هل أنا تغيرت فعلا ؟؟؟؟؟

[غلآهم]

السلام عليكم ورحمة الله وبركاته

كيييييفكن خوااااتي ؟؟

طبعاا أول مره أطرح مشكله في عالم النت ,, وبالذات في منتداااي

تدروون ليش.؟؟ لأنكن يا خواااتي ماتقصرن وتحبن لي الخير وتوجهووني للصح والا انا غلطاانه ؟؟

بناااااااات أنا هالأياااام نفسيتي زفت من التفكيير مهماااا بينت الرااحه والسعاده بويهي ..,

بناااااااات أنا من وأنا صغيييره الكل الكللل يحبني القرب والغرررررب ,, تعرفوني وأنا صغيره ماافهم للحياة زين ..,

كنت اجتماااااااعيه وصرريحه ومحبووووووبه عند الكل ,, الكلللللللل ,, وبشهاده الجمييع

يعني محد يسوولف الا وينطرى اسمي .. ويطرشن لي السلام ماشاء الله

بس من بلغــــــــــــت تغيــــــــرت !! مآدري هالشي طبيعي في الكل والا بس انا ؟؟

صرت مااحب اطلع من البيت واااااااايد ,, كنت مااااازلت اجتمااعيه ,, ولكن الخجل طغى عليه ,,

يعني نااس ارتاح لهن واعرفهن اكوون اجتماااااعيه وريلاكس عااااااااادي

بس شي نااااس مااعرفهن ,, من ايلس ويااااهن اسكت واستحي لو الحرمه تسألني واتوب من بعدها ماامر حتى عند باااااب بيتهم !!

ليييييش جيه مااااادري ؟؟ وهلي من يعررفن اني خلآص مابااا اروح بيتهن يقوومن يسوون لي ساااالفه مالها اول ولا تااااالي ؟؟ واحيااااان يحرجوني عند هااي الحرمه !

وتيسرت الأموورعآآآدي ومـرت الأياام ..,

صررت أحس الناااس هي اللي متغيره علي ؟؟ من اشكاال وجيهن يبين لأن انا من النوع اللي افهم للويه ..

بتقووولن اطنشهن ؟؟

طنشتهن ,, ولـــــكن قلبي يعوورني واقعد افكر ليييش تغيروا علي ؟؟ واحااول مااحتك ويااهن لأن اعتبرهن جرحوني بحركتهن !

ومثـــآل بنت عمي من تزوجت احسها تغييرت .. بتقولن لي اكلمها ؟؟ للأسف ماني قريبه منها مثل قبل ! نضحك ويا بعض او نسولف ؟؟

الموووووووهم

الدنيا كل يوم قاعده تعطيني درس صدمه وراها صدمه ووراها ألف صدمه ,,

وقلبي صآآر قااسي نووعآ مــآ ,, من اللي قاااعد يصييير ,,لأن خلاص ماعدت اتحمـــــل شي ,,

وتـآليها صرررت حسااااااااااااسه بالقوووه ,, يعني من ازعل صعب حد يراضيني !!

مع ان من قبل حتى ماافكر ازعل ولاازعل حد من حد يزعل مني على طوول اراااضيه .., اما الحين ان رضوا زين محد رضا ماعطيهن خبرررر!

وقلت بتغيييير واغيير اشيااااء واااااايده من حيااااتي والكل يقول عني طيبه ومدرري شوو ..؟
بس الكل عاارف ان الطيبه ماااتنفع هالأيااام .. لأجل جيه محيتها من حيااتي والطيبه ماتيي الا مع مواقف تستاااااااهل ,,

يعني تخيلن يتركووني رفيجااتي من انتهيت من المدرسه واتشررهن عليهن انهن مايتصلن ومااييبن خبر!

صج ماااايضيق الخلق ؟؟

ويحلفن لي انهن جيه وجيه بس بعد اعذااارهن اقبح من ذنب ,, بتقولن لي ظرووف ؟؟

انا اعرفهن زين ماااااااازين لو يستوي ببيتهن شي أنا أعرررف ..,

اهلي من يوم كنت في المدرسه ويعرفن رفيجاااتي زيييين ,, ويعييشن معي الاجواء اليوميه اللي تحصلي معاااااااااهن

و من قطعن رفيجاتي ,, فلاااااانه نستج وعلاااااانه نستج والحين مايعرفونج ولااييبون خبرج ومدري شوو ,,

