مشكلة محرجة

**عاشقة الغلا** · 2009-01-30, 13:44

السلام عليكم ورحمة الله

شحالكن بنوتاآت .؟

عندي مشكلة بس شوي محرجة ..!
المشكلة وهي اني ما كنت اعرف شي عن الحياة الزوجية ..بس في مرة من المرات قريت كتاب يتكلم عن الحياة الزوجية ..ومن عرفت حسيت ان في امور وايد ما كنت اعرفها ..واايد وااايد بعد ...

وعندي سؤال ..هل هالشي بيآثر في حياتي مستقبليا .؟ لاني سمعت حلاآته يوم البنت تدش العش الزوجية وما تعرف شي ..وريلها هو اللي يعلمها ,.,.

شو رايكم انتوا ,.؟

المزيد من آخر المواضيع من نفس القسم:

**فديتني** · 2009-01-30, 13:46

لا بالعكس مابياثر ع مستقبلج ابدا
وهاي ثقافه بتنفعج عقب

^_^

**jameela200** · 2009-01-30, 13:52

تدرين انا ما عرفت الا من يوم دخلت الجامعة....

بس نصيحة من قلبي لج....لا اتحاولين اثقفين نفسج من هالناحية ابد

مثل ما سويت انا ...والحين متخبلة الا ابا ازوج خخخخخخخخخخخ>>>>وحدة بايعة الحيا

المواضيع هاي شليها لين ما تزوجين ان شاء الله

**um_shahd** · 2009-01-30, 14:01

مب خطأ ان البنت تقرأ وتثقف عمرها بهاا الامور
بس حنا نقول خطأ لانه حراام تنصدم عقب وما تلاقي الي قرأته في ريلهاا

لان مب كل الرياييل شرات بعض وحلاته هو الي يعلمج لانه بيعلج الي هو يعرفه ويباااااه

اعطيج مثااال البنات يقرأن عن الرمنسيه واليالي الحمراء والخضراء ووو وينصدمن عقب انه رياييلهن مب مال ها السوالف ..
والي تاخذلجالجنزات والبدياات وتنصدم انه ريلهاا يحب حرمته فالمخور بسسس
يعني مب كل ريال شرات الثاني ..
والي يقولون شو احس الريال فيه شعر ولا بدون شعر !! استغرب ليش ها المواضيع
لانها ترسم صوره بفكر البنت العذراء وتم تترياها وعقب تنصدم بالواقع
فها ابسط الامور
فخلوها والي كاتبه ربج لج بيصير

فمبالج فا الامور الخاصه الي لها خصوصيتها بتم البنت تتريا ريلها يسوي نفس الي هي قرأته وسمعته !!!!!! وهو يالغافلين لكم الله .. واذا قالت له هني الصاعقه بيقلها من وين تعرفين وكيف ولييييش ..
فهمتيني ..
عادي الوحده تقرأ بس انا مانصح البنات يعرفن اي شي قبل الزواج
وانتي قرأتي وخلاااااص يعني مب ضرر بس لا تتعمقين فا الامور الخاصه
حلو البنت تتعلم طريقه التعامل طريقه رضاء الزوج طريقه تدبير المنزل اشياء عامه تنفعها

ولاتحطين فبالج انج فمشكله
والله ييسر لج امورج

**MAHA21** · 2009-01-30, 14:07

بالعكس فديتج اللي سويتيه عين العقل
وايد بنات يروحون عش الزوجية مب فاهامات شي بالتالي تبدا بينهم وبين الزوج مشاكل والسبب ان الحرمة مب فاهمة شو مطالب واحتياجات الريال وغير جي في بنات يفتكروون ان هذا اعتداء عليهم وان ازواجهم يسوون شي مب طبيعي معاهم !!!

موفقة حبوبة

**bnooota** · 2009-01-30, 14:26

مممممممممممم
بصراحة ما عرف،،، أحس اتعلم عقب أحسن،، مع إني خلااص تقريبا اعرف كل شي
بس مثل ما قالو الخواات ،، الخووف أن الوحدة ترسم لعمرها صور تنصدم بعدم وجودها عقب
الله يرزقني و يرزقج و كل بنات المسلمين بالزوج الصالح إن شااء الله

**ميميه88** · 2009-01-30, 15:00

اممممممممم دام انج بعدج مانخطبتي لاتتعمقين فها الاشيء ولاتمين تقرين بتمين تدمنين هالاشيا الافضل تاخذين افكار عقب قرب االعرس والريل يفضضل وحطي خطييين عليها انه هو يعلم حرمته على يديييينه مايباها تكون متعلمه

**عاشقة الغلا** · 2009-01-30, 16:40

مشكورين على الردود

**Wolves_grl** · 2009-01-30, 16:45

حبيبتي مب خطأ ناج اثقفيين عمرج ,,,

بالعكس شي حلوو شي ريايل ترااه ما يعيبهم البنت الي ما تعرف انتي خلي عمرج بين هذا وهذا ^_^,,

يعني خلي عمرج ما تعرفيين غير شويه عسب تعرفيين شو هييه العلااقه الصح من الغلط حبيبتي ^_^

وربي يوفقج ^^

سبحان الله

**NaNa.x** · 2009-01-30, 17:01

احسن لج تتثقفين يعن تقرين كتب قبل ماتتزوجين يعني اذا كنت مالجه وعرسج غريب .... يعني احسن لج بدل ماحد يخبرج وتنصدمين بها الشي .... مثل ريلج بيحترق ويهج من القفطه ...

**tmyz** · 2009-01-30, 17:11

بعض الاخوات نصحوج ما تسوين هذا الشيء وانا وياهم بارك الله فيج ==== لان اسبابهم مقنعه والله المستعان على باقي الردود الي بتنكتب

**Fanatek** · 2009-01-30, 17:22

انا اشووف انه في حد من الثقافه لازم البنت تعرفها بس في شغلات هب زين تعرفينها الا عقب الزواج ... يعني الاعتدال دوومه زين

**منى الروحm** · 2009-01-30, 18:06

حبيبتي اشلج تقرين هالسوالف
يعني باجر تنخطبين وتتزوجين بتتعلمين
عاد انا شو اقول كنت مول طمةهههههههههه ما اعرف شي حتي يوم انخطبت ما اعرف شي والله

**NARRY** · 2009-01-30, 18:08

بالعكس مابياثر ع مستقبلج ابدا
وهاي ثقافه بتنفعج عقب

^_^

**ام راشد..** · 2009-01-30, 18:41

انا يالغالية اقول لج اللي سويتيه عادي لكن لا تكثرين من قراءة هالامور خلج على اللي عرفتيه
وبس ..
وانا مع الاخت اللي قالت ان الرياييل مو مثل بعض .. وانتي ما تعرفين شو بيكون نصيبج.
،،الله يوفقج،،

الموضوع: مشكلة محرجة

أدوات الموضوع

عرض