يبينى بالحلال

**حايره 2009** · 2009-01-13, 00:49

السلام عليكم خواتى
انا وحده اخاف الله وماضيع فرض اصوم واصلى الحمدلله
وحافظه عمرى من كل اهواء الدنيا واتريا نصيبى واللى الله يكتبه لى
ارضى فيه ولا فكرت اكلم شباب او اطلع معاهم ودشيت الثلاثين ومحد
تقدملى ومليت من الوحده وفى واحد مابقول اتعرفت عليه هو وافد
عنده محل عطور وربيعتى زبونه عنده عرفتنى على محله بالصدفه
سئلنا تبون عطور رجاليه يقصد هدايا لريايلنا قالت له ربيعتى لا ربيعتى بعدها وماحطيت فى بالى
شى عقب فتره سمعت ربيعتى تقولى هالريال يدور على عروس وهو مقتدر
ويوم عرف انج مب معرسه حب يتقدملج انا عن نفسي ماعندى مانع
الريال ما يعيبه شي بس هل مسموح لى اتزوج هالوافد سمعت انه ممنوع
دخيلكم ساعدونى شو اسوي

المزيد من آخر المواضيع من نفس القسم:

**ورد نرجسي** · 2009-01-13, 00:54

هلا ختيه أنا أعرف دام تجاوزتي 30 سنه عادي
وتقدريت تتصلين المحكمه وتتأكدي تسألينهم يعني

وربي يوفقج ويكون من نصيبج
والريال مايعيبه جنسيته المهم تتأكدي من اخلاقه

**فتاة_البدو** · 2009-01-13, 00:56

تتزوجيين واااااافد !!!

اختي صلي صلاة استخاره

لكنه فكري في الامر .. شو بيكون مصير عيالج . مابياخذون حقوقهم من الدوله . والناس بترمس و و و و والخ

والله يسرلج امرج ويوفقج في حياتج واييج نصيبج

**حايره 2009** · 2009-01-13, 00:57

المشاركة الأصلية كتبت بواسطة ورد نرجسي

هلا ختيه أنا أعرف دام تجاوزتي 30 سنه عادي
وتقدريت تتصلين المحكمه وتتأكدي تسألينهم يعني

وربي يوفقج ويكون من نصيبج
والريال مايعيبه جنسيته المهم تتأكدي من اخلاقه

انا بعدنى تونى داشه الثلاثين الله يبشرج بالخير لو هالكلام صحيح
مشكوره اختى

**حايره 2009** · 2009-01-13, 00:58

المشاركة الأصلية كتبت بواسطة فتاة_البدو

تتزوجيين واااااافد !!!

اختي صلي صلاة استخاره

لكنه فكري في الامر .. شو بيكون مصير عيالج . مابياخذون حقوقهم من الدوله . والناس بترمس و و و و والخ

والله يسرلج امرج ويوفقج في حياتج واييج نصيبج

يعنى اسمع كلام الناس وشبابى وعمر يروح عالفاضى
وعيالى بيعيشون مثل غيرهم

**شوشي الدرمكي** · 2009-01-13, 00:59

.
.

حياتي شحالج ؟

امم اظن اذا خذتيييييييهـ بيشلوون عنج الجواز

حبيبتي ان شاء الله يرزقج ولد الحـلـال الي يستاهلج ويهنييييج

ادعي ربــج والله ما يرد عبــده الطـاااايع

بس يمكن ها ابتلاء و الله حااب يشووفج بتصبريين ولا لا

تعرفييييييين اعتبري منع ربــج عطاااااء

يمكن هالحايه خلـــج قريبه اكثر من ربـــج

وصدقيييييييني اخر شي الله بيعوضج كل خييييييييير

.
.

**$$ أم سعود $$** · 2009-01-13, 00:59

صلي استخارة فديتج

**!! غرور !!** · 2009-01-13, 00:59

امممممممم ماعرف شو اقولج ..

صلي الاستخاره وفكري زيين .. والله ايسر امورج ويجدم لج الخير ..

**مــها** · 2009-01-13, 01:05

استخيري الغاليه ...

أنا إلي أعرفه أنه العيال عقب بيتلعوزون لأنه الأبو وافد ... وما أدري بعد ...

و توج داشه الثلاثين ... يعني العمر جدامج ...

و ربي يجدم إلي فيه الخير ...

**شبيهة عمري** · 2009-01-13, 01:08

صلي استخااره واذاا انتي اتشوفينه منااسب ماعليج من كلام حد كلنا بشر

**اناستازيا** · 2009-01-13, 01:15

اسألي عن الرياااال وصلي استخاااره وتوكلي علىالله ..
واذا فيها خير الله بيسرها لج دام استخرتي ربج ..ماعليج من كلام حد
والعيال عااادي دام انتي مواطنه فهم يحصلون كثير امتيازات مثل الدراسه والصحه اللهم الجواز
ومحد يعرف يمكن في المستقبل يعطوهم ...عشان جيه اقولج استخيري ...اهم شئ تسألأي عن الريال...

**مون لايت** · 2009-01-13, 01:22

صلي استخارة فديتج

**تاجره 2** · 2009-01-13, 01:26

انا سمعت اذا تجاوزتي 30 ما بيشلون الجواز,,, بس صلي الأسخاااره فديتج

وان شا ءالله الي الله كاتبه بيصير

**rozee** · 2009-01-13, 01:28

استخيري

**بنت بلال** · 2009-01-13, 01:29

اول شي ربي يبارك فيج ويعوضج خير وإن شاء الله اتكونين من إلي قال عنهم الله في كتابه ( وبشر الصابرين ) قولي آمييييييييييييييييييييييييييييين

وثاني شي حبوبة صلي الاستخارة كذا مره واذا حسيت براحة ،، توكلي على الله و وافقي وخلي أمر عيالج على الله .. لأنه ما خاب من استخار الله ,,

وربي يفتح لج أبواب الخير دنيا وآخره

الموضوع: يبينى بالحلال

أدوات الموضوع

عرض

يبينى بالحلال

المزيد من آخر المواضيع من نفس القسم:

المواضيع المتشابهه

يا بخت من وفق رأسين بالحلال

اقساط بالحلال

ابـــاه بالحلال