وطآآآل المووال من هالكـلآم وتعرفون صرت ماااااااتكلم ويااااااهن واكون حذره اخبرهن عن رفيجاتي او اي شي يصير لي من بينهن

وواختي اللي اكبر مني صاااارت دووووم متلزقه فيني تعرفن فضوولها تبااااني ارجع مثل قبل .., اقوولج لاتصادقين حد بس ماطعتين الحين الكل بينساج والحين شووفي نسوج ومااييبون خبرج ومدري شوو ..,

من تشووفني اكل رزت عمرها عندي .. عشاان تكون المقدمه جيه وبعدين تشوفلها موضوع تدخل فيه ويايه ؟؟

كل مره اذا بغيت اسوي شي اقولها تبين تقول لا ومن اسووي تيي تأكل واذا سويت زياااده لها من غير مااسألها ماتيي تأكــــل ؟؟

كرررهت أكل ويااااها بالقووووه ,, وخوااااااتي بصرااااااحه اسلووبهن من النوع اللي ينرفز ويجرح عكسي أنا لما اقول شي اطرح بااسلوب رااقي والله ماامدح نفسي بس من اخلص النقااش دووم يقولون لي من ويين تييبين هالكلام والاسلوب والذكااااااااء اللي علييج ومدري شوو ..,

حتى لما اتسوق واخذ شو تقول هذا شوو ولييش ولمنوو وش بتسوين فيه علميناا؟؟ يحبن يتدخلن في الخصوصياات وأنا قلت لكن ان من بلغت طغى علي الخجل مااحب اتشرى غير الثيااب ويااهن بس الكريمات وهالأشياء ماااااااااااااشتهي ابد ابد ابد لازم يعني ابتعد عنهن .. يعني لو بتشرى شي اروح بعييد عنهن واخذ الشي اللي ابيه بسرعه وماخلي مجاال انهن يشووفن

ومن ارجع البيت ييلسن يستفسرن ., ووش اخذتي وماوريتينا وش شريتي ,, ووووومن هالقبيل .. جيه يضيقن خلقي وبععععد اطنشهن واقول بخااطري الدنياااا ماتسوى

حتى الهداااايا اللي ابي اخذها للولدانااااات ييلسن يستفسرن ويلمحن وينغزن لي بكلاااامهن ..,

تعبـــــت منهــــن ,, وتوكلت على رب العااااالمين في كل شي وهو الوحيد اللي اتشكاله اللي بقلبي ويعرف وشي نيتي ..

المهم ورررررحت الحج وتعرررفن كيف النااااااس يوم يروحون الحج يكونون متقربين الى الله اكثر ويغيرررن اللي بدااااااخلهن ويخلن القلب ابييييييض ..,

رحت جييييه خليت الهم ورررحت عنه ..,

بس بعد بقولكن ان اختي رسلت لي مسج وكنت هاااك اليوم متضاايقه كلمتها عااااادي وهي تعرفني امزح وياهاااا ,,

تخييييييييييييييييلن شسصاااااار يوم رجعت !!!!

تقووول تغيرتي عليينا وانقلبتي !!!!؟؟؟؟؟؟ مااستوعبت فكرتها عادي وتمزح ومدري شووو وانا يعلم الله ماقلت لها شي الا جيه اسووووولف

بعد يومين هي انقلبت علي وصاااااااارت ماتكلمني ؟؟؟ تخيلن فجـأة بس ماتكلمني ؟؟؟

تضاااااااايقت من الخااااطر رحت اسولف وياها واستسمحت منها وحااااولت اراضيها قالت تبيني ابعد عنهاااا راسها يعووورها ؟؟

قلت انا سوويت اللي علي ان رضت بكيييفها وان ماااااارضت بعد بكييييييفها ...؟ لأن ماغلطت بصرااااحه

المهم توفى عمي الله يرحمه ويومين وتجالمنا ,,

واختي الثانيه اكبر مني تصير فوقي يعني ,,

من قبل لاانروح الحج تسوي حركه فيني انا موووول مااحبها ..,سووتها لي بعد ماايينا من الحج

وفهمتهااااا لاتعييد الحركه لأن مول ماحبها مره ومرتين وثلاث بهدوء وتهديد وعاندت قسسم بالله من حركتها رفعت ضغطي وهم ماااااايابت خبر لين اخر مره صج صج رفعت ضغطي وخلتني اصااارخ عليها من الخااااطر وحنا في الشاااارع تخيييييلن ؟؟

صررررت حتى مقهووره منها واررررتجف ودموعي على وشك الانهيااااار ..,

بس سكت عنهاا ,, وخوي داافع عنها !!!!!! وأنا سكت والكل شااااف بعينه هالموقف وخبرتهن ان هالحركه موول ماتعيبني وحتى امي كانت وياناا بس سكتواا,, واخوي قال اختج الكبيره هذي احترميها !!

