المظاهرات وحكمها

**ماما فطوم** · 2009-01-10, 16:27

السلام عليكم ورحمة الله وبركاته

شرايكم في المظاهرات .. هل فعلا لها فوايد .. ولا كلام فاضي

طيب .. قبل لا اسمع رايكم .. اسمعوا هذا الكلام من شيخ عاقل

وبعدها .. ادخلوا هذي القصة واقرأوها .. وجوفوا شو المظاهرات تسوي

http://forum.uaewomen.net/showthread.php?t=383986

وسوالم

المزيد من آخر المواضيع من نفس القسم:

**دلع بسنع** · 2009-01-10, 16:43

الغالية انا اشوف ان المظاهرات ما منها فايدة لانها ماتحرك حكومات الدول منذ الازل ولكن هذا اقل شي ممكن يقدمه الشعب كنوع من التضامن + التبرعااات..

بس حكمها ف الاسلام مادري والله وانا مب مقتنعة بكلام هالشيخ المصري والسموحة.

**ام احمد للافراح** · 2009-01-10, 16:52

انا مادخلت ولا شفت اي رابط لان عنوانموضوعج شدني ...بس اتذكر اني الي قريته ومر عليه انه المظاهرات حكمها لا يجوز ..بالنسبه لي انه الموضوع المظاهرات جدا سخيف ..لانه لا فائده مرجوه من خلالها الي الازعاج وازدحام الشوارع ..يمكن البعض يقول انه له دور و عالاقل وصل صوتنا لفلسطين لكن اقووول لا اخوانــــا مب محتاجين لهذي المظاهرات يبغون الوقفه الحقيقيه بمعنى اصح وقفة رجاااااال

**رويــانــة** · 2009-01-10, 16:57

طالما انه العالم كله طلع في مظاهرات سلمية مافيها شي اذا هنا بعد يطلعون يعبرون عن شعورهم ولو بشي بسيييييط

لنه في الخارج الشعووب والرأي العام يسوون شغل ويغيرون الأمور

بس عندنا صراحة ماعرف كيف . أمس اخوي رد شغله عسب المظاهرات وقال انها مصخرة في مصخره ومغازل وقلة حيا

فإذا بيطلعون عسب يتمنظرون لا يطلعون ويتمون في بيوتهم أبرك

والسموحة

**MAHA21** · 2009-01-10, 17:08

انا اجوف مالها معنى والله
اذا صدق قلبهم معورنهم يساعدونهم بالدعاء والتبرع

**وا إسلاماه** · 2009-01-10, 17:58

المظاهرات لها تأثير كبير عند الشعوب اللي يهمها الرأي العام ....
و تلبيلهم طلباتهم ...
خاصة إذا كانت الحكومة منتخبة بس منتخبة بحق مب بغش ...
أما في الوطن العربي فتنقسم الدول عدة أقسام ...
دول ما بتهتم بالمظاهرات لأنه الحكومات اللي فيها عمرها ما اهتمت بالرأي العام المهم عندهم اللي هم و ربعهم يبغونه و بس ..
و المظاهرات عندهم تقمع المظاهرات و تقمع الشعب و تحمي المصالح اليهودية و الأمريكية ...

و دول ماشت الشعب و رغباته بسرعة و سوت مظاهرات و رتبتها أول بأول لأنه عندها مصالح يهودية و خافت تنضرب فقالت أقص على شعبي و أبين له إني أسويله اللي يبغي عسب ما يتهور و يغلط ...
بينوا للشعب إنهم و ياهم و في نفس الوقت حافظوا على المصالح الأمريكية و اليهودية اللي عندهم ...

و دول أصلا ممنوع فيها المظاهرات و رتبتلها و سوتها تحت رعايتها عسب تكون المسيرة سلمية و ما يستوي شغب و قالت هاي رغبات الجمهور ...
و أصلا المظاهرات في مثل هالدول مالها أي قيمة أول شيء متأخرة و ثاني شي حتى ما وقعوا عريضة و قدموها للسفارة يعني ماكان لها أي داعي ...

