مركز نيترشين!!!

[أمووون]

السلام عليكم بنااااااااات


شخباركم.... و شو مسويين؟؟


من زمان ما شفتكم .. وينكم؟؟



شو أمووون جالبة النادي الصحي ميلس!!!:1 (27):


حبيت اسألكم يا بنات منو سارت مركز نيترشين؟؟

و استفادت و الا لأ...؟؟

و كم نقصت؟؟؟


بصراحة توهم فاتحين في راك.... و ابا اسير بس قلت اشوف آراءكم قبل...


ابا آراء شخصية.. يعني مابا تقولولي سمعت انه جيه... وحدة قالت جيه


ابا تجارب شخصية ان كان ممكن...

و تسلموووون:1 (84):

المزيد من آخر المواضيع من نفس القسم:

• اهم فوائد بذور عباد الشمس السحرية للصحة حصري
• نصائح هامة لمرضى السكر في رمضان
• افضل مشروبات طبيعية لخفض ضغط الدم المرتفع
• اعراض وانواع القلق واهم مخاطره على الصحة
• افضل طرق علاج تقرحات الفم في البيت
• افضل فيتامينات لصحة افضل في الشتاء
• كل ما تحتاجين لمعرفته عن نظام الديتوكس...
• افضل فواكه غنية بالبروتين، وكيفية دمجها في...
• افضل طرق تقوية مناعة الجسم في فصل الشتاء
• افضل اكلات لخفض الكوليسترول في الدم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أمووون]

يحليلي محد عبرني اهئ اهئ اهئ

[فطوم84]

الغالية انتي تبين اللي مجربين وانا عن نفسي ما جربت بس سمعت من اللي راحوا عندهم


المهم ان شالله يفيدونج البنات

وداعت الله

[شوق الأمارات]

انا عاد بقولج خالتي تروحه بس ماشالله
جسمه تغير 180 درجه عاد هي راحت عقب ماربت ويهها ضعف
والحين اسأل عنها يقولولي انها ضعفت زياده بس طبعا هي ملتزمه بالاكل وماتخربط
ادري انج تبين تجربه شخصيه بس لان خالتي قريبه وشفتها بعيوني قتلج

[شمس القوايل]

ودي اساعدج بس للاسف ما اعرف

[شما المحيربي]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين

.
.
هلا ولله بالغالين
شو في حبوبة
انا ما جربت
بس بنت عمي الصراحة
وااااااااااااااااااااااااااااااااااااااااااااااااا ااااااا
اااااااااااااااااااااااااااااااااااااااااااااااااا اااااااااااااا
اااااااااااااااااااااااااااااااااااااااااااااااااا ااااااا
ااااااااااااااااااااااااااااااااااااااايد ظعفت
هب اقل عن 50 كيلو جرام
وهي من سنة عنده

هي وايد كانت متينة
والحين استوت نانسي عجرم ههههههههههه
ولله اني يوم اشوفها دوم امدحها

بس هي عانت يعني
شعرها وايد ظعف رغم انها تاخذ فيتامينات
وجسمها اترهل بس هي تمشي تقريبا المشي وايد عدللها جسمها

مممممممممممممممممممممممم............

هيه صح
هي قالتلي ان رجيمهم واااااااااايد قاسي
وتاخذ حبوب
اتضعف

وبعد هي لما ظعفت ياها الربو ما ادري ليش ؟
يمكن لن مافي مناعه ؟ يمكن ؟ بس ما عرفت السبب ؟

بس على الحلاوة والظعف الصراحة توب ^_^

وانا حاظرة لأي سؤال ^_^
.
.

ودمتم على الخير متواصلين ^_^
تحيـــــــــــــاتي
شمـــــــــــا المحيربي ^_^

[جويرية]

بصراحه عنى انا جربت نيوترشن اللي في الشارجه

بس دخلت على الدكتورة حنين بصراحه مب شي لانها ما عطيتنى حبوب اللي اتضعف

بس دكتور حسام وااااااااااااايد اوكي لان هو بصراحه يصرف حبوب اللي تساعد على الرجيم

----------

انصحج اذا انتى ناويه اتسيرين اللي في الشارجه سيري عند الدكتور حسام لان صدق بتستفيدين

تحياتي

[@حصه@]

أنا يا أمون.. أقولج روحي بس ألتزمي بكل التعليمات اللي يعطيج إياها وراح تستفيدين وااااايد
أنا حميتي وبنات أختي ووايد ناس سارو عنده بس فرق في الشكل بين اللي التزمت وبين اللي ما التزمت بالنظام ....

