مشكلتي مع زيادة الوزن من زواجي

**UM_RSHOODEE** · 2009-01-19, 14:29

حبيباتي انا ما اعرف شو اسوي اعاني من زيادة الوزن من زواجي من ست شهور اتخيلو كان وزني 57 كيلو والحين صار وزني 65 واتخيلو مب حاسة بعمري الين ما امس رحت عرس والكل قالي متغيرة والسر كان اني مب محلوة لأ المشكلة اني متنت ويايبه خدود وهو الويه يحلو بس تعالو طالو الكرشة والارداف والله كل ما اشوف ثيابي علي مترصرصة اتضايج وخاطري اصيح واتخيل عمري عقب كم شهر بستوي دبل,,, قبل العرس كنت دايما امشي ومحافظة على وزني وكل ما ازيد كيلو انزله وامارس الايروبيك بس من عرست اتبهدل نضامي وكل شهر ابا ابدي اسوي رياضة يقولولي لا تسوين يمكن تكونين حامل ويأثر وانتي ما تعرفين طبيعتج كيف بتكون ,,,, اخواتي بشو تنصحوني وللعلم بديت رجيم ونزلت ثلاث كيلو بس لما اروح الويكند بيت اهل ريلي يتلخبط نظامي لاني استحي اتشرط واطلب منهم اكلات معينه لاني بعدني ما تعودت عليهم ,,, ابا رجيم سهل وما فيه حرمان ساعدوني بليييييييز

المزيد من آخر المواضيع من نفس القسم:

**خطيرة الملامح** · 2009-01-19, 14:56

ع الأقل حاولي انج تحذفين وجبة العشاء ...
وابتعدي عن الاشياء الدسمه وكلي أكثر شي السلطات ..
وامشي ع الأقل 30 دقيقه ...
تعرفين ان شاء الله اذا حملتي وعقب ربيتي الجسم طبيعي بيتغير ف حاولي اتسوين كنترول من ألحين ..
الله يوفقج يارب

**دهن_العود** · 2009-01-19, 16:54

قللي اكلج ترا والله لو تميتي جذيه وحملت بتقضين على الاخضر واليابس
وبعد الحمل بيرد وزنج بس مب هالكثر

فحافظي على عمرج ترا كله ولا صحه الانسااااااااااااااااان

**mmks75** · 2009-01-19, 20:47

انا عندي نفس المشكله

**أنستازيا** · 2009-01-19, 21:13

ذكرتيني بعمري ..

قبل العرس كان وزني 55 وكنت وايد آكل بس حركية ما أقعد ..
وعقب ما عرست استويت 65 وطنشت وعقب حملت وزدت 15 كيلو عالحمل ..
عقب ما ربيت طاحن 10 وبقن 5 وصار وزني 70 .. وطنشت .. عقب حملت مرة ثانية ..
ونفس الشي زدت 15 طاحن 10 عقب الولادة وتمن 5 وصرت 75 ..
وعقب حملت بعد وزدت خمس زيادة وصرت 80 .. شفتي نتيجة اهمالي ؟؟؟؟؟؟
والحين بديت المشوار .. تخفيف + رياضة .. والله يقويني .. وأنزلهن كلهن .. بصحة وعافية ..
وأنصحج بالمشي نص ساعة كل يوم حتى لو حامل ان شاء الله المشي ما يضر ..
وكلي أكل صحي مب رجيم يعني بدون دهون زايدة وطنشي الحلويات ..
خلج عالأسمر والحبوب الكاملة والفواكه والخضروات .. هاي كلها صحية وما تضر بإذن الله
حتى لو كنتي حامل أفودلج وللياهل .. وبيت أهلج كلي من كل شي عالخفيف ..
أهم شي لا تسوين تمارين ضغط بطن بس خلج عالمشي .. والله يوفقج ..

**بياحة** · 2009-01-20, 14:08

نصيحة حاولي من أحين تسيطرين ع عمرج خففي أكل سوي رياضة و قبل موعد الدورة بكم يوم خففي من الرياضة بس امشي وإذا تاخرت عليج وقفي الرياضة لين تتاكدين إن ما في شي

**UM_RSHOODEE** · 2009-01-20, 15:02

المشكلة اني ابدي بس ريلي من النوع الي اذا شافني ما اكل ما ياكل وهو حرام دوام شفتات وارف وخاصة لما اروح بيت اهله في الويكند ما اقدر اتفلسف جدامهم وثاني وصح كلامكم يقولون لي حاسبي من الحين بعدين بتندمين بس احس اني استمر في رجيم مب قادره الحين عيبتني خلطه وحدة من الاخوات والي هو عبارة عن عصير انناس وليمون وكيوي بالاضافة للمشي و الاستغناء عن وجبة العشا وبنشوف شو بيستوي
ثااااااااااااانكس على ردودكم يالطيبات

**shooq5** · 2009-01-20, 15:36

me tooo )

**بنت الظيت** · 2009-01-20, 15:55

والله انا كنت جيه قبل العرس كان وزني مثل الريشه 55
تعالي الحين عااد لو اتشوفيني انا والفيل نتناافس ههههههههههههههههههههههههههههه
لو اتشوفيني واتشوفين الفيل اتقولين الصوره والنكتيف مالها

بس الحين بديت اشووي اخف فاكلي والحمدلله بديت استجوب ويا الرجيم والريااضه والحمدلله

وان شاء الله اضعف ^ــ^^

**tooo.ta** · 2009-01-20, 19:33

حاولي تخففين من أكلج..

يعني ابدي وكلي ثلاث أرباع الكمية اللي كنتي تاكلينها..وخففي شوي شوي لين ما توصلين لين نص الكمية..

وتحركي..تحركي..تحركي..امشي..رتبي بيتج..لو عندج دري اركبي وانزلي 10 مرات..

ولا تاكلين من عقب الساعه 7..

وانتي والخيـر رباعه..

الموضوع: مشكلتي مع زيادة الوزن من زواجي

أدوات الموضوع

عرض

مشكلتي مع زيادة الوزن من زواجي

المزيد من آخر المواضيع من نفس القسم:

المواضيع المتشابهه

مشكلتي بدت بعد زواجي

زيادة الوزن

زيادة الوزن

زيادة الوزن

زيادة الوزن