نصيحة لكل متزوجة

**ام حامد العين** · 2009-01-11, 05:35

أول شي السلام عليكن خواتي الغاليات

وبعد السلام أسمعني زين ويقولون اسأل مجرب ولاتسأل منوه ولاتسأل طبيب وانا وحده جربت

الريال شراات الطفل الصغير حتى لوكان مكاار ولاشديد ولا لوتي شو ماكانت صفاته صدقني هو طفل

صغيرفي أشياء كثير تستوي للحريم من خيانة ومن أهمال ومن أشياء كثيرة بس الخيانة والأهمال

أهم هالأشياء خواتي إذا خانونا فأحنا المسؤلات عن هالخيانة بتقولن كيف حاضرة وبجاوبكن

الريال ليش يخون حرمته؟؟؟

1: من تولد الحرمة أهملت زوجها

2:الكلمة الحلوة ماعاد يسمعها لأنها صعب تطلع منا إحنا لازم هو يقول الكلام الحلو

3:الراحة بين الحرمة وزوجها أقصد الخلوه الشرعية ماعندنا وقت حقهم وبعدين لازم هم

لي يبدووون لان عيب الحرمه هي لي تحاول تجذب ريلها وتحسسه أنها تبغيه لازم هو لي يحسسها

4:فرضنا صار أن الزوجة وزوجها كانوا مع بعض كل شي ممنوع من قبل الزوجة ومثل لي

تقوله ماعندي وقت أختصر مهمتك المفروضه عليه لان العيال يبغوني

5:الزوج يطلع الصبح الدوام والزوجة نايمه قام مسكين ولبس ثيابه لي مكوايات بس بدون

أي أهتمام ولاحصل حد يودعه ببتسامه ولاحد يزهب له ريوقه ولالالالالالاشي وأخر شي

نحتج إذا خانونا لاوالله الحرمه لي هالشكل تستاهل الخيانه مب ريال إذا ماخانها

خواتي أزواجنا يوم يخوننا بتكلم بوضوح شوي يكون ناقصهم بالضبط لي ناقصنا الأهتمام في المرتبة

الأولى الراحة مع الزوجة في المرتبة الثانية والوجود وجود الزوجة في حياة زوجها بكيانها

بحساسها كامل بمحبتها وعطفها عليه أنا خواتي مريت في ظروف وايد صعبه مع زوجي

مااودي أقول بس من كثر المشاكل لي أمر عليها في هالقسم قررت أني أبوح بالي في خاطري

يمكن لو وحدة بس تستفيدأنا أنفصلت من زوجي 5سنوات بس أسمح لي ماأقدر أقول الأسباب

لكن لي أقدر أقوله السبب كان خارج إرادتنا لاهو مني ولامنه من طرف ثالث الله يسامحه

المهم انا عندي أطفال من هالزوج وتميت انا وعيالي بعيد عن زوجي كانوا الأولاد يزورونه الجمعة

شاء رب العالمين أنه يلم شملنا بعد5سنوات للعلم إحنا متزوجين بعد قصة حب دامت 3سنوات

والكل كان يضرب وصف في محبتنا شي من العصر الجاهلي تقولن قيس وليلى المهم رجعت

وتندمت في البداية رجعت لواحد غير واحد مااعرف أي شي عته رجعت وحسيت بغربه عمري

ماحسيت بها كنت أصيح 24ساعة بعدفترة أكتشفت ان أبو الشباب في وحده في حياته وحدة

وافدة بدون ذكر أسم البلدمع أحترامي للوافدات المحتررمااات كلهن بس هي كانت قمة في

الإنحطاط كانت تموت وتحاول تخرب بيتنا لكني خذت الموضوع تحدي هذا بيتي والريال لي

هي تبغي تستولي عليه حبيبي وبو عيالي وعيوني اللي أشوف بها ماأستسلمت مع إن

المعركة كانت هي الطرف الأقوى فيها لكن بكل قوة وكل صبر وكل ذكاء تميت وراءها

أشتغلت تحرياات جمعت عنها معلومات ريلي لي كان على علاقه بها سنين ماكان يعرف كثر لي أنا

عرفته في شهوروماأنسى دور جد عيالي الله يحفظه سندني من عقب رب العالمين ماتخلى عني

تميت سنة كامله في المرتبة الثانية والوافدة في المرتبة الأولى عند ريلي كنت أقرأمسجات كانت

ترسلها له كانت تعاتبه وتقوله مب أنا النجمة الأولى في حياتك زوجتك وأولادك هم الأهم والله

إني كنت أموت في الدقيقة مليون مره بس صبرت ماطلعت من بيتي ولاخليت لها الساحة فاضيه

كنت دوم لها بالمرصاد كنت أصووم أكثر وقتي وكنت أدعي لزوجي بالهداية كنت اعامله مرات بالزين