ماااااااسويت لها شي انا .. هي اللي بدت علي !! وحتى لو انا اللي اغلط يووقفون ويااهن واذا هم غلطوا نفس الشي اتحمل اناا غلطتهن !!!!!!!!!

رجعت البيت وانا كاااااااااااااااااااااارهه شوفه ويهها وقلت لها لاتطالعيني ,

تقووولي فلاااانه عدلي اسلوبج معااي انا مااااسويت شي !!!!!!!!!!!!!!!!!!!!!!!!!!!!!!

صج بغيت انبط ,, تمنييييييت موتي وقتها بس قلت الدنيااااا ماتسوى

وكل ماتكلمني ارد عليها بااستحقااااار لعل وعسى تفههههم ,, بس لاحياة لمن تنادي

خبررررت امي اني انا مااكلمهاااا ولا ارد عليها وانا رديت عليها صج بااسلوب استحقاار لكن اهم شي رديت عليها ..

وسسألتها امي ليش ماتكلمج قاااالت مادري عنهاااااا ؟؟؟؟؟؟؟؟؟؟؟؟؟؟؟؟؟

لما دررررررت مرت اخووووووي اني مااكلمها ,,

قاااالت ايه فلااااااانه مستوويه حقوووووده مررره ودووم تسوي هالحرررركه ومدري شو مع ان مرت اخوووي هي الوحيد اللي قريبه مني فالبيييييت ,, وافتح لها قلبي بعععععد كل مره توقف بصفي بس هالمرررره فجأأأأأة أنقلبـــــــــــــــت ,, <<مع ان هي يوم كانت حامل من قبل خبرتني والحين هي حاامل لكن للحين ماااااقالت لي شي !! الله يسهل عليها وين ماكاااانت ,, وربي يسامحها
المهم وأختي الثانيه اللي قلت لكن عليييها تقووول ايييييه من ياااات من الحج وهي متغييييييره علينا ومدري شوو ..,

انا هني صددددق صددددق تغصصت من الخاااااااطر ,,

كييييييف مرت اخووووي توقف وياها وهي ماتدري عن شي ؟؟؟على طول بس وقفت وياها جييه ؟؟
ووصج احس بتغيير منها الحين من كلآمها علي !!

صدقووووني من هالحااادثه صرت انااااام اسبووع كااااااااااااااااااااامل من غير مااخذ وقت للقعده ,,

عسب اتجنب القعده ويااااااهن ؟؟ يعني حتى لو مافيني نووم انااام بس عسب مااحتك وياهن حتى لو يقعدوني اناااااااااااااام ,,

يناااااامون الليل اقععد النهااااار ينااااااامن النهاااااار اقعد الليل ,, بس اهم شي ماااحتك وياااااهن ..,

والله اقعد افكرررر واااااااايد الحين وطوول الوقت ساااااكته ,, واقعد اراجع حساااابااتي الف الف الف مررررررررره ,,

اقرى قرآآآن ,, أستغفففففر ,, اقرأ ادعييييه مع ان والله محد مثلي فالبيت جيه غير امي ربي يحفظها.., كلهم اكل ونوم وانترنت وتلفزيون وتلفون !!!!!!!

حتى امي صااااااايره منقلبه علييييي .., وكلمتها ليييش انتي جيييه ؟؟ تقول بدل مجاااابل النت قومي درسي لج قرآآآآآآآن ؟؟؟؟ واقووم مااعصيها والله ,,

وأنا من غير شي اقرأ

بس خوآآآآآآآتي اللي ماااااتلقن كتااااب عندهن والله مااااااتقول لهن شييي !!

