الخيال او الخيالي ...

[dubaiextra]

مرحبا خواتي


في حد سمع عن هالمحل يسوي ترتيبات للمستشفى مادري اذا الاسم جي صح والا لا
انا االلي اعرف انه في شارع زايد بـس وين بالضبط ماادري ..



ياليت اللي تعرفه او جد مسويه عنده اتخبرني عنه .. لان اتصل البداله يعطوني الرقم بـس محد يرد...

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[كلي هيبه]

اسمحيلي حبوووبه ما اعرفه..

بس ما حبيت أدش وما ارفع لج الموضوووع..
ان شاء الله البناات يفيدوونج...

[um-a7md]

احيد هذا المحل مال ترتيبات اعراس وحفلات

[منذريه^_^]

للرفع

[dubaiextra]

ام احمد .. تعرفين رقمهم

[dxb-bride]

اسمه خيالي عندكم محلين واحد فشارع الشيخ زايد,والثاني ف شارع جميرا بس اسمه سكليني على ما اعتقد

مال قوم احمد حارب واهله!!

بس اعتقد للاعراس والحفلات والمناسبات الكبيره..

بس يججنن شغلهم

[dubaiextra]

dxb birde
اللي في شارع زايد يـسوي حق المستشفى سواء بالونات او ورود ؟؟؟؟؟؟؟؟؟؟

[mmks75]

up up

[وجد القلب]

مرحبا خواتي

الي تقصدينه هو

خيـــالي

وهي بالفعل مثل ماقالت اختيه عروس دبي مال قوم بن حارب

بس مب لـ احمد بن حارب >>>> البوم السياحيه والشركه مال تصميم المناسبات الي تابعه لها (سكاليني اظن)

خيالي لــ اخوه خليفه بن حارب >>> ماشي فرق كلهم اخوان ^__^

واحلى شي ان الي ماسكين ادارته ماشاء الله عليهن البنات ونعم وسبع انعام
شغل خيالي نظيف ومميز وجودته عاليه

يصممون الاعراس ومختلف المناسبات سواء ملجه والا مكسار والا غيره
البطاقات .. كل تفاصيل الحفله يشلونها عنج
.. الورود .. افكار للزفات .. يوفرون حتى الاضاءه
وكذلك التوزيعات شراة ما قالن الخوات
عندهم حركات حلوه للزهبه مثلا اذا تبون تطرشونها بطريقه (فنتك) خخخ
وتوزيعات وقت الولاده .. الخ الخ الخ


وغيرها وغيرها والله مب رايمه اتذكر زين الحينه لان ماشاء الله عليهم هم شغلهم متكامل

يعني الزبده من الـ أ الى الـ ي

تبارك الرحمن ^__^

باختصار شديد الي وراها مناسبه ايا كانت بتلقى مطلوبها عندهم
وثقه ... وشغل عال العال .. واسأل مجرب ولا تسأل طبيب

وعنوانهم شارع الشيخ زايد عدال معارض السيارات .. القوز الصناعيه
في نفس السكه الي اخرها مصنع البيبسي >>> دبي للمرطبات

والي تبا الرقم فـ عندي واقدر ارسله على الخاص للي يباه

وان شاء الله قدرت افيدكم

وسلامتكم

[dxb-bride]

هيه صدقها اختيه وجد القلب انا غلطت لوول

انا رحت المحلين والثنين جنان ..

وخيالي صدق خيالي والله يوفقج..

انا شراتج انشالله بربي في مدكير وابا خيالي يعدلون لي الحجره ^^

بالتوفيق sis