ومرات بالشين على حسب الموقف ولو إني كنت متأكدة أن زوجي مب طبيعي كان يوم يرجع

يكون عصبي ويسب ويسوي مشاكل بس عشان يطلع ويكلمها ويرتاح حسبي الله عليهن السحر

لي يسونه بالأخص هالجنسيات سحر وسخ الله يعزكن عقب مايخلص الريال منهن يأخذن الوسخ

في كلينكس وهن متعودات على هذا الشي ويحرقن هالكلينكس ويقرن خرابيطهن عليه ويحترق

قلب الريال ويكره حرمته وعياله ومايبغي شي من الدنيا غيرها بعد مايلاقيها ويخلص منها

ترد روحه وكذا ينخذالكلينكس وينحط أحتياط حسبي الله عليهن لي مايخافن من الله المهم

بعد فترة هدأ شوي زوجي وتعود على جو البيت والعيال وخفف طلعاته وبديت أنا أستغل الفرصة

أقوله خلنا نطلع وكان يبغيني أحمل رحت للدكتورة قالت لي ماعندج مشكلة لازم ريلج يسوي فحص

سوى فحص وأنا لي مريت أييب له نتيجة الفحص قالت لي الدكتورة ريلج عنده ألتهابات قوية

لازم يتعالج ولازم تبتعدين عنه فترة العلاج عشان ماتتعادين فحصتني الحمدلله كنت بخير المهم

الألتهابات ماكانت خطيرة بس الأستمرار في هذا الوضع خطير في دكتور زوجي كان يروح له دوم

أتفقت معاه أنه يخوفه ويقوله إذا أستمريت مع هذي لي عادتك الألتهابات ممكن تجيب لك مرض اكبر

في المستقبل سوينا عليه تمثيليه تم ريلي متخوف منها بس ماتركها تم عندها بس بعد فترة كشفته

مسكته وماقدر ينكر وكنت ناويه خلاص إني أنهي كل شي بيني وبينه لآني حسيت بالإهانة وايد عقب كل

لي صار وكم مرة مسكته وعقب الألتهابات وبعده ماتركها قررت أتركه وأخليه حقها بعد ماصبرت على

الظلم سنة كاملة بس هو كان وايد كان وايد متندم لكني كنت مصره وعزمت على أني أطلع من حياته

بس ياني واحد من العيال قالي كم كلمة خلتني مثل السكرانه قالي أمي إحنا شو ذنبنا إحنا نحبج وبدونج

بنضيع خليه أبويه برايه حرام تعبتونا مرة عندج ومرة عنده إحنا لنا حق عليكم نبغي نعيش عند امنا

وأبونا في بيت واحد أنسي أبويه وعيشي لي ولأخواني أنا سمعت هالرمسه وسلمت امري لله

وقلت له فالك طيب يالغالي وأنا أسفه حبيبي واوعدك ماأطلع من هالبيت ولاأبتعد عنكم سامحوني

وقلت حق زوجي انا مابغي أطلع من بيتي وبتم عند عيالي وانته بكيفك روح وين ماتبغي تروح طلب مني

فرصة أخيرة وعطيته والحين وقولن اللهم بارك اللهم بارك اللهم بارك لأم حامد في زوجها

صح أني تعبت وياه بس في الأخيرولله الحمد أرتحت نسيت أقولكن كانت الوافدة على كفالة زوجي

وكنسلها هالكلام سنة 2005وزالت يعلها الزوله لكن بعدها بديت صفحة يديدة مع نفسي تميت

أهتم في زوجي وأحاول أهتم في نفسي ثياب ريلي دووم معطرات ومدخناات وريحتن دووم حلو والحجرة

نفس الشي أقوم الصبح وأتريق وياه ريلي من النوع لي مايقول كلام حلو دايم انا كنت أضايق اول

أقول ليش مايبتدي هو غير أنه بعد من النوع البارد في السوالف الخاصة بينا يعني مب من النوع لي

يهتم بس الوافدة هي لي كانت تسويله جو وهي لي تتحرش فيه عشان هذا الشي يرتاحون لهن هم

تميت أنا لي أبتدي اقوله كلام حلو انا لي المح له إني أحبه وأن لي خاطر نكون مع بعض شوي

شوي خلاص تعلم وصارت حياتنا ولله الحمد من احسن مايكون وعلى فكرة الوافدة حاولت بشتى

الطرق انه يرجع لها بس بدون فائدة ألحين من 4سنين تاركها والله أنها اخر مرة تحاول فيه من كم يوم

مرسله إيميلات تقوله أشتقتلك وحلمتك بس انا رديت عليها على اساس إني هو وهددتها أن أرسلت

شي مره ثانية مابتشوف خير طبعا خبرته عن كل لي صار وأسمحلي طولت عليكن بس الله يخليكن

أهتمن في أزواجكن شوي وفيه شي مهم الوحدة يوم تكون عند زوجها في غرفة وحدة طب منها

المستحى وتريح زوجها عشان مايطالع غيرها تشبعه من الكلام الحلو من الأهتمام من كل شي

وأتمنى لكن التوفيق والسموحة

المزيد من آخر المواضيع من نفس القسم:

