أبي أسوي مشروع ,,, لكن !!

[ramroum]

السلام عليكم أخواتي ،،،
كيف الحال والأحوال ؟؟
أتمنى تكونوا بخير دوم .


أتمنى تشاركوني بموضوع خاص فيني ..
وأبي مشاركتكم ومشورتكم ,,
أنا أعيش في أبوظبي وعندي دوام الصبح ,,
فكرت من حوالي 9 أشهر اني اسوي بزنس واشتريت اغراض وحاولت ابيعهم بالبيت
بوقتها كنت احتاج هالشغله ماديا قبل معنويا ..
لكن الناس خلتني اعيش مأساة حقيقية
في منهم عاملوني بطريقة كأني أشحت ومنهم بترفع ومنهم قليل بذوق
وأقرب صديقاتي للأسف سووا مواقف ما تتسوى ,,
مع ان الأسعار ماكانت غالية وربحي والله كان زهيد والبضاعه نوعها جيد
يعني ما غشيتهم ,,
وعشت والله بعدها اقول الله لا يخليني احتاج ولا اسوي هالشي مره ثانية
وتندمت لاني سويت هالشي لكن ما كنت ابي الا الشغل الحلال والربح الحلال
المهم ما ابي اطول عليكم ,,
قررت بعدها ان كنت ابي اسوي شي ما بسوي الا محل بأبوظبي لاني اعيش هني
لكني تفاجأت بأسعار الايجارات وووو.... نتيجة اللي حاصل في كل مكان من غلااا
طيب
ابي مشورتكم ,,
معي مبلغ صغير وما يكفي غير اني ابي اسوي شغل لان عندي مصادري اللي تقدر تجيبلي بضايع حلوة
ونوعيتها ممتازه لكن يبقى خوفي من المغامره بعد اللي صارلي وخسارتي من ورا تعامل الناس
اما في المحل انا بتابع اموري بعض الظهر وعندي هالطموح والنية الطيبة لكن مب عارفه اكمل
ابي مشورتكم
لأن عندي افكار ولكن محتاجة الدعم المعنوي اولا وهل حد يبي يشاركني
نعم .. عن طريق النت ممكن الواحد ينغش
لكن الله وحده هو العالم بنوايا النفوس
وربي الأعلم بأني ابي اشارك مو اعتمد او استغل احد

مع التحية والتقدير لكل مين قرأ حروف كلماتي :22 (29):

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[miss-bentuae]

حبيبتي ..

تقريبا من فتره قصيره..انا حطيت موضووع في قسم ساعدوني ..وطلبت افكار او في شو اقدر

اسوي بزنس..وماشالله البنات ماقصروا لا على العام وعلى الخاص بعد..
..بس اختي انت تقدرين اتسوقين بضاعتج في النت في المنتديات ..

والتوافيق من الله ..وانشالله الله يوفقج الغاليه

[ramroum]

حبيبتي ..

تقريبا من فتره قصيره..انا حطيت موضووع في قسم ساعدوني ..وطلبت افكار او في شو اقدر

اسوي بزنس..وماشالله البنات ماقصروا لا على العام وعلى الخاص بعد..
..بس اختي انت تقدرين اتسوقين بضاعتج في النت في المنتديات ..

والتوافيق من الله ..وانشالله الله يوفقج الغاليه

أولا اشكرك اختي على الرد
المشكلة اني من على النت
ما احب اشترك في اكثر من منتدى
بس هني اكتب حاليا

بشوف اذا بقدر اسوق على النت هني

أشكرك مره ثانيةه

[عناقيد حلم]

مرحبا اختي

بالعكس لازم تتحمسين اكثر

واتعرفين ان الحياه تجارب

وانا اختي ابغي اعرف شو نوعيه البضاعه اللي تبغين اتاجرين فيها ؟؟ ولازم دراسه جدوى

اختي انا ممكن بعد ما اعرف البضاعه والاسعار اللي بتكلف ونتكلم اكون شريكه معاج

ماديا ، يعني تجاره بالمناصفه

بس ابغي اعرف معلومات ياريت اتراسليني على الخاص

في الانتظار

[ramroum]

مرحبا اختي

بالعكس لازم تتحمسين اكثر

واتعرفين ان الحياه تجارب

وانا اختي ابغي اعرف شو نوعيه البضاعه اللي تبغين اتاجرين فيها ؟؟ ولازم دراسه جدوى

اختي انا ممكن بعد ما اعرف البضاعه والاسعار اللي بتكلف ونتكلم اكون شريكه معاج

ماديا ، يعني تجاره بالمناصفه

بس ابغي اعرف معلومات ياريت اتراسليني على الخاص

في الانتظار

أشكر لك اهتمامك وذوقك
وبرسل لك على الخاص

لك مني جل التقدير والاحترام

[ramroum]