مآآآآآآآدري من اللي تغيييييير الحين أنا والا اهن ؟؟ بنااااااات وش تشوووووووووفن بنظرتكن ؟؟

بتقولن لي تغيييييري والله اغيرررررر بعمري بس بعد ماااااايعيبهن شي ,,

أنا صج صج متضااااااااايقه من الخاااااااااطر اباااااااا بس احد افضفض له لأن مااااعندي حد غير الله ثم انتن ..,

بس ماااااابا حد يزيييييييدني هم فووق همي لأن طااااااقتي على وشك الانهيااااااااااااااار ,,

لأن مو بس هذا اللي متعبني ,,, بس هذا شي بسيط من حياتي شايله همه ,,

وهذا انا اخر العنقوود واللي اعرفه اخر العنقوود تكوون دلووعه والكل ويااها !!وكل من يشوفني يفكرني جيه لكن والله انا شي ثاااااااااااااااااااني .. بتخببببببببل

ويووم ابوي عااايش الله يررحمه كآآآن هو اللي وااااااقف ويااااااي بكل شي ,, واذا شي غلط يصححه لي واذا شي كلامي صح يووقف وياااي ..., وهو كآآآن أكثر وااحد يعزني اكثر من نفسه بعد ويحبني فديته ربي يرحمه وكآآنن خوآآتي يغآآآآآآآآآآآآآآرن مني والحين احس الكل تغيير علي !!

بعدها احس الدنيا بخييييييير ,,


اللي بترد علي ربي يوووفقها ويسعدها بحياااااتها ,,

واللي ماعندها رد بس تدعيييييييلي وتدعي لأبوي وعمي بالرحمه والمغفرة

بس قولووووووووولي هل انا فعلا تغيرررررررت ؟؟

واسمحوولي الموضووع ملخبط ,,, لأن مو عارفه من وي ابتدي ومن ووين انتهي ,, بس اهم شي اقول اللي بخااااااطري

واسمحووولي ع الاطاااااااله ,, ومشكووورات انكن سمعتني من الاول للأخر ,,

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[βĔŇt ûǻĘ]

كأنج ترمسين عني
وانآ نفسج
اضجك واجامل رغم الضيجه الي فييي
مادري من شوو
صرت هاديه لدرجةة فضيعه
ماحب ارمس ويا اي حد
><"

[غلآهم]

كأنج ترمسين عني
وانآ نفسج
اضجك واجامل رغم الضيجه الي فييي
مادري من شوو
صرت هاديه لدرجةة فضيعه
ماحب ارمس ويا اي حد
><"

الله يعين ياختيه

بس بعد تظل الدنيا مااتسوى

مشكوره غلاتي

[tmyz]

ترى هذا ابتلاء من رب العالمين يعني نحن لازم نصبر و ان شاء الله بنحصل الفرج قريب --- الله يسعدج دنيا و آخره يا حبيبتي

[غلآهم]

ترى هذا ابتلاء من رب العالمين يعني نحن لازم نصبر و ان شاء الله بنحصل الفرج قريب --- الله يسعدج دنيا و آخره يا حبيبتي

الحمدلله رب العالمين

ومشكوورهـ ع الدعوه فديتج

[مس UAE]

من بعد ما قريت موضوعج ..
حسيت انج بنت صغيره بعدج والي الامور الي تمرين فيها اغلبنا نمر بهــــــــا ...
بالنسبــه لشخصيتج اذا تغيرت او لا ..
نحن ما نقدر نقول اذا تغيرتي او لا لانه نحن ما عشنا وياج كثر خواتج واهلج ..
بس نقدر مشكلتج لانه محد ما مر بهــــــا ..
انتي تحسيين انج مظلومـــــهــ ..بس خواتج لو غلطن عليج ما يحسن بأنهن ظالماتنج ويمكن اسباب المشاكل الي صارت تكون تافهه بنظرهن ..اما انتي انجرحتي منهن ...ويمكن تكبرين الموقف وتعطينه اكبر من حجمــــــهــ ..ومثل ما قلتي انتي اسلوبج غير ..والله كل شخص له طريقته واسلوبه ..يعني لو اقولج لج انا امس عصبت ع اختي من اسلوبها الي هو عكس اسلوبي ...انا هااديه واستخدم اسلوب التفاهم بس اختي اكبر عني وتصارخ ...وتستوي مشااداات بس ما نزعل او نحط في بااالنا ما بنرمس لانه هذا تصرف صغااار مب كباااااااااار ...
.
.
شوفي في هل الزمن لازم نكون اجتماعيين اكثر حتى مع اخواتنا واهلنـــــا ...
وكلمة اجتماعيين مب بس في المجاملات والسوالف ..لا !!!
حتى في طلعااتج ويا خواتج ...راويهم شو خذتي ..انتي تبغين حد يدلعج ويلتفت لج ..اوكيه قعدي ويااهم وشاركيهم بالي عندج ..من ناحيـة الاكـــــــل ...انا مرات اسوي وماا احط في بالي انه خواتي يبوون ...ويوم يشوفوني اكل او اشرب شي ...( تسوي وما تعزمنـــــا ) اتلووووووووووم اللحين اخبرهم اذا يبوون وحتى اذا ما بغو اسوي واكل جدامهم عاااااااااادي وبعد اتم اسوي حركااات اونه بتندموون اذا ما كلتووووووو ...