**ميميAM** · 2009-01-11, 05:41

تسلمين حبوبه على هالنصيحه

والله يعطيج العافيهــ

والله يهدي الازواج والزوجات ^_^

**::قصـــــايد::** · 2009-01-11, 06:03

كلام من ذهب ،، تسلمين يا ختيه ويزاج الله خير

الله يسعدج

**ام حمد 2003** · 2009-01-11, 06:14

الله يوفقج حبوبة
بعد العسر صدق يسر

**نقنوقة** · 2009-01-11, 06:17

يزاج الله خير ع النصيحة ختيه

**حب ربها شاغل قل** · 2009-01-11, 07:12

جزاج الله خير على النصايح المفيده وخصوصا للي مثلي مقبله على حياه جديده
الله يحفظكم لبعض ويخلي لكم اعيالكم وتفرحون بهم

**حرمة سيف** · 2009-01-11, 07:19

وآآآي ياختي حسستيني بكل كلمة كتبتيها

وجي كلامج يطلع من قلب وربي

اكيييد لازم بين الحرمة وريلها ماشي اي مستحى

دام كل شي حلال ومباح سوو الي تبونه دامه بحدود رب العالمين ورسوله

لو الوحده تملي عين ريلها وربي من نفسه ولاارادي ان جاف غيرها يغض بعينه

لان اساساً حرمته عاطتنه مبتغاه فيييي كل شي والعكس عند الحرمة صحيح

لاتفتكرون الزواج = فراش فقط

بالعكس الزواج الفه ومحبه وتراحم ومودة وتفاهم ووووووووووواكثر من جي

اللهم بارك اللهم بارك اللهم بارك لأم حامد في زوجها
اللهم بارك اللهم بارك اللهم بارك لأم حامد في زوجها
اللهم بارك اللهم بارك اللهم بارك لأم حامد في زوجها
اللهم بارك اللهم بارك اللهم بارك لأم حامد في زوجها
اللهم بارك اللهم بارك اللهم بارك لأم حامد في زوجها
اللهم بارك اللهم بارك اللهم بارك لأم حامد في زوجها

وباركلها في ذريتها الصالحه وابعد عنها:

كل حسد و حسود

وغل وغليل يااارب العالمين

**اليامي مريامي** · 2009-01-11, 07:22

المشاركة الأصلية كتبت بواسطة حب ربها شاغل قل

جزاج الله خير على النصايح المفيده وخصوصا للي مثلي مقبله على حياه جديده
الله يحفظكم لبعض ويخلي لكم اعيالكم وتفرحون بهم

وبالنسبع اختي للخيانه لاتبرير لها برغم تغير ظروف الحياة ضعف الوازع الديني و اتباع وسائل الاعلام ومغريات الدينا و كذللك انا ما انصح ريال يكفل حريم حتى لو للبزنس ناس سمعت عنهم يتزوجون الحريم الي يكفلونهن و ايبون منهن عيال وبعدين باي باي او اتصير الوافده هي الشسخه و اصلا الغلط من الريال الي فتح له باب و الحرمه ياغافلين لكم الله مابتقعد اتنبش و اتفتش

و الله المستعان

**uaeeyes_72** · 2009-01-11, 08:01

والله تسلمين على النصيحة
والله يبعد كل بنت حرام عنا وعن ريايلنا وبيوتنا

**هناء خليفة 79** · 2009-01-11, 08:04

الله يوفقج الغالية

**ام ميدوو** · 2009-01-11, 08:10

يزاج الله خير الغاليه فعلا كلامج اللي قلتييه كله صح والله يهدي الأزواج يارب ويبعدهم عن الحرام وبنات الحرام

**دلوعة الدرمكي** · 2009-01-11, 09:07

انا خاطري اجمع هالوافدات الي تتكلمين عنهن والي انا وانتي عارفات شو جنسيتهن انزين ابى اجمعن واحرقهن كلهن الله يحرقنهن بنار جهنم ما خلن بيوت ما دمرنها بس المصيبة الرياييل ما يفهمون انه هذيلا ما يبن غير فلوسك+ جنسيتك وبسسسسسسسس

**بنوته كفالي** · 2009-01-11, 09:22

يزاج الله خير على هالنصيحه

نقذتي بيوت و بيوت كانت على وشك انها تدمر

الله يهدي ريلج و يصلح علاقتكم اكثر و اكثر و الله لا يفرق شملكم ..

**عتوقة** · 2009-01-11, 12:53

هيئ هيئ قصتج وايد مأثرة
الحمدلله ان رب العالمين رد شملكم
والله يحفظكم من كل شر

**شهدات** · 2009-01-11, 13:04

صح لسانج تسلمين حبوبه صراااااااااااااااااااحه انا وايد استفدت من نصيحتج وان شاء الله اقدر اطبق الشي الاستفدته منج تسلمين ومشكوووووووووووووووووووووووره وايد

الموضوع: نصيحة لكل متزوجة

أدوات الموضوع

عرض