أتمنى مشاركتكم أخواتي الباقيات
:1 (25):

[The Swan]

بخبرج تجارة البيوت مذلة بمعنى الكلمة
والقهر انهم يعرفونج وفلانه اتبيع وفلانه اتسوي
فاحسن شي الغاليه انج تيبين بضاعه بس مب كمية شي قليل واتبيعينها في المنتديات المختصه
واريح عن شغلة شنطة بضاعج ادور على البيوت
وان شاء الله البنات بيفيدنج

[ramroum]

بخبرج تجارة البيوت مذلة بمعنى الكلمة
والقهر انهم يعرفونج وفلانه اتبيع وفلانه اتسوي
فاحسن شي الغاليه انج تيبين بضاعه بس مب كمية شي قليل واتبيعينها في المنتديات المختصه
واريح عن شغلة شنطة بضاعج ادور على البيوت
وان شاء الله البنات بيفيدنج

معك حق
مستحيل اعيد موضوع التجاره في البيت وبالنت صعب علي
اللي افكر فيه حد يشاركني افكاري ومعاي مبلغ وسط

اشكر لك ذوقك ... وتواجدك يا الغالية

[فرح2006]

هلا حبوبه اختار ي البضاعه اللي تبين وخليها مطلوبه وسوقيها بالنت صدقيني اشرفلك واكرملك والحمدالله الناس يشوفونك عزيزه وغنيه بفضل الله ولايدرون منين
وحاولي تكسبين زباينك على طول اكيد بالصدق والامانه وانجاز الشغل في وقت بدون تاخير
وصدقيني في البدايه ماراح تلاقين اقبال بس مجرد تشترين 3بنات اربع على طول اذا كان تعاملك ممتاز وبضاعتك حلوه بتلاقين اقبال كبير
والزمي اللهم لااله الا انت اني كنت من الظالمين يفرجلك لله كل غم وحياك

[زكية الذكية]

حراام .. احس فيج لان انا استوالي نفس الشي ..
بديت تجارتي من النت .. وكنت اسوي جلابيات (في منتدى ثاني) .. واشيا وايد من صنع يدي .. وفالنت الحمدلله كنت احصل اقبال كبييير .. ما تتخيلين ان لا يقل عن 100 رساله كانت توصلني فالمنتدى اللي يسأل واللي يطلب وشي منهم يحجزون ويكنسلون .. لكن كان شي حلو انج شاغله وقتج ونفس الشي عندج مصدر رزق حلال وسبحان الله بيزات التجاره حلوه وفيها بركه ..

لكن مع الايام .. هلي دروا بالسالفه .. وانتشر الخبر .. وبصراحه شي منهم كان يشجعني ولكن الأكثريه كنت احصل منهم طنازه وتصغير ... ما حبيت الوضع ووقفت ..

لكني الحين رديت .. بس فالمنتديات .. والحمدلله فيه اقبال ..

انا اقولج : حاليا البضاعه اللي عندج ... حاولي تبيعينها في المعارض ... والمعارض وايد تربح ..
استفسري عن المعارض اللي فالدوله .. وشاركي فيها ..

ولما يصير عندج مبلغ أكبر فتحيلج كشك صغير في مول .. او محل .. وان شالله بتحصلين ضعف اللي صرفتيه ..

[BentLiwa]

صراااحه انا انصحج اب تجارة الشنطه عشان تصرفين بضاعتج .. حطي اغراضج وسعريها ... والله يا عزييزتي انها بتمشي من فلانه تودييها لاهلها وتشلها الثانيه والثالثه وانشالله بتمشي صرااحه تجارة الشنطه ماشيه هاليومين..

[ramroum]

بجرب تجارة النت

مشكورين خواتي على الردود المشجعه
وربي ما يحرمني منكم

[جـــروح]

تبون الصراحه انا تاجره في منتدي ثاني لكن عمري ما بعت شي عن طريق الانترنت

البنات يدخلن ويسألن وبس

[ابداعات مبدعة]

فعلا الواحد ينحبط
لكن لا يتعلم المرء حتى يتألم
والفشل
أول خطوة في طريق النجاح

نصيحتي لك
صلي استخارة على كل خطوة تخطينها
( أنا مستغربة لأن البعض يصلون الاستخارة بسسسسسسسسسسسس للزواج؟؟؟؟؟)

والله يوفقك ويرزقك الرزق الحلال

[نور النهار]

ربنا يساعدك ويزيد مالك وتجارتك متزعليش كل شيء بالصبر يكون أحسن أن شاء الله أعرضي أفكارك وبضاعتك من خلال المنتدي واشتركي في معارض ونوادي في أي مناسبة وأعرضي بضاعتك وأن شاء الله تتحسن الظروف وطمنيني عليك - نور الصباح