تابع لموضوع التحرشات

**ساحرة العيون** · 2007-02-08, 17:12

مرحبا خواتي
نضرا للتفاعل اللي حصل عشان التناقش بموضوع التحرشات والاعتداءات حبيت اتشوفون الرابط هذا
l]
وبغيت تفاعلكن وردودكن واذا فيه وحده تعايشت مع الموقف هذا
وانا عن نفسي برجع لكن بقصة حقيقية وشخصية :1 (9):

يمنع وضع روابط لمواقع اخرى

المزيد من آخر المواضيع من نفس القسم:

**Alnajla** · 2007-02-08, 17:45

مرحبا ختيه بصراحه موضوع مهم جدا
لأن الواحد ما يعرف شو يسوون هالخدم من بلاوي ؟؟؟؟
كانت لنا جاره دايما بنتها تلعب مع السايق (4 سنوات) ومره حاول يغتصبها وسبحان الله قدرت تهرب منه؟؟؟

**شوق دبي** · 2007-02-08, 18:04

/ا شي رااابط

**ساحرة العيون** · 2007-02-08, 18:43

انا كنت حاطة الرابط بس لين شلوه ؟؟؟؟؟؟

**ساحرة العيون** · 2007-02-08, 20:11

http://www.mana.ae/e3tida.htm
جيكوا مرة ثانية

**ليالي_العين** · 2007-02-08, 20:13

الرابط موجود وفعلا هالظاهرة جدا خطيرة

وصاحب الموقع مانع دوت كوم دايمن يناقش هالامور والمشاكل

**خزامة** · 2007-02-08, 20:35

شفت الرابط وياريتني ما شفته
خذتني حره وغصة والله
الله يحفظنا ويسلمنا ويحفظ بناتتا
آميييييييييييييييييييييييييييييين
مشكوررررررررة ختي ساحرة العيون

**نورالعيون** · 2007-02-09, 00:24

بصيح حرام الله يستر علينا وعلى من يريد الستر

**ساحرة العيون** · 2007-02-09, 19:45

فيه واااايد ناس صار لهم هالموقف
وانا من ضمنهم راعي الدكان اتحرش فيني يوم كنت صغيرة
وعقب اكتشفت انه يسوي جذي في وااااااااااااااااايد بنات مال الفريج وشفت بعيني هالشي
وانا ما بسامحه طول حياتي
وصار موقف لوحدة قريبة مني واااااااااااااايد مع حد من محارمها بس اول شي بستاذن منها وبعدين بحطي لكن السالفة

**ساحرة العيون** · 2007-02-09, 19:46

اشكركن خواااااااتي على التفاعل والمرور
واتمنى اذا فيه وحده اتعرضت لهذا الشي تشاركنا اذا حبت

