ساعدوني سويت حادث !!!

[بثـينه]

السلام عليكم ورحمه الله وبركاته ..

اشحالكم خواتي ..

عساكم بخير وسهاله يا رب ...

عزيزاتي المووضوع وما فيه ( اهيء اهيء ) والله فيني صيحه من الموقف الخايس اللي انحطيت فيه ...
سلمكم الله كنت رايحه بيبي شوب ويا ولدي ... توكلت على الله وطلعت من البيت بعد ما خذت شور ريلي طبعا ... المهم وانا رايحه في الطريج اتذكرت انه يوم كان ولدي في الحضانه المس حاطه حقه اغراض مب ماله بالغلط وهو من يومها ما سار لانه يلس وياي ( قدمت استقالتي وقعدت اربي ولدي ابرك) ..
المهم قلت خل امر اودي الاغراض قبل وعقب نكمل مشوارنا ... و ولدي من شافني وصلت احذال الحضانه يصيح ما يبا ينزل واقوله يا بوي ما بنزلك شو بلاك بس بعطيهم الاغراض وبنطلع ..
بس هو شاك فيني .. المهم هو يزن بصوب واعصابي توترت منه .. ما علينا
المهم شفت الباب مفتوح وسياره يايه في ويهي وعلشان ما اخليه يخف مووول بسببي جان ادوس بسرعه وادخل السياره في الحوش مال الحضانه وجان انصدم في ويهي سياره تبا تطلع وانا داشه مسرعه وجان الف على اليمين بسرعه علشان اتجنب اني اضربهم في الويه ... وطبعا جان ادعم الباب آآآآآآآآآآآآآآآآآآآآآآآآآآ اهيء اهيء ... لكن الحمدالله الباب مووول ما استوابه شي ( عنبو ما ادري من شو مصنوع !! ) لكن السياره فديتها تفلعت من الخاطر من الجنب وحتى تكسرت اشوي من البابين اللي على الجنب على اليمين ( الله سلم ولدي فديته ) .. والحمدالله ما ضربت السياره لانهم بعد خذوا يمينهم على الآخر .. وجااات سليمه ...

بس اهني تيي السالفه ... السياره مال السيد المحترم زوجي الحبيب ههههههه
بس مخلينها حقي استخدمها يوم هو في الدوام او مشغول مثلا .. يعني للمشاوير العاديه
ومن يومين يايبنها من الكراج مغير فيها كل شي وصابغنها ومزجرتنها اهيء اهيء
حرام يعني توه مخسر عليها وجي سويت فيها انا ...

آآه يا قلبي والله مب عارفه شقايل اقوله على السالفه ...

حتى امساعه كلمته وكنت ابا اخبره بس ما عرفت كيف اخبره !!!
وهو حس عاد اني ابا اقول شي وحاول وياه فقلت لا خلها مفاجأه يوم بتي البيت ...
ما عرفت شو اقوووووول ... يكفي انه دوم يحط على الحريم وسواقتهم ...
ادريبه ما بيحاتي السياره كثر ما بيحاتينا بس بعد بينقهر مني لاني ما حاسبت ... دفشه شو اسوي في عمري ...
وشوفوا الصدف هو طالع من الدوام ويكلمني وسمعته يدقدق هرانه فسألته بلاااك مشترط قاللي شو بعد هذيل الحريم ما يعرفون يسوقون ترد ريوس وما تشوف وراها هههههههه
طبعا انطبيت وسكتت .. مع اني بالعاده ادافع عن الحريم خخخخخخخخ ما لي ويه بعد شو اقول

احين هو عنده جم شغله واحتمال ايي على المغرب او العشا ...
لين هذيج الحزه شو رايكم شو اسوي .؟؟؟ كيف اتصرف ؟؟؟ وكيف اوصل له الخبر ؟؟؟؟

والله صج صج صج منحرجه منه ...

بليـــــــــــــــــز ساعدوووووني .... بس محد يقعد يلومني ليش وليش وليش ... اللي صار صار ..

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي