المنتدى اليوم (جريده)

[RNEN]

salam_allah:

شخباركم بنات وحريم وكتكوتات وعيايز عسااااكم بخير وسهالة

من العنوان باين

ان شاء الله فهالجريده راح ادش اشوي في عالم الثرثره وانحش في بعض شوي

ستوب

لا تفهموني غلط


اقصد يعني اي وحده ادش المنتدى تخبرنااا شو احسن موضوع جذبهااا او المواضيع التافهة او الي مالها داعي تنطرح
أو تخبرناااا اذا اتعرف عضوات فالمنتدى يعني مثال العضوه الفلانية حصلت على االعضوية الذهبية او العضوة الفلانية ربت ......................الخ
أو تخبرناااا الاشيا الي تبا اتغيرها فالمنتدى من كل النواحي
او اي شي يتعلق بالمنتدى من اخبار بشكل عام



راح ابدا انا بالاول ولي تبا اسولف وتخبرنا فحياااهااا بجريدتنا المتواضعة

في قسم المجلس العام لفت انتباهي كثر المواضيع الي تتعلق بطلاب الثانوي العامة والامتحانات التعجيزية والقانون اليديد ...........طبعا هذا يددل انهاااا قضية حساسة ومؤثرة وكبيره واتمنى يلقون لها حل مقتع
في قسم الحمل كثرن المسيحات والمعالجات بالحجامة فاتمنى يحطوا لهم قسم خاص عشان ما يغطون عهالقسم
في قسم التاجرات الصراحه اللوك اليديد الي سوه الاداره مش مقنع لاني اصدع يوم ادشه قبل كان بموضوع واحد واسهل علينا الحين تاجره ذهبية وبرونزية وكل واحد بقسم الصراحة صعبة واتمنى يردوه شرات قبل اسهل لنا من اللخبطة والتدوير ولا انتم شو رايكم
في قسم البشرة لازلت النصابة الي تبيع منتجات البشره والشعر تتجول فيه ومع انها كل مره ادش بنك ايديد تنكشف بس للاسف ماتوب ولا تيأس عندها طولت بااال اكبير
في قسم التصوير التصوير يشمل اكثر شي صور أكل هل لانا فالامارت نحب الاكل وايد وهو هالشي اثر فينااا وما صرنا نفكر ونتامل الا فيه



طبعا بدون نزعل هذي سوالف والي حابه اشارك اشارك

ولي عوده

المزيد من آخر المواضيع من نفس القسم:

• مرحبا انا ساكنة في ابو ظبي
• "لعبة أيام الاسبوع"
• انا جديده وحابه اتعرف ع كل الصبايا
• لعــــبـة الأعــتــراف
• منو حابه تلعب معي شطرنج!؟
• أي الأ سـمـيـن أحـلـى
• وردني الحنين
• مفاجئه رهيبه لصاحب الصوره
• شو اكثر عقاب خفتي منه
• رمسة حريم ....الجزء الخامس

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[نون النسوة]

هلا الغالية

موضوعج وايد حلو واشكرج على طرحه لانه فعلا مفيد
المجلس العام قسم حلو فيه ريحة الخبر قبل الجريدة تطبعه يعني طازج (تعرفن الحريم)
فيه مواضيع اعوذ بالله مثل الاغتصاب بس يبن يثيرن , موضوع ما منه فايدة والاخت اللي حاطة
بصراحة صورة تعور القلب هب كل قلب يتحمل ولا حاطة تحذير اتمنى الادارة تشوف حل
خير الكلام ما قل ودل

بخصوص قسم التاجرات - رايي من رايج لخبطه
قسم الازياء- يقصدون الفساتين وهن حاطين عبي مادري متى صارت العبي اناقة وازياء
ليش ما يحذفن صور العبي جذي ترى البنات يشجعن على الترصيص وغيره
ليش المشرفة ماتكون قدوة تراها تاخذ اثمهن

قسم المشاكل الاجتماعية -عيزنا ونقول قصص الحب والخرابيط مانبا
سمعة منتدانا مشوه كثر ما يكتبن كل وحدة عارفة شو الصح
وشو الغلط محد ضربكن على ايدكن
قسم ساعدوني - حقق مراد كل وحدة على الشئ اللي يئست وهي ادورعليه ولقته هنيه
بالمنتدى ..وهذا من غير الاستفسارات والمعونات
قسم المطبخ - ماشاء الله على حريم منتدانا كل وحدة اشطر عن الثانية كل يوم اكلة


والسموحة اذا قلت شئ يزعل

[الهوجسية]

بصراحة كل الاقسام حلوة وصدق نعرف الاخبار من المنتدى وبالنسبة لي هذا اول منتدى اتم فيه واتابعة دايما واحس انه بيتي الثاني ...

[حرم_قناصUAE]

موضوع حلو تسلم الايادي

وآراءكن صحيحه بالنسبة للقسم التجاري انا كنت قبل مطيحه فيه 24 ساعة والحين مول مالي خاطر حتى ادش
وصادقة اختي بالنسبة لقسم الطبخ حلو ومنظم وفيه كل شي
بس قسم الشعر والبشرة استوى اكثر دعايات من تبادل خبرات
وبخصوص الحب والخرابيط في القسم الاجتماعي صادقة والله عيب خواتي في مجتمعنا مافي شي اسمه حب قبل الزواج ليش وين وكيف عرفتي الريال !!!
بس الغريبة ان منتدى سيدات الامارات مب الاغلبية فيه من سيدات الامارات بالعكس استوى نفس مجتمع الامارات مكس خخخخ حلوة صح

[آنسات]

صدقج استوى مجتمع الامارات خخخخخ
والله يعينا على موضات العبي