مشكلتي مع بنتي ..والله قلبي يعورني عليها وايد

**ام مريوومة** · 2009-01-04, 15:51

السلام عليكم
شحالكم خواتي ؟؟

والله ماعرف اذا هالقسم صحيح اني كتبت فيه مشكلتي ولا لا

المهم خواتي قصتي اني متزوجه من ولد عمي وهو عنده اخوان وخوات بلمين(يعني مايسمعون ولا يرمسون)
الله يعافيهم يارب ويشفيهم

وبنتي الحين صار لها سنه وشهرين

وانا من فترة لاحظت عليها انها ماتسمع

في البدايه قلت اكيد انا اتوهم وخايفه

بس الحين وايد الاحظ عليها واذا زقرتها مول ماتصد ولا تنتبه واعلي على التلفزيون ماتنتبه له

فزاد خوفي بس بعد كنت اقص على عمري واقول لا هي بعدها صغيره

والحين خبرت زوجي وهو قام يلاحظ بعد

وكلما حد يزقرها مول ماتصد او اذا حد فجاه زاعج بصوت عالي تنقز يعني تسمع اصوات عاليه
وماتقول ماما ولا بابا

وتصرخ وايد بصوت عالي بشكل يخليني اموت من الصياح يوم تسوي هالحركه

المهم وديتها المستشفى الايراني قالي الدكتور اذنها ملتهبه وفيها ماي
ولازم تاخذ دوا اسبوعين وبعدين بينعرف لو هي فيها مشاكل في السمع او لا

والله يا بنات مع اني مؤمنه بقضاء الله وقدره

بس وايد خايفه وايد ووايد اصيح في الليل اخاف بنتي تستوي مثل اخوان ريلي
مع العلم ان اخوي ماخذ اختهم وعنده ولد ابلم الحين

سؤالي الحين للحريم اللي عندهم عيال

عادي في هالسن الياهل يطنش لو حد زقره ؟؟او يسوي نفسه مايسمع ؟؟

او يمكن يكون ها كله من الالتهاب ؟؟
يعني حد من الحريم حد من عيالها كان فيه التهاب جي وتحس انه ماكان يسمع؟؟

اتمنى اي وحده تجبر خاطري وترد علي لان عندكم عيال واكيد تعرفون قلب الام كيف يكون

واللي ماعندها اي معلومه ياريت لو تدعي لبنتي ان مايكون فيها شي

لان ماتحمل الين اسبوعين بعد وابا اي كلمه تطمني ..

الله يخليكم ردوا علي ولا تطنشون موضوعي وارفعوا الموضوع بدعوة من القلب
وان شاء الله مايكون فيها شي ويكون كل ها مجرد التهاب بسيط ويخوز كل شي..

ويزاكم الله خير على حسن القراءه

اختكم

المزيد من آخر المواضيع من نفس القسم:

**أم السعدي** · 2009-01-04, 15:58

والله اختي ما عندي خلفيه بس انشاءالله يكون مجرد التهاب ويروح ليش ما تودينها عياده متخصه بالاذن احسن تطمين اكثر انا اعرف قلب الام واحس فيج بس مب بيدج اي شي غير الدعاء لها ان شاءالله تكون بخير وطمنينا عليها وخلي ايمانج بالله قوي

**الملبكه** · 2009-01-04, 16:10

ان شالله مافيها الا العافيه
والله يطمن قلبج على ضناج

اتريي هالاسبوعين وان شالله خير
ادري الانتظار صعب
لكن ان الله مع الصابرين

**ام مريوومة** · 2009-01-04, 16:21

المشاركة الأصلية كتبت بواسطة أم السعدي

والله اختي ما عندي خلفيه بس انشاءالله يكون مجرد التهاب ويروح ليش ما تودينها عياده متخصه بالاذن احسن تطمين اكثر انا اعرف قلب الام واحس فيج بس مب بيدج اي شي غير الدعاء لها ان شاءالله تكون بخير وطمنينا عليها وخلي ايمانج بالله قوي

يارب يكون مجرد التهاب بس

ترى لو وديتها عياده بيقولون لي بعد التهاب ولازم اصبر لين تشفى منه
واخوي كان يعالج ولده في الايراني ودوم كان يمدحهم

بعد لو حد يعرف هني اسامي عيادات متخصصه بالاذن وزينه لهالسوالف ياريت يفيدني باسمائهم

ايماني قوي الحمدلله وادعي كل يوم في صلاتي
بس الدموع تغلبني دوم

مشكورة يالغاليه على ردج والله فرحني مرورج

**موزة سويدان** · 2009-01-04, 16:22

ان شاء الله خير و ربي يشفيها يا رب و الله حاسة فيج بس هاذي مشاكل زواج الاقارب !! ادعيلها فديتج في كل صلاة و ان شاء الله يكون مجرد التهاب و يروح و يطمن قلبج عليها آميييييييييييييييين