.
.
لعبو لعبـــــــة المصارحـــــــهــ ..
والله صارحيهن ...
اسئليهن شو الحلو فيج وشو مب حلو ..من صفااات وغيره ..
واذا ما تبين تواجهيهن ..كتبي لهن رساااااالهــ كتبي الي في خاااطرج ...
وانتي بعد ..
اذكر مره قلت لأختي شو مب حلو فيهـ ..
قالت بروووووووودة اعصاابي >> لانها حضرتها حااااااااره واايد ...هع هع .....
.
.
وترى هذي فتره تنقلب فيها شخصيتج ..
لانه اذكر جذي صار لي ..وتعلمت وااايد ...
والحمدلله علاقتي مع الكل طيبه وزينه وحتى الي ما اعرفهم يحبوني ويحبون القعده ويااايه ..
بس دااااايما احس بشعور الوحده وهذا ابليس يوم يلعب بمخي لدرجة اني اتضايق من الي ينسوني حتى بمسجاتهم ...
.
.
مثل ما وصيتج ..
ولا تقارنين تصرفاتج بتصرفات خواتج ..
سوي الشي بقناعهـــ وانسيهــ ...

[غلآهم]

مس فدييييتج اول شي احب اقوولج مشكوووورهـ ع ردج ,,

انتي تحسيين انج مظلومـــــهــ ..بس خواتج لو غلطن عليج ما يحسن بأنهن ظالماتنج ويمكن اسباب المشاكل الي صارت تكون تافهه بنظرهن ..اما انتي انجرحتي منهن ...ويمكن تكبرين الموقف وتعطينه اكبر من حجمــــــهــ ..ومثل ما قلتي انتي اسلوبج غير ..والله كل شخص له طريقته واسلوبه ..يعني لو اقولج لج انا امس عصبت ع اختي من اسلوبها الي هو عكس اسلوبي ...انا هااديه واستخدم اسلوب التفاهم بس اختي اكبر عني وتصارخ ...وتستوي مشااداات بس ما نزعل او نحط في بااالنا ما بنرمس لانه هذا تصرف صغااار مب كباااااااااار ...

اييه مو لأن اناا كنت مثلج بااارده وماااعطي اي اهميه وهم يحترقوون بصريخهم من الخااطر !!
قالن لي مااحس ؟؟ ماافهم ؟؟ وغير التجريح .. وأنا بعد من الضغط النفسي اللي اعاني منه اسوويت حسااااااااااااااااااسه .., بس محد يقدر الجو اللي اعيشه !!!

.
.
.

شوفي في هل الزمن لازم نكون اجتماعيين اكثر حتى مع اخواتنا واهلنـــــا ...
وكلمة اجتماعيين مب بس في المجاملات والسوالف ..لا !!!
حتى في طلعااتج ويا خواتج ...راويهم شو خذتي ..انتي تبغين حد يدلعج ويلتفت لج ..اوكيه قعدي ويااهم وشاركيهم بالي عندج ..من ناحيـة الاكـــــــل ...انا مرات اسوي وماا احط في بالي انه خواتي يبوون ...ويوم يشوفوني اكل او اشرب شي ...( تسوي وما تعزمنـــــا ) اتلووووووووووم اللحين اخبرهم اذا يبوون وحتى اذا ما بغو اسوي واكل جدامهم عاااااااااادي وبعد اتم اسوي حركااات اونه بتندموون اذا ما كلتووووووو ...

مو المشكله اذا صرت انا اقوولهن شي على طوول يخبررن رفيجاااتهن والاهل والحررريم !! يعني مااايودون لساانهن وانا موضحه هالشي مااحبه ! بس مااايتحملن لذا جذيه فضلت الانعزال ولاشي من خصوصياتي يطلع براا,,
حتى لو بعطيهن رااايي في شي لو بتكلم عن شيي لااااااااااازم اللي مابيه يعرف بيعرف !!
اماا ع الاكل .. انتي بيقولن لج عن طرريقه المسح مب مشكله
مو لأن لو اسوي زيااااده ماااياكلن واذاا مااااااكلن يحطن السالفه ع راسي انا من قااااالج تسوين ولييش مسوويه وليش جييه .., وانا بتحمل الغلط اللي سويته وهوو اني طبخت لهن زيااده .., وبعطني محااضرة( ان الله لايحب المسرفين ) واذا ماسويت لهن واكلن محد قالي ماااسوي زياده يعني ماينعرف لهن !! حتى لو عزمتهن او شي ..