المهم الحين حان وقت ...
المقاطعة الفعلية لأمريكا ..
و هذا السلاح يجب أن يطبق و ينفذ في جميع أنحاء الوطن الإسلامي و العربي ...
فكل وحدة تشوف شو تروم اتسوي في هذا المجال ...
و الله ينصر أهل غزة ...

**ام حمده** · 2009-01-10, 18:05

وانا اجوفها ما لها معني

غير زيادة الشغب في المنطقه

وكثرة المشاكل

في اشيا اولى من المظاهرات وافود

**8نوف8** · 2009-01-10, 18:38

وانا بعد مع الخوات

شو فايدة المظاهرات !! يعني بتقولون بتأثر نفسيا على اليهود .. يعني مظاهارت بتأثر في نفسيتهم ومشاهد الدم والموت والقتل وابشع الصور اللي يتصورها العقل ما أثرت في نفسيتهم !!

ولا حتى قرارات مجلس الامن .. اثر في نفسيتهم !!

مظاهرة صارت في مكان بعيد عنهم بتأثر فيهم !!

المشكله في أغلب الاوقات المظاهرات تتحول لفوضى واشتباكات وجرحى وقتلى (( اعتقد اذا وصلت لهالدرجة بيكون فرحة لليهود ))

والمشكلة الثانية .. ان المظاهرات مالها أي معنى عند الحكومة ولا بتأثر في قرار !!!!!!!!!!!!!!!!!!!!

حسبي الله ونعم الوكيل

ما بيدنا غير الدعاء ..

**ماما فطوم** · 2009-01-11, 01:55

مشكورين خواتي عالمرور .. وان شا الله استفتدو من كلام الشيخ

بس اللي تقول الشيخ المصري .. اقول ترى هذا الشيخ اللي تتمصخرين وتقولين مصري .. بيوقف يوم القيامة يقول هذي غلطت علي جدام الناس ..

وذاك الوقت .. خل التطنيز والاستهزاء ينفعج .. باهل العلم والمشايخ اللي لولاهم ما نعرف الله شيسوي فينا

**رصـ قلم ـاص** · 2009-01-11, 02:00

بعض الدول الثانيه يمكن تأثر
بس عندنا والي شفته في التلفزيون وخاصه أبوظبي المظاهره مصخره وما كانت تعبر عن شي
ياليت خلوها بس تبرعات

**جورجيت** · 2009-01-11, 05:05

المظاهرات اذا كانت تحرك عباد العروش فأهلا وسهلا بها وان كانت فقط تهريج وصراخ وبعدها نوووووووووووووووووووووم هانئ على سرير وثير فسحقا لها ولمقترفي حماقتها ...
المظاهرات وجدت في دول تقدر الشعوب ارائهم واوجدت لدينا للتقليد وللتقليد فقط ...

**ام حمد 2003** · 2009-01-11, 05:09

يمكن مفيدة ليش لا

**noor1234** · 2009-01-16, 11:35

بالعكس أنا من المؤيدين للمظاهرات لأن هذا يمكن أقل شي الشعب يقدر يسويه و هي ردة فعل الناس يعني على الأقل يطلعوا اللي بداخلهم

**pink 7** · 2009-01-16, 12:39

انا مااقووول الا حسبي الله على اليهود ...

او انا اشوووف ان المظاهرات لهااا فايده اذا توضفت صح ..

الموضوع: المظاهرات وحكمها

أدوات الموضوع

عرض

المظاهرات وحكمها

المزيد من آخر المواضيع من نفس القسم:

المواضيع المتشابهه

السحر والكهانة وحكمها وصحتها

حقيقة تفسير الأحلام وحكمها

صلاه الضحى فضلها وحكمها ووقتها

أنواع الإفرازات الخارجة من فرج المرأة وحكمها..مهم

كذبة أول إبريل (نيسان ) حقيقتها وحكمها