[صمتي عذاب]

هلا الغالية
عندي تجربتين
1.هو الصراحة عند استخدامه ينزل ولكن اول ما تتركينة يرد الوزن اضعاف مضاااااااعفة
يعني لو ما تسوين عنده احسن ..
2.وفي وحدة سوت هالرجيم لمدة شهر وما نزلت الا تقريبا 2 كيلو
شهر و2 كيلو
غريبة

[ساحرة العيون]

يا هلا ومرحبا بامووون اشحالج توه نور القسم الصحي مع انها متاخرة خ خ خ
الغالية من تجربه شخصية اقولج انه حبوبهم مضرة انا يتني حساسية والله تخيلي حبوب سودة اول مرة اشوفها ويوم سرت العيادة قالي وقفي الحبوب ويوم وقفت وزني ما نقص ولا كيلو
وحبوبهم لها اثار جانيبة وياثر بعد على بطنج
انا اوني اشتركت حق سنه ودفعت وشاده حيلي تميت عندهم شهر مع الحبوب وشهر بدون حبوب
مع الحبوب نزلت 7 كيلو وبدون الحبوب نزلت2 كيلو واحد مع انه الرجيم قاسي
حتى اختي كانت مشتركة تمت عندهم شهر ونص وسوت لهم باباي
لكن في ناس استفادوا منه بس مو واايد
الغالية استخيري ربج وشوفي
وبالتوفيق ان شاء الله

[!~¤§¦الرهيبة¦§¤]

الغالية انا سرت له وعن تجربه شخصية اقولج اذا التزمتي بالرجيم والحبوب بتنقصين
بس بمجرد ما توقفين الحبوب مع العلم انج بتكونين ملتزمه بالنظام او اكلج الطبيعي موب بزياده بترجعين مثل اول بالضبط
انا سرت قبل ربيعتي بـ 6 شهور ويوم لاحظت الفرق اتشجعت وسارت حبيت اثبت وزني ثبت لمدة شهرين وعقب قام يرجع مثل اول وربيعتي نفس الشي يعني لا تستخدمين الحبوب بس انتي التزمي بالنظام وترا كل الانظمه مثل بعض يعني اللي يعطيج اياه انتي هو نفسه عند كل وحده فينا اخذي من اي حد النظام وطبقيه بروحج بلا هالمخاسير

ويا رب تعافينا واضعفنا
قولوا اميييييييييييييين

[mooni]

بصراحه ماسرت له، بس بقولج عن رفيجت اختي وه اللي شجعت اختي الثانيه انها تسجل عندهم، هذي الله يسلمج كانت حاضرة عرس اختي، كانت ماشاء الله عليها ملياااااااااااانه، العرس كان بشهر 3، وسرت لهم مره زياره بدوامهم وانصدمت(شهر 5)، كانت ضعيفووووووووووونه حييييييييييييل سالتها شو صار، قالت كنت اراجع عند نيوترشن ، والتزمت باللي قالي عليه، وكانت تمشي في اليوم 3 ساعات ( على طول الكورنيش)،والحين وزنها 50 تقريبا، وبعدها تبي تضعف لانهاقصيره، انصدمت اول ماشفتها ^_^

وان شاء الله خير

[أم ود!د]

انا اللحين الاسبوع ثاني عندهم

لين اللحين كل شيء اوكي الحمدلله

[المبرقعه]

كنت ناويه اسير بس هونت ،،

[KHULO0O0OD]

نصيحه مني لج

إنج لا تروحين له ولا تفكرين تروحين له ... صح اللي يروح عنده يضعف بس للأسف يكون مصاحب بأمرااض ... هذا اللي سمعته من اللي جربوا عنده.. وإذا انتي تبين تضعفين روحي مركز الريم للرشاقة
بدون اعشاب ولا حبووب كل أكله طبيعي 100% وبالعكس صحي وانا مجربه عنده بس الالتزام بالاكل والترتيب بالاكل ها المهم عنده والألتزام بوقت الاكل .. انا نزلت عنده 6 كيلو بشهر بس كان المفروض انزل 8 كيلو لاني خربت ريجيمي اسبوع والحمدلله .. وصارت الصحه عال العال ههههه
روحي عنده هو في شارع كورنيش القواسم اللي مجاور حلويات فواله