هذا اللي صار لي

**أم ترفه** · 2009-01-25, 13:20

السلام عليكم بنات وحريم
أنا قررت اليوم أني أكتب شو صار لي من سنة مش عشان أخليكم تتعاطفون معاي لا والله بس عشان إذا كان في اللي بقوله فايدة عسى أنكم تستفيدون منه
ببدأ
من سنة تقريبا كنت توني حامل في الشهر الثاني ومثل أي حرمة أكيد خبر حملها بيكون فرحة لها أنا الحمد لله هذا مب أول حمل لكني فرحت المهم مر الشهر الأول بسلام ودريت أني حامل يوم ما يتني الدورة ودخلت في الشهر الثاني مع دخول السنة اليديدة وكانت سنة شؤم عليه (بخبركم ليش مع الأحداث) المهم في هذيج الفترة المود العائلي كان مب أوكيه المهم مع تطور الأحداث والضيق اللي كنت فيه صار لي سوء تغذية وكنت ماحب الأكل وهذا غلط لأن البيبي محتاج أنه يتغذى صح (الله يسامح اللي كان السبب) المهم في فترة الحمل كلها وانبهكن لا تخلون الأمور بينكم وبين التغذية سيئة بالعكس كلوا الأكل الصحي والحلول تعرفنه كل شهر من بعد الشهر الثاني فهمتن عدل لا تقولن والله الحلول يعق الحمل كلام غلط لأن سمعوا شو بقول أنا كنت أطرش في الدوام من الكافتريا وارجع البيت ما آكل شي لين العشا هالشي أثر عليه وااايد وتمت معدتيه تعورني وأنا مهملتنها لدرجة كبيرة بعدين شوفوا شو صار لي
رقدت في ليله ونشيت الساعة 3 وأنا احس شي سائل مغرقني رحت الحمام وريولي يتنافضن وادعي أنه يكون اي شي إلا الدم ولقييييييته دم هيه دم من هناك الله يعزكم لين ركبيه كنت بطيح في الحمام من الخوف رحت المستشفى واتفاجأ يقولولي المشيمة عندي نازلة واااايد وضغطت على الرحم وسببتلي نزيف حاااد المهم تميت من الشهر الثاني لين الثامن وانا اراجع في مستشفى واااحد ما غيرته وكله على أمل أنها ترتفع المشيمة لكن بدون فايدة وفي نص الشهر الثامن رحت مستشفى حكومي وهناك دكتورة طلبت الالتراساوند الجنيني لأنها كانت شاكة في شي تخيلوا واللي توقعته الدكتورة طلع في محله كان عندي مع نزول المشيمة شي ثاني وهو تداخل اجزاء المشيمة مع عضلات الرحم وتغلغلها فيها ووصولها لين المثانة يعني طلعت من الرحم وراحت لين المثانة وهاي حالات نادرة جدا في الحمل المهم بعدين قالتلي الدكتورة عملية عملية وادعي ان الله يعطيج عمر عقبها ويلطف بج لأنه حالات وااايد توفن في مثل هالحالات المهم قبل العملية عطوني موعد مع دكتور التخدير وقالتلي الدكتورة أنه حالتي صعبة ولازم اتفهم الامر و70 بالمية بيشلون الرحم عندي وانا بعدني 26 سنة المهم تخيلوا كل هالكلام وكيف تأثيره علي يا موعد العملية ودخلت غرفة الموت الله لا يراويها لحد يا رب وانا كاني قاعدة اودع بعد 5 ساعات طلعت من العمليات على العناية وقالولي الامور إلى حد ما طيبة لانهم طلعوا البيبي وخلوا المشيمة داخل وخيطوا عليها عطوني عقب العملية جرعة كيماوي عشان اطيح المشيمة وتخيلوا كم قعدت المشيمة في بطني 4 شهور المهم عقب طاحت ومابا اذكرلكم معاناتي معاها ولادة من اول ويديد وعقب ما طاحت المشيمة تم المكان اللي كانت المشيمة منغرسة من خلاله في عضلات الرحم وجزء منها طالع للمثانة يآكلني من داخل ويسبب لي حكة فظيعة تعرفون ماالتأم رحت وخذت كسرة خيل (حلتيت حد يسميه) وتميت آكل كسرة على الريج والحمد لله من ناحية الحكة اللي داخل خفت لكن بعدها لين اليوم ما راحت وان شالله ماحد يشوف شر
المهم من هذا كله الخلاصة
1- قراءة المعوذات والاذكار صبح ومسا
2- اللي تحمل ما تخبر حد على الاقل 4 شهور الاولى
3- المواظبة على شرب الحلول مرة شهريا من بعد الشهر الثاني
4- التغذية الصح لانها السبب الاول والرئيس في استقرار الحمل ولا عدم استقراره أول ما تحس الوحده بغازات في بطنها ولا أنه خروجها صار مائل للسيولة على طول حلول مثل ما كتبت في النقطة الثالثة ومثل ماصار معاي من أني اهملت تغذيتي الصح تم الغذا اللي يوصل البيبي ضعيف فنزلت المشيمة من اعلى الرحم واستقرت تحت لان شغلتها تقلصت (مثل ما نعرف المشيمة هي اللي توفر الأكل والاكسجين للبيبي ) ولانها نزلت هذا يعني انها استقرت في مكان مب مكانها اصلا فتمت تكبر وتطلع من مكانها وسببتلي امراض ثانية غير نزولها من مكانها

