العضوه "مرحبانيه"

[مسك دبي]

السلام عليكم ورحمة الله وبركاته


خواتي بغيت اسالكم عن العضوه "مرحبانيه"

كانت تمر بمشاكل مع زوجها مع انه يحبها وعقب عرس عليها ومن عرس قطعت

اخر رد قريته منها

ان تقول لعضوه انا ريلي الحين فشهر العسل وماتخيل انه يدلع حرمته مثل ما كان يدلعني

وايد قلبي معورني عليها وخاطري اساعدها باي طريقه

بس اختفت من شهووور

حد يعرفها ويقدر يطمنا عليها؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عشان الحب]

والله ماأعرفها...

حراااام غمضتني

بنشوووف يمكن البنات بيفيدونج

[أحلى غراام]

اذكر سالفتها

بس ماعرف شي عنها الحين

[ام الرميثي]

مسكينه اكيد طروفها منعتها ...
‏ الله يرجعها لنا وترجع لها سعادتها
‏ ما اعرف للحين كيف فيه بنات تبني سعادتها على حساب تعاسة غيرها . كيف ترضى بنت ترتبط بشاب متروج سبحانك ربي

[آلرمش]

ربي يعينهآ يآرب

[يغار الحلا]

السلام عليكم..\



الله يعينها يارب..



وان شاء الله المانع خير..

[cutyah.87]

ياحليلها كيف يت ع بالج ؟!
اتذكرت مواضيعها والله كانت وايد تغمضني
ووااايد تأثرت فيها
ياليت حد يطمنها عليها

[ظبية*الامارات]

حليلها الله يعينها

[ام سلطاان]

هيه اذكرها انا

بس توني ادري انه ريلها عرس عليها

اللي مافيه خير ...

[نور حياتي]

ان شاء الله المانع خير

[ام حمداني0]

ان شاءالله المانع خير

[ورد جـوري]

السلام عليكم ورحمة الله وبركاته


خواتي بغيت اسالكم عن العضوه "مرحبانيه"

كانت تمر بمشاكل مع زوجها مع انه يحبها وعقب عرس عليها ومن عرس قطعت

اخر رد قريته منها

ان تقول لعضوه انا ريلي الحين فشهر العسل وماتخيل انه يدلع حرمته مثل ما كان يدلعني

وايد قلبي معورني عليها وخاطري اساعدها باي طريقه

بس اختفت من شهووور

حد يعرفها ويقدر يطمنا عليها؟

سبحان الله من كمن يوم حتى انا يات علبالي اني ما اشوفها ابد عالمنتدى ولا اشوف ردودها..
اخر شي احيده قالته انه ريلها من عرس و هو حاسه انه متغير عليها
الله يعينها يارب و يسر امورها

[..V!P..]

ان ااشااء الله المانع خير..

[...(مريّة)...]

الله يكون في عونها يا رب ،
وإن شاء الله المانع خير ..

[وديما]

وووااااي من هاليايييل ...

قلبي عورررني عليها.. عمرره الريااال ماابيحس في معاانته الحرمه .. يقولج الشرع حلل اربعه

عنو بوك مافكرت في هالحرمه إلي تلبس وتكشخلك كل يوم .. مافكرت في هاي إلي تهديك وتسويلك اجواء رومانسيه ..

مافكرت في إلي جافت المووت وهي تييبلك اجمل هديه لك وهم عياالك .. مافكرت في هاي إلي تسهر الليل ع راحتك ورااحت عياالك ماوووو...إلخ ..

والله إن الدمعه في عيني ويغمضووني هالمسااكين الله يسااعدهن ..