**سندريلا** · 2007-02-09, 22:06

حراااااااااااااااااااام علييهم

الله يستر عليينا دنياا وآخره

**الدلع العيناوي** · 2007-02-10, 18:03

الحمدالله ماتعرضت لهذا الشي.........بس كان راح يصيرلي مره بس الله ستر...احمدك يا رب
بأختصار كنت سايره صالون وهليه يبون يسيرون سوق وما كان فيه وقت لأن العيد بل الباجر وقلتلهم فروني فصالون وسيرو خلصو شغلكم وتعالولي بس لا تأخرون ما ابا ابات فصالون انزين نزلت وانا متغشيه ويالله يالله اشوف جدامي دشيت العماره اللي فيها صالون ((للتوضيح صالون عند مسيدالشيخه سلامه بنات العين يعرفون اي صالون اطري)) وباب العماره مجابل كفي نت والمشكله ما يبين اذا في حد داخل ولا لأ يعني لو شفت ريايل دخل الكوفي نت جان مانزلت ..المهم دخلت وكنت يالسه اتريا باب الاصنصير (المصعد) يفتح وفجأه حسيت حد فج باب العماره لأنه من دشيت صك الباب الزجاجي لفيت وراي وما اشوف عدل من الغشوه لمحت شي ابيض(كندوره) وسمعت صوت واحد يتحمحم جاااااااان اتيبس فمكاني فج باب الاصنصير جاااااااااان احسبها فمخي قلت لو دشيت الاصنصير يمكن يدش وراي صح شو اسوي شو اسوي رديييييييييت خطوه ولزيييييت مسافه بعيده جان اقوله بصوت خشن هههه وما ادري شقايل ظهر ههه لاني صوتي فالواقع العكس هههه المهم قلتله تفضل اخوي تم يستهبل لا والله انتي قبل ...ما رديت عليه طنشته وتمينا جي صك اللفت مرتين قلت هذا شكله يالسه يتمصخر ومايبا يركب اللفت لأن اصلن العماره فيها شقق وصالون ومحل تأجير فساتين على ما اعتقد انزين وشووووووو ماخليت ايه قرأنيه ما قريتها فخاطري اظن ختمت القراان مرتين هههه من الخرعه انزين يوم شفته يستهبل قلت بتوكل ع الله وبركب لفت وبصك الباب بسرعه من فج الباب هو سوى عمره بينزل تحت لأن في دري يوصل لغرفةالحارس يوم شفته مشى صوب الدري لقيتها فرصه اول ما انفتح الباب عقيت بعمري في لفت وتميت اهوووس ابغيه يصك خخخخ جان اشوفه ياي دااااعس اونه شيخه شيخه رقم عاد اناااااااا شو استوابي من الخرعه والله قلبي طاح فبطني من الخووووووف وتميت اهوس ع الفصوص اخاف الباب يفج وما طمن الا يوم حسيت به صعد اللفت واسب والعنه الف مره هههه اااااااااااه صدق ذاك اليوم مأساه تميت اباغم واصيح جني ياهل يوم وصلت صالون وراعيةصالون تسالني بلاج خخخخخخ قلتلها واحد خايس تحرش فيني والله من خلصت عطول اتصلت في هلي وقلتلهم تعالو فوووووووووق خذوني وخبرتهم سالفه ومن يومها حرمت اسير صالون بروحي اخاااااااااف لاتطنزون علي والله رعب ...والحمدالله مر الموضوع ع خيرالحمدالله ...ان الله ستر وسلامتكم ....فنصيحه يا بنوتات لا تتساهلون وتقولون محد والقايله(ظهر) او المغرب الناس تصلي والله ماتدرين شو اللي بيستوي في ناس واقفه تحبس ناس حيوانه اقصد شباب طبعن فلااااااااااااااااااااااا تتساهلون وهالله هالله فعماركم وتذكري لو صار لج شي انتي مسؤله عن نفسج اولن وعقب اهلج...ولولا رحمت ربكم ما اعرف شو كان ممكن يصيرلي والحمدالله انها وقفت ع تحرش برقم ما تمادى اكثر...وبقولكم قصه ثانيه ع عجاله صارت لوحده اعرفها وربي شاهد على كل كلمه لأن سالفه ظاهره منها وانا بقولها بالحرف ومابزيد كلمه... البنت كانت مسافره ويا هلها خارج البلاد وكان ربيع ابوها مسافر معاهم وابوها من النوع السكير وربيعه اخس والابو الذكي طاعو شو مسوي حاجز لعياله شقه مجاوره لشقته هو وحرمته الحبيب يبي يعيد ايام شبابه وايام شهر العسل تناسي ان عنده بنت فعمر زواج وممكن يصيرلها اي شي دام انهم فغربه وبعدين مب من عاداتنا نحجزللبنات غرف او شقق روحهن ع الاقل تكون وياهم حرمه كبيره فسن اذا كان عدد افراد العايله كبير نرد للسالفه مره اهل البنت كانو سايرين يسهرون ههه مصخره اللهم لا شماته والعيال فالبيت وربيع الابو كان فشقته جان يستغل تغييب الاهل وسار يدق ع البنت الباب وتمت تسأل منوه قالها فتحي باباه انا عميه مسوي عمره طيب الحقير وفتحت له الباب قالتله باباه محد طلع ويا ماماه (اهلهم مدلعينهم عسب جي ينادونهم باباه وماماه ما احب اللي يتبزون يييع) المهم دش وصك الباب وراه والبنت عطته ظهرها عسب تقربه صاله اونه جان يزخها من وراها ودفرها ع اليدار وتحرش فيها بوس وخرابيط استحى اقولها المهم ما سوى شي خطير عقولتها والله يعلم جان مسوي وما قالت صراحه ما استبعد لأنه سكيير ما علينا ويوم خلص ظهر وقالها لاتخبرين حد وهي البغام سكتت ويوم سألتها ليش ماقلتي حق ابوج عسب يأدبه تعرفون شو ردت قالت هذا يدري عن عمره عسب يأخذ موقف من ربيعه ههه تطري ان ابوها دووووووووم طيطوووو قصدي يسكر وانا اللي على سويته نصحت وقلتلها مره ثانيه لاتسافرين اذا جي سفر لأني اشوف ان ابوها وامها خالين من المسؤليه والبنت مراهقه يعني ماتصدق ينفج راسها علعموم اكتفى لين هنيه والله يستر على بنات المسلمين ويحفظنا من كل شر........والسموحه طولت والموضوع وااااااايد مهم شكراااااا ساحرةالعيون

