أحس بالغيرة .. ؟؟

**غلاي ميمو** · 2009-01-25, 11:44

مرحبا حبيباتي ,,

محتاجه حد يسمعني ..

طبعا تكلمت فالموضوع وايد و إلين الحين ماحصلت الجواب اللي يقنعني ..

انا متزوجه من فتره قريبة .. و ريلي غير رومنسي بالمره .. وانا عكسه تماما .. لما أشوف الاهتمام

من اللي حولي كيف يحبون بعض و حبهم ظاهر وباين للكل ... أتضايق من حالي وأقول أنا شو سويت

عشان يكون ريلي جيه .. مب رومنسي مثلي .. يعني عمره ما طرشي لي مسج فيه كلمة أحبج ولا

مشتاقه لج ولا خاطري احضنج ولا ماصبر عنج .. أبدا .. أنا يوميا أطرش له مسجات حب ..

و شوق .. و غالبا يكون من مشاعري و خاطري .. أنا أحبه و أعشقه وايد .. قبل فتره بسيطة كنت

طالعه مع أخوي ومرته .. ماشاء الله عليهم .. طول الوقت يتبادلون النظرات و يتهامسون .. ويضحكون

مع بعض الله يحفظهم حق بعض .. كل يوم تقريبا لما احط راسي عشان ارقد اتم اصيح و اقول ليش

إلين الحين ما سمعت كلمة أحبج .. مع انه أدري أنه هو يحبني وايد .. بس حبه ابدا مب ظاهر .. يلست

واياه وايد واتكلمنا فالموضوع بس بدون فايده ما يتغير .. أغار لما ربيعاتي و بنات خالاتي يراوني

مسجات الحب و الغرام من ريايلهم .. و اقول ليش انا بس اللي مايطرش لي .. خاطري والله خاطري

يطرش لي كلمة وحده بس من خاطره .. أنا ما احسدهم بالعكس أتمنى الخير للكل و لي بعد .. شو أسوي

؟؟ أبغي ريلي يعبرني .. يطرشلي مسجات ,, أقل شي يقولي أحبج وتطلع من خاطره .. لما أناقشه يقول

ماعرف أعبر بالكلمات و مايعرف يطرش مسجات ..

المزيد من آخر المواضيع من نفس القسم:

**مرت الوزير** · 2009-01-25, 11:55

عزيزتى اصبرى يمكن يتغير مع مرور الوقت ويمكن هو ايعبر لج عن حبه بالافعال ومعاملته لج واحترامه اكبر دليل على حبه ولا اتقارنين بين حياتج وحيات غيرج مب شرط الكلام الحلو والمسجات دليل الحب احيانا اتكون مثل المخدر للمرأه علشان تتغاضى وتغفل عن حقيقة زوجها حبيبتى احمدى الله واشكريه على نعمة الزوج الصالح ولا اتخلين هالاشياء اتعكر حياتكم بدل ما ترقدين وانتى اتصيحين اتقربي لحضنه وعطيه الحنان ومع الايام والله والعشره بيتغير كل شئ وبيكون قول وفعل

**غلاي ميمو** · 2009-01-25, 11:59

يا ريت بس هذي غيره طبيعيه .. كل البنات تتمنى ريايلها تعبر عن مشاعرها تجاهها .. تحب تدلع و تحس بقيمتها في قلب ريلها ..

**little lulu** · 2009-01-25, 12:21

حبيبتي انتي بعدج مالجة ماعرستي و انشالله عقب العرس صدقيني بيتغير كل شي انشالله بس انتي لا تضغطين عليه وايد و انشالله يتغير

**عمري زايد** · 2009-01-25, 12:47

الغاليه انا نفسج ولله ريلي صح يحبني بس ما يبن هالشي ما عرف شو السبب ..

بس شو نسوي اهم شي عندي فالدنيا شوفته وهو داش وطالع عليه

**غلاي ميمو** · 2009-01-25, 13:04

لا انا معرسه ..

**ميمي مشاكل** · 2009-01-25, 13:05

الغالية الرياييل انواع وانتي ريلج من النوع اللي ما يعبر بالكلام شرات خالي ما يسمع مرته الكلام الحلو إلا جدامنا حتى تستانس لما تسمع منه كلام حلو...
بس صدقيني هالنوع من الرياييل يعيبهم التغيير واللبس يعني حتى لو ما تكلم بس بداخله يقول

**غلاي ميمو** · 2009-01-25, 13:06

انزين ماقدر .. احس أنه من حقي يدلعني ويظهرلي حبه إذا ماقالي بيقول حق منوه .. والله قهر .. عيزت انا ادلع و اتلصق واحضن و ابوس و اهتم بكل شيء و ماحصل كلمه نريحني .. حتى فديتج خاطري اسمعها ..

**ظبية*الامارات** · 2009-01-25, 13:39

الله يكون فعونج

**أمورة كل حد** · 2009-01-25, 13:44

مرحبا الغاليه ..
لاتضايقين كل ريال وطريقته في التعبير عن حبه في منهم يعبرون عن طريق هدايا وفي عن طريق مسجات وكلام حلو وفي عن طريق الغيره والخ . اهم شي يحبج وتحبينه مب اهم شي الكلام والمسجات

**بنوته كفالي** · 2009-01-25, 13:59

حبيبتي ماعليه لا تضايجين الله يهديه ان شاءالله و يخلي الحنيه في قلبه يارب

**شوق الظبي** · 2009-01-25, 14:49

امممممم انتي ماكنتي تعرفين انه هذا طبعه من فتره الملجه ؟! ولا هو تغير عليج فجأه ؟!

اختي توج معرسه

احس الرياييل ابد مب من النوع اللي يعبر

يعبرون بـ الأفعال مب بـ الكلام

بس ادعيلج من قلبي

إن الله يسخره لج ويكون معاج شرات ماتبينه وأكثر ،،

**أحلام علي** · 2009-01-25, 14:58

في ناس بطبيعة جسمهم ودماغهم مايرومون يكونون جي عاطفيين بالكلام والاحظان

لكنهم يعبرون عن حبهم بانهم يوفرولج الي تبينه ويعطونج بيزات حتى ماتسالين غيرج

**الكتماويه** · 2009-01-25, 15:02

الله يهديه ليج

**،،‘عاليه،،‘** · 2009-01-25, 15:18

اختي الريايل كلهم جيه
لاتعورين قلبج وبعدين
مب حلوه فحقج اتقولين له
قولي كلام حلو الكلام المفروض بروحه
يطلع اتعرفين اي سلوك وطبع فالانسان
مكتسب مايقولون من عاشر القوم اربعين يوم
صار منهم , انتي علميه انتي درسيه خليه يكتسب منج
لاتتعبين مره ع مره حتي لو ماعبرج قوليله احبك كل ساعه
ودقيقه واقطعي عنه فتره بيحس انه في شي ويمكن ينقزج لانه ريلج
مب من النوع اللي يظهر مشاعره فعلاجه باايدج انتي وربي يوفقج يااارب

الموضوع: أحس بالغيرة .. ؟؟

أدوات الموضوع

عرض

أحس بالغيرة .. ؟؟

المزيد من آخر المواضيع من نفس القسم: