باقي الجسم مب وايد ..

@ الاوربت ريك مفضل اكثر من الكروس ترينر ..

@ في نوعية بسعر زين في الكارفور في حدود 400 او 500 .. حجمه مناسب ..
ويعيش اذا استخدام كثير يومي .. يعيش سنتين ثلاث ..

@ حسب ما سمعت انه ممتاز وتبين نتايجه بسرعة في الجسم ..

@ استخدامه في البداية صعب .. يعني ابدي خمس دقايق وكل كم يوم زودي المدة شوي ..

@ تقدرين تخففين وتثقلين الجهاز ..

@ ما ينفع اللي عندهم مشاكل في الركبة ..

@ خاطري فيه بس ما عندي له مكان .. لن عندي حاليا جهازين ..

احم .. الحين اسلم الميكرفون لباقي العضوات ...

**Meira** · 2009-02-02, 01:32

وانا بدوري انقل المايك للعضوه التاليه.....

**أسماء2** · 2009-02-02, 05:33

للرفع

**Meira** · 2009-02-03, 01:55

اليوم مريت كارفور وحصلت حبه وحده ما عندهم ستوك والسعر 599 درهم. شكله اوكيه يعني.
اريد اعرف منو تعرف رقم الشركه الاصليه ؟
واللي عندها الجهاز اتخبرني اذا اخترب والا اوكيه اتوكل واشتريه؟

ارفعولي الموضوع.

الموضوع: شو الفرق بين Cross Trainer و Orbitrek

أدوات الموضوع

عرض

شو الفرق بين Cross Trainer و Orbitrek

المزيد من آخر المواضيع من نفس القسم:

المواضيع المتشابهه

وين اقدر القي جهاز cross trainer

مدربة Personal Trainer

وين احصل احسن Orbitrek