**ساحرة العيون** · 2007-02-11, 16:58

اشكرج يالدلع على هذه السالفة انا قلت بخبركن عن ربيعتيه يحليلها اتصدقون انه خالها كان يتحرش بها؟؟ والله العظيم انا ما صدقت هاي بنت اختك من عرضك ليش والتحرش كان لابعد الحدود بس الحمد لله انه ما افقدها عذريتها
قصتها من البداية انها كانت تعيش معظم حياتها بيت يدتها من صغرها عسب تلعب ويا بنت خالها وتقول باليل كانت تنام احيانا في الصالة عند يدتها فكانت اتحس انه احد يتحرش بها وكانت تخاف لانها تتحرى انه جني وما كانت تفتح عينها واستمر هالحال لين ما تشجعت وشافت خالها ا عرفت شو تسوي حتى ما تعرف هالشي شو يسمونه (على فكرة هاي السالفة اكثر من 15 سنه) المهم وهي ما عندها خوات كبرها عسب تخبرهن هي اصغر وحده وتمت ساكتة وعقبها ردت بيتهم لانها بغت تشرد من هالوضع اتخيلوا لحقها لبيتهم بس مو بالليل لا بالنهار اتخيلوا الذيب البشري شو يسوي
المهم هي ما خبرت لين ما دخلت المدرسة والاعدادية وفي الثانوية خبرتني انا بس والله انقهرت واااايد وقلبي عورني عليها بس ما باليد حيلة وهي كانت اتصيح تتحرى عمرها موب بنية وعقب الثانوية اتزوجت وكانت خايفة من الفضيحة وحالتها النفسية تعبت جريب العرس بس الحمد لله خالها كان ذكي مالت عليه وما افقدها عذريتها
والله ثم والله ان القصة هاي صدق
الحين ربيعتي معرسة والحمد لله وخالها متزوج وعند 3 وساير الحج

**ساحرة العيون** · 2007-02-13, 17:37

ليش ماشي تفاعل من البنات
وين اللي صوتوا

**ساحرة العيون** · 2007-02-13, 17:41

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^^^^^^^^^^^^^^^^^^^

الموضوع: تابع لموضوع التحرشات

أدوات الموضوع

عرض

تابع لموضوع التحرشات

المزيد من آخر المواضيع من نفس القسم:

المواضيع المتشابهه

تابع لموضوع سابق اللي يبا يكمل وياي سالفتي ويا ريلي

تابع لموضوع ابي اكبر تجمع وردووود:(

تابع لموضوع التصاميييييييييييييييييييييييييييييييم اعادة رفع الصور