مشكلتي كلهم ايقولولي خجاجه....:1 (7):

**kily~shemoOo5** · 2007-02-09, 03:47

السلام عليكم أولا

بنات انا مشكلتي ويا الناس بكذا شكل و الله تعبت انااول مره ارمس عن هالموضوع

قولولي هو حرام اذا انا اتلبست و اتعدلت و طلعت نعمت و خير الله عليه

ولا حرام اتشرى و اغير فاغراضي

اتعرفون لدرجة شو الناس كرهوني حياتي وحده من اهلنا اتسوي محاضرات عندها فالبيت و في مره اتصلت فالوالده و لالالالالالالاززززززززززززززززززممممممممممم اتييبين بنتج البنات كلهم بيون و اهم و حده بتكون بنتج رحت و انا ما ادري شو إلي يترياني المهم لدت الاخت إلي اتحاضر تتكلم و كانت عن التبذير و الاسراف و التبرع و هالمواضيع زين قاعدين نسمع و فنص الكلام هي اتقول وين افلانه الكل سكت اغلبيتنا اسامينا متكرره (تدروون بو عراب الفريج كله بنفس الاسم) المهم قالولها حددي قالت إلي اكثر وحده تسرف و ما اتخاف الله ولا اتراعي الفقراء الي ايدورون اللقمه و الي انتو اتقولولها انتي خجاجه و هي اتقول هذي ميزه و اتعجني و في نظري معناها متميزه انا انصدمت هذا الكلام كله فيه و انا تعبت من كثر ما ايقولون خجاجه فقمت ارد هالرد اقول هذي ميزة و افتخر بيها معناتها اني متميزه
قامت الحرمه الي عازمتنا و اشرت عليه و قالت كلميها و انصحيها يمكن اتحس ابغيرها سكت و قمت و قلتها خلي النصيحه لج و الحاضرين و روحت بس امي اتأثرت ووووايد بالكلام و مرضت و ألحين ما اتحب اتخالط اهلنا بالذات لانها اتقول انا ربيتكم على شئ و انا اعرف انا صح و ما بخلي الناس تنبذ الصح

قولولي شو اسوي والله انا حتى الشغل استقلت منه حتى البنات الغرب ايقولولي هالكلام و عازلة نفسي عن الناس تعبت منهم

المزيد من آخر المواضيع من نفس القسم:

**القمزية** · 2007-02-09, 04:05

بصراحة ماعليج منهم

يعني شو هالحركات الواحد يوم بينصح باسلوب مب بين الله وخلقه

وكل حد يلبس على قده

يعني انا ميزانيتي تسمح لي البس من المكان الفلاني بلبس

ليش غصب البس مال فقارى والمقطع والمفتق

اختيه ماعليج منهم بس شغلج ليش ظهرتي منه

رديله وماعليج من حد

اشووه هالناس والله مول ماشي اسلوب

**ظبايه الحلوه** · 2007-02-09, 04:15

اختي اولا اذا كان راي فالاحترام واجب لكن اذا كان بهالطريقه الهجوميه وجدام امي لا والله ما اسكت

**المزهريه** · 2007-02-09, 04:19

مرحبا ختيه ما عليج منهم
انتي عليج بنفسج وة انتي ادرى بنيتج الحمدالله اذا الله عطاج الخير ليش ما تلبسين و تكشخين وهم في نفس اوقت تصدقي ...... و مش حلوه انها تحرجج جدام الحاضرات في سلوب و طريقه للنصح ..

**kily~shemoOo5** · 2007-02-09, 04:21

تسلمين الغالية بس انا وايد تعبت فالشغل كل حد ايقولي ليش تشتغلين انتي مي فحاية الشغل الشغل للفقارا و حتى المراجعين يوم ايعرفوني بنت امنو ايقولون ما عليج اقصور ليش تشتغلين و تموا البنات يتحسسون مني على اي كلمه عند المدير و مديرنا شو اقول حسبي الله عليه يسمع من صوب واحد و ايشيع الخبر فالدوام كله و انا آخر من يعلم ماقدرت اتحمل و آخر شئ وحده راحت اشتكت عليه قالت اني اتخجج عليها و هذا لاني كنت فاره شنطتي الماركه عالارض و حده من البنات قالتلي ودري لخبال و شلي اغراضج و قالتلها ادري انا مب و يهه شئ غالي و راحت و الثانية قاعده قالتلي ليش يعني شو في شنطتج زود قلتلها غالية شوي قالت كم قلت ماركه قالت كم قلتها 4000 قالت ليش يعني ضحكت سكرت الموضوع عقب اشوي المدير والنائب محاضره فالمثل و الاخلاق اني جرحتا ....فااا استقلت

**kily~shemoOo5** · 2007-02-09, 04:22

مشكورات خواتي تسلمون على هالرمسة الحلوة

**القمزية** · 2007-02-09, 04:34

يوم ان ماعليج قصور برايه بس بتملين

وماعليج من رمستهم .. استغرب من الناس اللي جذه

**kily~shemoOo5** · 2007-02-09, 04:35

انا بقولج ليش انا والله ما اسوي شئ اكثر من الناس

و عادي اخذ بو 1000 و 10 كل واحد عندي بس هم عقد ما ايعيبهم شئ اذا غالي تسرفين واذا ارخيص لالا موستاحيل استويتي زطيييييه شو السالفه يعني

**سمســـــومة** · 2007-02-09, 04:51

يمكن انا عانيت مثلج ولين الحين اعاني من هالكلمه
بس الحمدلله اللي يعرفني عدل يعرف اني مب جيه

المهم ... ماعرف بشو انصحج
بس من رايي خلي الكشخة والعدول للعزايم والمناسبات العائلية والاعراس
والاوقات الثانية كشخي بس باعتدال .. يعني غيري شوي من لبسج وحتى سوالفج
ادري نحن البنات نحب نسولف عن الماركات والموضه ومن هالسوالف
فحاولي تغيرين شوي من اسلوبج .. اذا حسيتي اانه اللي معاج يتضايقون من هالمواضيع

نصيحه ثانيه
طلعي واستانسي وعيشي حياتج .. طبعا بالطريقه اللي ترضي ربج واهلج
لا تعزلين عمرج وتعيشين وحيده بسبة كلام الناس اللي ما يخلص
اعتقد لو كنتي بالعكس .. بيقولون .. شوفو فلانه الله منعم عليها وباخله على عمرها !!!
في كل الاحوال الناس بترمس وبترمس وبترمس .. لانها فاضيه وما عندها شغله الا الرمسه الفاضيه

اتمنى اني ما ضايقتج برمستي ^_^

**kily~shemoOo5** · 2007-02-09, 06:46

تسلمين الغالية و ماقصرتي

**تكسي الغزال** · 2007-02-09, 12:21

مرحبا يا حلوات .. أنا صديقتكم اليديدة تكسي الغزاااااااااااااااااااااااااااااااااااااااااال ..

دام اني تكسي معناته عندي علوم وأخبار أكثر عنكم وتجربتي فالحياة أكثر .........ههههههههه

حبيت أعلق عالمشكلة بأن إسعاد الناس غاية لا تدرك .. في نفس الوقت نحاول نسايرهم يعني نكلمهم فالمواضيع اللي يحبونها وننزل مستوياتنا لأقل مستوى مهما على شانج بين جموع الناس..
هالكلام أنا أطبقه على أختي .. أبسط مثال .. ما تستهوي كل المواضيع اللي تستهويني وطبعا إذا ما سولفت ويه أختي ويه منوه بسولف .. ف كيف حليت هالقضيه إني تنازلت عن مواضيعي اللي فنظرها سخيفه وقمت يوم أبا أناقشها في شي أفتحلها مواضيع تحبها وسالفه ورا سالفه لين أوصل لمواضيعي فهمتي.. إذا أهلج وخوانج تسايرينهم ما بالج ب زميلات العمل اللي في بعضهم يتريون منج أي غلطه .. كوني دوبلوماسيه وياهم في نفس الوقت حاولي تكسبينهم عشان ترتاحين ..

وعلى فكرررررررررررة .. غالية شنطتج بــ4000 صدق انج خقاقه.. خخخخخخخخخخخخخخخخخ

**أم حمووود** · 2007-02-09, 20:08

أختي أكيد مش كل الناس صح ولا كلهم غلط يمكن الناس تحكم عليج من مظهرج وهم ما يعرفونج زين فاتأكدي من أهلج المقربين وربيعاتج إذا كان هذا الشي فعلا فيج أو إذا كنت تتصرفين في بعض المواقف بأسلوب يوحي للي حواليج بهالشي لأن الإنسان يتصرف أحيانا بعفوية وبدون قصد فيفهمونه غلط ..وأنصحج بالابتسامة في ويه كل اللي يقول عنج خقاقة ...والله يبعدنا عن الكبر والغرور...
وبعدين شو هاللقافة حد يسأل حد هالأيام شريتي أغراضج بكم؟؟؟؟؟؟؟؟؟

**إمارات** · 2007-02-10, 05:08

إن الله جميل يحب الجمال ويحب أن يرى أثر نعمته على عبده،،، وأعتقد هالناس اللي هاجمتك بهالأسلوب لا خايفة عليك ولا قصدها النصح هذا حسد وغيرة بلا شك!!!

بس نصيحتي حاولي تخففي شوي من التبذير عشانك أنت مش عشان كلام الناس!!! والله يوفقك

**kily~shemoOo5** · 2007-02-11, 02:40

تسلمون خواتي و ما قصرتن

**قصص** · 2007-02-12, 16:15

يالخقاقه

هههههههههههه

عن الخقه بعد في المنتدى

الموضوع: مشكلتي كلهم ايقولولي خجاجه....:1 (7):

أدوات الموضوع

عرض

مشكلتي كلهم ايقولولي *****....:1 (7):

المزيد من آخر المواضيع من نفس القسم:

المواضيع المتشابهه

مشكلتي مب من حياتي الزوجيه مشكلتي باللي ساكنه معاي بالبيت

غلاهم كلهم

الوقت مع خلي كلهم ضدي...

يا بعدهم كلهم.....