أحس بالغيرة .. ؟؟

**جامعية** · 2009-01-25, 22:50

انتي تمي سوي له حركااات وكلاااام الرومنسي لين ما ياتغير ويتعلم منج

موفقه يالغلاااااااا...

**ايشوووت** · 2009-01-26, 01:07

اصبري عليه وانشالله بيتغير من عقب العشره تراكم توكم معرسين وانشالله بتلقين منه اللي تبينه ,,

**أحلى غراام** · 2009-01-26, 01:36

في حد من الريااييل صدق مايعرف يعبر بالكلام بس تلقينه يعبر بسلوكه وأفعاله

الله يوفقج يارب

**عاشقه زوجي** · 2009-01-26, 02:32

ريلي جي بس اتعودت عليه واهم شي صدقيني الافعال ولو ماقال انت قولي انا 12 سنه ولا مليت واطرش ولا يهمني واهم شي عارفه انا شو عنده اشوف غيره مغرقين حريمهم كلام بس مافي غيرالكلام مافي افعال ولا مسؤوليه والحمدلله على هالنعمه

**غلاي ميمو** · 2009-01-26, 12:06

تسلمون على الردود .. الله يحنن قلبه عليه ..

**judy abbott** · 2009-01-26, 20:57

ممم..

شوفي اذا تميتي اتحنين عليه و تطلبين منه ما بيي من خاطره..

شوفي..

انت استمري على مسجاتج و أسلوبج و شوي شوي...

بيبدا يتعامل معاج باسلوبج..

خلي المسجات في أوقات حلوة...

مش كل شوي...

انت عبري عن مشاعرج يوم اتشوفينه.. وكل ما يغيب عنج قوليله ..

والله اني ما أسوى شي يوم انك مب معاي...

بس اتكون من خاطرج طبعا..

ويوم يطلع يتحوط مع ربعه باالايام..ويرجع..

حسسيه بقيمته و قوليله هاي أخر مرة اخليك اتروح بدوني..

حسسيه بغلاته....وبطريقتج..بيتعلم كيف يعبر عن نفسه...

نصيحة...

خلي تعبيرج لمشاعرج...في اللحظاااات المناااااسبة...و مش بألحااااح...

عشان يوم تطلع منج كلمة أحبك..ولا أي كلمة رومانسية ...صدق يحس بها و تأثر فيه...

**أم سعيد 15** · 2009-01-26, 22:34

الله يهدي ريلج ويسر اموركم

**ميميه88** · 2009-01-26, 22:48

امممممممممممممم
انا حاستبج
ختيه بس مب كل الريايييل سوا
يعني يمكن ريلج مب من هالنوع ولاتخليين اشيا بسيطه تاثر عليييج ولو انج تشوفيينها عووووده

**شلة الكلاس** · 2009-01-27, 01:37

انا نفسج بس ريلي في كسبات الخاصة ما يذكر ولا ييبلي شي ل شي ما يسويلي سالفه حتى في اعياد ومناسبات موت قهر

**مزمزنه** · 2009-01-27, 02:17

نفس ريل اختي و حميي الثاني ما يغازلون حريمهم ............ بس ريلي اوفر اند اوفر و يلاحقني من مكان لمكان هههههههههههههههه

**أم نظارة** · 2009-01-27, 10:36

حاولي تغيرينه .. وإن شاء الله بيتغير

**فرحة جفن** · 2009-01-27, 11:01

حبيبتي أغلب الحريم يقارنون بين أزواجهم وأزواج غيرهم وهذا أكبر غلط.. مب كل الرياييل نفس الشيء
أنا معاج إن ودج تسمعين كلام حلو.. وكل حرمة تتمنى هالشيء،، وإحنا نظل نحلم بريلنا أو بالفارس الأبيض من يوم ما نبلغ ونكون بسن المراهقة ونحددله الشخصية اللي نحبها وبعدها ننصدم لأنه يطلع غير.. علشان جي شيلي فكرة المقارنه من بالج لأنج راح تتعبين وااايد.. أنا أعرف إن الموضوع يقهر بس ما عليه تحملي.. يمكن يكون لريلج صفات حلوة مب موجودة عن الكل.. صحيح إنج تشوفين إثنين ماشيين بالشارع ماسكين إيد بعض أو تسمعين من ربيعتج سوالف حلوة بينها وبين زوجها لكنج ما تعرفين شو يستوي عندهم بالبيت... يمكن يضربها وكل يوم يتهاوشون ودايما مشاكل بينهم لكنها طبعا ما بتخبرج بهالشيء.. دايما بتطلع الصورة الحلوة.. وبعض الحريم يحليلهم مب عايشين هالأجواء بالمرة .. ويمكن نفسيتهم أخس عنج لأنهم يشوفون ريايلهم يغازلون غيرهم بس دايما جدام الناس يألفون سوالف وقصص حلوة ويبينون للناس إشقد إن رياييلهم يحبونهم علشان ما يحسون بالنقص وإنهم غير عن الناس.
أنا أقولج احمدي ربج واشكريه دامه يحبج ويمكن يبين لج حبه بالأفعال.. وحاولي شوي شوي إنج تعودينه على الكلام الحلو لأن كل شىء بالتدريج راح يستوي.
مثلا لو كان عمر ريلج ٢٥ سنه هذا معناه إنه ظل ٢٥ سنة على نمط معين وسلوك معين وتربى على يد أمه وأبوه على هالشيء فمن المستحيل إنج تغيرينه بشهر وشهرين.. لازم تتبعين سياسة النفس الطويل.. واعتبري نفسج بحرب وجهاد.. وخلي الجنه هي مقصدج صدقيني حزتها بترتاحين
والله يوفقج ويسعدج

**قمرين وبس** · 2009-01-27, 11:23

حاولي أنج ماترسلين له مسجات وغيري شي من أسلوبج معاه حاولي تروحين إجازه صغيره عند أهلج ولا ترسلين له شي وشوفيه بيدور عليج ولا لا في نوعيه من الريايل ما تحب تعبر بكلام ورسائل . عاد يوم هو طيب وزين معاج

يكفي بس شكلج رومانسيه زايد إنشغلي عنه شوي وشوفي النتيجه

**أم الوحيد** · 2009-01-27, 11:29

عزيزتى اصبرى يمكن يتغير مع مرور الوقت ويمكن هو ايعبر لج عن حبه بالافعال ومعاملته لج واحترامه اكبر دليل على حبه ولا اتقارنين بين حياتج وحيات غيرج مب شرط الكلام الحلو والمسجات دليل الحب احيانا اتكون مثل المخدر للمرأه علشان تتغاضى وتغفل عن حقيقة زوجها حبيبتى احمدى الله واشكريه على نعمة الزوج الصالح ولا اتخلين هالاشياء اتعكر حياتكم بدل ما ترقدين وانتى اتصيحين اتقربي لحضنه وعطيه الحنان ومع الايام والله والعشره بيتغير كل شئ وبيكون قول وفعل

**رقوووي..** · 2009-01-28, 01:10

الافعال هيه الي تثبت الحب مب الكلام ولو كان فالرمسه كلنا بنتكلم وبنقول احبج وما اعرف شو بس طبيعة الريال ما يبن يعني انت ارضي فهالشي ومب بروحه بس والله وااااايد شباب جي ما يحبون يبينون بس اكفايه نظرته لج هي الي تنسيج الدنيا والي فيها ..

احمدي ربج ع كل شي حبوبه والله يكتب لج الي فيه الخير ...

الموضوع: أحس بالغيرة .. ؟؟

أدوات الموضوع

عرض