واقول انا شليت هموم وااايد في صدري وصلتني لين عيشة كرهت فيها نفسي والحين عاهدت نفسي اني ما اخلي حد يكون سبب في تعاستي وظلمه بيرد عليه والله حق في كل مكان وزمان
لان الحالة النفسية لها دور كبير في الحمل
اترككم بحفظ الله

المزيد من آخر المواضيع من نفس القسم:

**فطــامــي** · 2009-01-25, 13:25

حمدلله ع سلامتج الغالية وما تشوفين شر إن شالله

أهم شي الرقيه الشرعية و سورة البقرة لأنها تحمي الواحد من كل شر

**ام حمده** · 2009-01-25, 13:26

حمدلله ع سلامتج الغالية وما تشوفين شر إن شالله

أهم شي الرقيه الشرعية و سورة البقرة

**ريم وفرح** · 2009-01-25, 13:27

الله يعينج اختي معاناتج مؤلمه نفسيا وبدنيا الله يشفيج ويبعد عنج العين
ويصبرج على ما بلاج امين

**أم ترفه** · 2009-01-25, 13:30

أشكر كل من مر ودعالي والله يحفظ الجميع

**غالية82** · 2009-01-25, 13:37

الحمد لله على سلامتك أختي..

وربي يحفظج ويحفظ أهلج من كل شر..

**ميمي الفلاسي** · 2009-01-25, 13:45

الله يعينج اختي معاناتج مؤلمه نفسيا وبدنيا الله يشفيج ويبعد عنج العين
ويصبرج على ما بلاج امين

**منــــــايــــــا** · 2009-01-25, 13:49

حمد لله على سلامتج الغالية

وما تشوفين شر إن شاء الله

أهم شي الرقيه الشرعية وقراة سورة البقرة

**jameela200** · 2009-01-25, 13:53

الحمدالله على سلامتج الغالية وما اتشوفين شر...
والله سبحانه وياج وويا كل الحريم الحوامل ...وربي يسهل عليكم...

**أم مران** · 2009-01-25, 13:56

حمدلله ع سلامتج حبوبة وما تشوفين شر إن شالله

**عالية الغالية** · 2009-01-25, 13:58

الحمدلله عسلامتج

اهم نقطة من اللي ذكرتيها غير الاذكار لانها مهمة سواء في الحمل اوغيره

التغذية في فترة الحمل

هذي اهم نقطة ياحريم

لان عادي ينزل الدم - الهيموجلوبين - ويوصل 7او 8 واحيانا 5

وفي هالحالة لازم نقل دم

والبيبي بيكون ضعيف ما بيكون فيه قوة انه يطلع فبيتعب وبيتعبج ولازم عملية

وعندي نقطة

الحريم اللي يشتغلن تكون عليهن العين من باقي الحريم اكثر

مثل اللي تدرس وهي حامل او مدرسة وهذي الفئة - اعوذ بالله منها- كل يسألون انتي في اي شهر ومتى ولادتج بعدج ما ربيتي - شو ولد والا بنت

فهني لازم التحصين -- يعني الوحدة تقرا ع عمرها قبل لاتسير الدوام

والله ييسر حمل وولادة كل حامل

ويرزق كل محرومة

**حنين البدر** · 2009-01-25, 14:01

ربي يعينج ويهون عليج... ويعوضج إن شالله ..

**نمراوية** · 2009-01-25, 14:21

ياااااه كل هذا صارلج؟ الحمد الله على السلامة والله شي يخوف,ان شا الله تصيرين قوية ويا جبل مايهزك ريح.

**رد روز** · 2009-01-25, 14:27

الحمدالله ع سلاامتج
وان شاء الله الكل يستفيدد

***عســـولة*** · 2009-01-25, 14:37

الحمدلله ع سلامتج عزيزتي

الموضوع: هذا اللي صار لي

أدوات الموضوع

عرض

هذا اللي صار لي

المزيد من آخر المواضيع من نفس القسم:

المواضيع المتشابهه

بنات أبوظبي اللي مجربات أو اللي عندها خلفية عن الاكل الصحي اللي مثل سلم ن لايت و غيره

لكل اللي يراجعون او اللي راجعوا عند الدكتورة كاميليا اللي كانت في بوظبي ويت الشارجه

زيت للشعر اللي اطول (اللي اتبيعه أم مهره)اللي استخدمته تدخل

بناات اللي تعرف المطووع اللي فبوظبي اللي من قوم الهااشمي تتفضل