الكلوميد

**غرام حمد** · 2009-01-19, 00:39

بنات انا متزوجة من سنه وماصار حمل ودورتي مب منتظمه يعطوني حبوب عشان تنزل وفيني تكيس واليوم سرت اسويا فحص ثاني يوم من الدورة فحص دم وعطتني الدكتووورة كلوميد لمده 5 اياااام
بليييييييييييييييييز شو وضيفته وشو يسوي الكلوميد
لاتبخلون علييييه بالاجابه

المزيد من آخر المواضيع من نفس القسم:

**ريلي مخبلبي** · 2009-01-19, 00:58

ينشط المبايض ..

**ضيفة شرف** · 2009-01-19, 01:11

ينشط مبايض انا استخدمته مره بدون ابر تفجيريه وما نفعني ما حملت

**دلوعته00** · 2009-01-19, 01:12

حبيبتي الكولوميد ينشط المبايض والبويضات^^

ان شاءالله تحملين قريييييييب ياااااارب

**أنا مسلمه** · 2009-01-19, 01:53

دامج خذتي عزيزتي مب مشكله لو صار حمل الحمدلله

لو ماصار حمل .. لاتاخذين ادويه وخرابيط ..

في علاج للتكيس والي متأخره للحمل بأمر الله .. وحده اعرفها سوت حجامه ماشاء الله

يوم نزلت عليها الدوره ماشاء الله سارت للدكتوره رجعت سوت التحاليل

اندهشت الدكتوره بشفائها التااام بفضل الله ..

معجزه .. وحتى الي ماتحمل بأمر الله من تسويها على طول تحمل تشفي الرحم من كل المشاكل

تخيلي حتى لو فيج التهابات سبحان الله

لو بغيتي رقم الي تحجم ع الخاص ..

ولو بغيتي تشوفين مواضيعي السابقه عن الحجامه .. ابحثي في مواضيعي كاتبه وايد اشياء

وفوايدها عن الحجامه لسوالف الحمل سواء لج او للزوج

وربي يرزقج ماتتمنين

**أنا مسلمه** · 2009-01-19, 01:58

وع فكره الحجامه بعد تنظم الدووره ..

ووحده اعرفها قالت لي يوم كنت اسوي للبنت حجامه كانت دورتها متلخبطه ..

تقول ماشاء الله نفس اللحظه عقب الحجامه سارت الحمام نزلت الدوره

سبحان الله ..

**اصايل** · 2009-01-19, 02:04

حبيبتي لكلوميد ينشط المبايض على اساس يطلعون بويضات بحجم مناسب للتلقيح
بس انصحج كثرته موزينه يخرب مبايضج لانه يخلي المبايض تعتمد على الادويه وماتنتج بروحها بويضات

وبس من تخلصين الدوا روحي حق الدكتور ويعطيج ابره تفجيريه
بس اخذي الابره الي تحت الجلد موالي بالعضل
لانه الي تحت الجلد متطوره اكثر واحدث وافظل

**ام غياثي** · 2009-01-19, 04:32

تنشيط المبايض

واااايد من اهلي خذو والحمدلله حملووووووو

والله يرزق كل محرووووووومة

**رنوووووي** · 2009-01-19, 08:20

السلام عليكم ورحمة الله وبركاته

اختي ذكرتي ان عندج تكيس ، لكن انتبهي الكلوميد مب زين للي عندها تكيس يساعد على زيادة التكيس ف تاكدي من الدكتوره مره ثانيه (ماانصحج بالكلوميد اذا عندج تكيس)

والسموحه عالقصور

**غرام حمد** · 2009-01-19, 21:42

الله يعطيكن العافية كفيتن ووفيتن وان شاء الله ياااارب ينفع وياية انا عطتني الدكتورة موعد 28-1
عشان تسوي لي تصوير وان شاء الله كل شي يكون بخير

الموضوع: الكلوميد

أدوات الموضوع

عرض