لعبو لعبـــــــة المصارحـــــــهــ

مااااايحبن يلعبن معااااي اي شي ولا نقاااش بشي يخص حيااتنا ,,
وانا صررت مااحب يعرفن شي عني لأني فضلت الابتعاد عنهن والانعزال من ناحيه الاشياء الخصوصيه ..,

وترى هذي فتره تنقلب فيها شخصيتج ..
لانه اذكر جذي صار لي ..وتعلمت وااايد ...
والحمدلله علاقتي مع الكل طيبه وزينه وحتى الي ما اعرفهم يحبوني ويحبون القعده ويااايه ..
بس دااااايما احس بشعور الوحده وهذا ابليس يوم يلعب بمخي لدرجة اني اتضايق من الي ينسوني حتى بمسجاتهم ...

يمكن تقلبات شخصيه مثل ماقلتي .. وربج يفرجها ان شاء الله ,,
مثل سالفه المسجاات الحين حتى لو حد ارسلي اعتبر هالشي عادي ماايهمني ,,
لأن تخييييييلن لما نسااافر الاتصالات ماتوقف وكل ماخلصت مكالمه اختي تهااوشني وتنازعني شمعنى انا يتصلوون لي وهي لا ؟؟؟؟؟؟؟؟<<هذا سؤال تسئلني ايااه ؟؟
اقوولها مب انا اللي متصله هم ,, ولين انا اتصل هي تبا تكلم من عندي بس عشاان ماتصرف ع رصيدها !! لأن هي من النوع اللي ماتأخذ وقت الا من زماااان تشوفينها مفلسه !!
قلت لها لاتلعبين بفلوسج وجيه تنازعني مايخصج وومدري شوو وجيه بعد ع كيفها فضلت الابتعاد عنها !

مثل ما وصيتج ..
ولا تقارنين تصرفاتج بتصرفات خواتج ..
سوي الشي بقناعهـــ وانسيهــ ...

اناا مااقارن بس يمكن من الضيجه اللي فيني حبيت اووضح ,,
ولماا حد يسوي شي او انا اسوي شي مااااااااانسى ابببببد ,, مقتنعه والا لا ,, اظل افكر مهما كاان

وكااان الله بعون الجميع ...!

وشكرا لج مره ثانيه والله يوفقج وييسرلج ويفرج همج وهم امج واهلج

^_^

[غلآهم]

226 <<المشاهدات

اشكر لكم ردودكم الحلوه ماقصرتن

[الطير الغاوي]

والله يا غلاهم ان هذي الدنيا ماتسوى شي ........
والصراحه مشكلتج قريبه من مشكلتي ........
شراتج يوم كنت صغيره الكل يحبني وكنت دخووووووووووليه لدرجه ما تتصورينها......
بس من يوم بلغت احس اني استويت كتوووووومه ومب وايد دخوليه........
بس يوم قريت ف علم النفس يقولو ه شي طبيعي ولازم كل بنت بعد ما تبلغ يستويبها جي....
ويوم تتخطين ه المرحله كل شي يتغير
وانا اجوف ه الشي صح
ما اقول غير الله يعينااااا......

يمكن تكون صابتنا عين خخخخخخخخخخ تف تف علينا من الحسد خخخخخ

[^شوق روحي^]

\/,
\/

سوي لكل شي طـآآآآآآآآآآآف
وعيشي حيااتج ياابووي
والله الدنيــآآ ماتسوى نكدر خاطرنا عشاانها
وربي يووفقج ويسعدج ويفرج همج خيتوو,,
^^

,,
,
,

[غلآهم]

يمكن تكون صابتنا عين خخخخخخخخخخ تف تف علينا من الحسد خخخخخ

الطير الغاوي << ضحكتييييييني فديتج

مشكووورهـ غلآتي ع المعلوومه وان شاء الله تكون فتره وتعدي ^_^

^شوق روحي^

الله يعييين وصدقتي بكلآمج ,,

مشكوووووورهـ ع مرورج ^_^