و طمنينا عليها حبيبتي

**ام مريوومة** · 2009-01-04, 16:24

المشاركة الأصلية كتبت بواسطة الملبكه

ان شالله مافيها الا العافيه
والله يطمن قلبج على ضناج

اتريي هالاسبوعين وان شالله خير
ادري الانتظار صعب
لكن ان الله مع الصابرين

يارب العالمين مافيها شي

هيه والله الانتظار صعب

احس كل يوم يمر علي بسنه

ابا اطمن عليها والله وايد خايفه
والشيطان يقعد يلعب بمخي واتيني افكار وايلس اصيح

مشكورة ياغاليه

والله دعائج شرح قلبي

**ام مريوومة** · 2009-01-04, 16:29

المشاركة الأصلية كتبت بواسطة موزة سويدان

ان شاء الله خير و ربي يشفيها يا رب و الله حاسة فيج بس هاذي مشاكل زواج الاقارب !! ادعيلها فديتج في كل صلاة و ان شاء الله يكون مجرد التهاب و يروح و يطمن قلبج عليها آميييييييييييييييين

و طمنينا عليها حبيبتي

يارب يكون مجرد التهاب بس

الله يستجيب دعواتكم يارب

قبل الزواج سويت كل الفحوص حتى حق الثلاسيميا وفحوص ثانيه والحمدلله كل شي كان زين

بس لو كان بنتي فيها شي ابا اعرفه الحين عسب يطمن قلبي وماتم جي حبيسه الافكار والاوهام حتى ان هالشي ماثر على اكلي وصحتي وضغطي مرتفع بما اني حامل

بس مشكورة حبيبتي على مرورج وان شاء الله لو تطمنت بطمنكم عليها

وياريت لو وحده ادش وتقول لي هالشي عادي يعني الياهل مايصد هالوقت او مايعرف اسمه؟؟

**حبيبه ريلي** · 2009-01-04, 17:08

المشاركة الأصلية كتبت بواسطة الملبكه

ان شالله مافيها الا العافيه
والله يطمن قلبج على ضناج

اتريي هالاسبوعين وان شالله خير
ادري الانتظار صعب
لكن ان الله مع الصابرين

**زوجه الياسي** · 2009-01-04, 17:35

فديت روحها ان شاء الله مافيها الا العافيه..
وربي يعافي جميع اطفال المسلمين من كل دااء اللهم آمين..

**ام مريوومة** · 2009-01-04, 18:01

حبيبه ريلها مشكورة ياحببتي على ردج ويزاج الله خير

وعسى الله يهنيج ويسعدج ويا عيالج

**ام مريوومة** · 2009-01-04, 18:03

المشاركة الأصلية كتبت بواسطة زوجه الياسي

فديت روحها ان شاء الله مافيها الا العافيه..
وربي يعافي جميع اطفال المسلمين من كل دااء اللهم آمين..

اللهم امين ولج مثل هذا الدعاء واكثر
يزاج الله خير حبيبتي وان شاء الله مافيها شي

لو عندج عيال خبريني متى تحسين عيالج يسمعونج يوم تزقرينهم؟؟اي شهر تقريبا
اتمنى تردين علي
او اي وحده عندها عيال ترد

**ام مهااري 99** · 2009-01-04, 20:47

الله يحفظهااا يارب

وديها مستشفى حكومي احسن يعني مثل مستشفىى الوصل

عشاان تطمني عليهااا وما فيهاا الااا العافيه

**رواني** · 2009-01-04, 23:15

ربي يشفيها وان شا الله ما فيها الا العافية

**ام مريوومة** · 2009-01-04, 23:48

المشاركة الأصلية كتبت بواسطة ام مهااري 99

الله يحفظهااا يارب

وديها مستشفى حكومي احسن يعني مثل مستشفىى الوصل

عشاان تطمني عليهااا وما فيهاا الااا العافيه

امين يارب

ان شاء الله لو ماحصلت رد مقنع من الايراني بوديها هناك
يزاج الله خير اختي والله ماقصرتي

**ام مريوومة** · 2009-01-04, 23:49

رواني مشكورة حبيبتي
واتمنى هالشي بعد

يزاج الله خير على مرورج الكريم

الموضوع: مشكلتي مع بنتي ..والله قلبي يعورني عليها وايد

أدوات الموضوع

عرض

مشكلتي مع بنتي ..والله قلبي يعورني عليها وايد

المزيد من آخر المواضيع من نفس القسم:

المواضيع المتشابهه

قلبي يعورني على شعري ... لدرجة اني صحت والله

ظهري وايد يعورني يوم أوقف وايد ولا أيلس وايد

صديقت طفولتي قلبي يعورني عليها.....

والله قطعت قلبي عليها

قلبي يعورني .. أبا أسافر العمرة .. والله خــــــــــــاطري .. بصييييييح