مدرسة خاصة

**أم سليمان1** · 2009-01-12, 10:01

شهر تسعة ابا ادخل بنتي KG1 بس مااعرف اي روضه ادخلها في ابوظبي ابيها تتعلم انجليزي وعربي ودين مع بعض.....
فالا تعرف تفيدني وجزاها الله خير....

المزيد من آخر المواضيع من نفس القسم:

**أم السعدي** · 2009-01-12, 12:42

اختي اسمحيلي ما عرف لاني من دبي بس حبيت ارفع لج الموضوع

**أم سليمان1** · 2009-01-14, 08:05

مشكوره فديتج..
معقوله مافيه احد يعرف شوه أحسن مدرسة في ابوظبي والا ما عندنا بنات بوظبي

**baskootah** · 2009-01-14, 10:26

في مدرسة اللؤلؤة .. نظام بريطاني .. تابهة للدار العقارية .. مصاريفها غالية شوي ..

تقريبا 36 ألف في السنة ..

بس في الروضة ما في دين .. في بس عربي ...

منهج الوزارة طبق من الصف الاول .. يعني بتدأ الدين في الصف الأول ..

في مدرسة النجاح يقولووون وايد زينه بس أنا ما أعرف أختي ..

**شمووتي** · 2009-01-14, 13:29

عندج مدرسة الإمارات الوطنية يمدحونها ربيعاتي بحطون عيالهم فيها

**rak_rose** · 2009-01-14, 15:31

انا بنتي في مدرسة الامارات الوطنيه KG2 فرع مدينة محمد بن زايد
بصراحه مستواها السنه الماضيه كان أحسن عن هالسنه
بس بعد الاحظ انهم هالسنه مركزين اكثر على العربي والدين
بالتوفيق انشالله

**ظبية*الامارات** · 2009-01-14, 18:56

للرفع

**أم سليمان1** · 2009-01-18, 07:51

مشكورين فديتكم بجرب مدرسة الامارات الوطنية بسير وبسأل

**علياء2008** · 2009-02-21, 20:09

الغالية مدرسة الإمارات الوطنية ماعليها كلام المنهج أمريكي ويدرسونهم عربي وتربية إسلامية انا ولدي فيها و أنصح الجميع تكون الفترة التأسيسية فقط وأعذروني ...

**بطوه** · 2009-02-22, 11:21

انا من فترة كنت اسأل نفس السؤال...
وبعد البحث والاستفسار.. ان شاء الله بسجل ولدي في مدرسة البشائر الخاصة
انجليزيتهم اوكي..ويركزون وايد على الدين والعربي
((من واقع تجارب ربيعاتي اللي عيالهم فهالمدرسة))

الموضوع: مدرسة خاصة

أدوات الموضوع

عرض