ربيعتي بتضيع

**البـ غ ـداديه** · 2009-01-16, 22:46

سبحان الله بالضبط نفس قصه صديقتي
بس الفرق صديقتي ما فكرت تنتحر بس شنو ضعفت يمكن وزنها صار 40 كيلو
من كثر التفكير والصياح وما تاكل
والله ما اعرف شكولج لان حاولت ويه صديقتي تنساه بس ما تقدر
الهم الله ان شاء الله

**حصووووه** · 2009-01-16, 22:49

حبيبتي

النسيان شي سهل لو استغلت وقت فراغها في امور ثانيه و اتونسها

خليها تشغل حياتها ،،، والله اني مريت في مواقف مستحيل الواحد ينساها بس الحمدلله نسيت و نسيت و نسيت و الحين احاول اتذكر ما اتذكر منها الا رماااااااد

والله يهديها

***ندى الأيام*** · 2009-01-16, 22:53

اختي انا حاسه بحساس هالبنت المسكينه والله ، لان سبحان الله قصتها تشبه قصتي وعلى فكره ايامها كنت بالجامعه وكنت احب إنسان لحد الموت يعني يا هو ... يا الموت مافي حل الثاني؟؟ و صحيح الحب في منه الحلال والحرام وانا مع اختي بنت الطنيجي بكل اللي قالته وباقي الخوات، لكن وللأسف انا ما أشجع الحب ابدا لانه فعلا دمار اول شي التفكير وإهمال في الدراسه وتعب نفسي...........الخ شو بقولج للأسف؟؟ لكن لما البنت اتطيح في الحب وغصبن عنها شو اتسوي؟؟! وبالبنت بطبيعتها عاطفيه يعني إلا ما جربت الحب ماتعرف شو معنى الحب ؟؟ بس المفروض اربيعتج اتحط نفسها جدام رب العالمين وتدعي صدقيني يا أختي والله ثم والله الرب بيرحمها ولو هالأنسان خير في حياتها رب العالمين بيوقفه في طريجها وبيكون من نصيبها واهم شي اتصون نفسها جدامه صدقيني انا كنت مثل حالتها وربيعاتي في الجامعه ينصحوني وماشي فايده ماكنت افكر الا فيه لكن بعد ما سافر عني ويأست دعيت ربي وصحت واستخرت واتحملت 3 سنوات والحمدلله رب العالمين مانساني طبعا رجع من السفر وعقبها والحمدلله اتزوجنا والحين عندي بنت منه الله يحفظه لي يارب اتمنى اختي اربيعتج تستفيد من تجربتي وتتوكل على الله لان الرب مايخذل عبده إذا دعاه.

والسموحه على الإطاله

**دلوعة الدرمكي** · 2009-01-16, 22:57

المشكلة عباره عن خبال مراهقة يعني شو تكتب اسمه بالدم وتنتحر عشانه شو الايمان الي موووووووووول ضعيف ربيعتج للحين ما وصلت لمرحلة النضج وعواطفها مسيطره عليها والله يعينها

**LollY.PoP** · 2009-01-16, 23:31

آسفة على هالرد ..

بس فيه حد صاحي يصادق هالاشكال ؟؟

**نجمة الفجر** · 2009-01-16, 23:33

الله يعين شو هالبلشه اللي هيه فيها0

بس الللي تسويه غلط وأكبر غلط امم خليه هالريال يغيير

رقمه علشاان ما تتصل عليه والله يهديها

**زهرة ذابلة** · 2009-01-16, 23:44

المشاركة الأصلية كتبت بواسطة LollY.PoP

آسفة على هالرد ..

بس فيه حد صاحي يصادق هالاشكال ؟؟

رجاء أنا ما كتبت مشكلة ربيعتي عشان أسمع هالرمسة

ربيعتي من داخلها ملاك، بس انتي ما تعرفين ظروفها عسب جي ترمسين عنها

لو ما عندج رد رجاء ماله داعي للغلط، ترى ربيعتي إنسانة

أنا أبا أحل مشكلتها ، رجاء مابا تجريح لها

**العيـــناوية** · 2009-01-16, 23:48

بصراحة الله يعينها

بس أختي ربيعتج وايد متناقضه طيبة ومدينة وصلاة وقراءة قرآان وشطورة ومتفوقه وحساسة وحاولت الانتحار طيب يوم راحت المستشفى من كثر هالحبوب اللي تبلع فيها محد سأل من شو كل هذا ؟؟؟؟؟
وعاااااااااااااااااااااااااااااااااااااااااااااااا شقة لحد الجنون كيف تجتمع كل هالصفات في وحدة
ولا تنسين إنتي أبد ما جبتي سيرة أهلها ما شاء الله 3 سنوات عايشة بهالحلم الرومانسي
وأهل البيت خبر خير محد بيوم قال شو فيها الانسانة ليه زعلانة ليه بتموت من الصياح إذا زعلت حبيبها أكيد بتحبس نفسها في الغرفة معقوووووووووووولة محد سأل عنها ؟؟؟

**العيـــناوية** · 2009-01-16, 23:55

جتني فكرة بما إن ربيعتج بالجامعة
فأكيد بالجامعة أنشطة متنوعة فخليها تشترك فيها وتشغل كل وقتها
وممكن تحضر محاضرات لغير تخصصها كثقافة عامة يعني لو كانت مثلا بجامعة الامارات ممكن تحضر لأحمد النجار وغيرهم تشوف شو المساقات اللي حلوة وممكن تستفيد منها بحياتها فتحضر أو لو فيه دورات أو محاضرات جانبية حتى تشغل وقتها ... وممكن تسجل بمركز تحفيظ قرآان وتحضر يوم أو تسمع عن طريق التلفون لوحدة من المعلمات بالمركز المهم ترتبط بكتاب الله وهذا راح يبعدها عن التفكير بهالريال

**zooz1** · 2009-01-17, 00:06

انا اشك انج ترمسين عن ربيعتج.. يمكن انتي راعية السالفة
بس هذا مو مهم.. المهم ان الريال ما يباها!!
يعني اذا ما تبينا نقول لج خليها تودره وتصحصح من الحلم الوردي اللي معيشة عمرها فيه.. شو تبينا نقولج؟؟

هي بعدها صغيرة وهذا اول حب.. عشان جي تتحسب انها ما تروم تعيش من بعده..الخ
طيب لو هو مات.. شو بتسوي؟؟

بتنتحر؟؟

عيل ليش تصلي؟؟ وين ايمانها بالله؟ وين خوفها من عقاب رب العالمين؟

هذا الا ربيع..لا اكثر ولا اقل.. ما وصل انه يكون ريلها و ما اظن انه بيوصل هالمستوى لانه ما يباها.. وذالنها..

القرار بايد ربيعتج.. اذا تبى الذل والنهاية التعيسة.. خليها معاه لين هو يعرس وياخذ بنت عمه وتكون هي ضيعت سنين من عمرها وهو مستانس مع حرمته الجديدة وناسي انه عرفها في يوم من الايام.. وهي يالسة تبكي على عمرها اللي ضاع وعلى الذل اللي تحملته

سوري يمكن كلامي جاف ووقح شوي.. بس اذا فكرتي فيه بعقل وخليتي العواطف على جنب بتشوفين اني صادقة ومنطقية..

الله يهديها وينسيها هالانسان

**dala dubai** · 2009-01-17, 00:30

الله يهديهاا

**-Allure-** · 2009-01-17, 01:35

الحب مرض نفسي قبل مايكون قصة عشق ..

بيي يوم وبتحس ماعليه .. وساعتها مابتصيح عليه لااا
بتصيح على عمرها اللي ضاع وعلى الوقت اللي خانت فيه اهلها وربها .. وخانت ضميرهــآ ،

* عاد هو ماصخ .. خذها فقيرة ذبحت عمرها عليه مايسوى عليها

<-- اسوولف

الله يهديهـا ويرزقها بولد الحلال اللي يستر عليهـــا ،

**طيرالحبارى** · 2009-01-17, 01:54

لا حول ولا قوة الا بالله

انصحيها وخليها تنش من هالحاله قبل لا تسوي بعمرها شي قوليلها ان هالدنيا جمن يوم وبتلاقي ربها واللي هي اتسويه ما يرضي الله ..

الله يهديها ويهدينا جميعا وياها ويثبتنا على اللي يحبه ويرضاه

**shokolath** · 2009-01-17, 01:57

مدري ايش اقول

غير

الله يهديــــــها

**3thbeh** · 2009-01-17, 01:58

هيه على وشك انها تستوي مريضة نفسيا بسببه .......

الموضوع: ربيعتي بتضيع

أدوات الموضوع

عرض

المواضيع المتشابهه

ساعدوني ربيعتي بتضيع مني

لغتنا بتضيع

انا منهاره خلاص سنه من عمر ولدي بتضيع بنات راك دشن

سمعت ربيعتي بتضيع

خــواتي شورن عليه أختي بتضيع وأنا أستحي أنصحهاااا