القرية العالمية؟؟؟؟؟؟

[متجر دان]

هلا بريحة الطيبين

وايد اشوفكم تتكلمون عن القرية العالمية وانا ضايعة من بينكم

ياريت اعرف وش تطلع القرية العالمية ؟؟

وادري فيكم مابتقصرون

تحياتي

البحرينية دان

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هـند]

هاي حبيبتي فعاليه من فعاليات مهرجان دبي

ارض واسعه جدا جدا في ملاهي متحركه و اسواق حلوه مدتها 45 يوم فترة المهرجان

سموها القريه العالميه لانهم مقسمينها لبلدان و كل بلد عباره عن قريه و فيها اسواق تبيع المنتجات اللي تتميز بها هذه الدوله و اشياء مختلفه ..

زورينا السنه القادمه خلال المهرجان و ان شاء الله بتستمتعين فيها ^__^

[قصة]

هلا عزيزتي

بالنسبة للقرية العالمية

أكيد انتي سمعتي عن مهرجان دبي للتسوق
والقرية العالمية حدث يتزامن مع المهرجان
وهي عبارة عن براحة كبيرة تجمع عدة قرى من دول مختلفة من العالم مثل الإمارات، إيطاليا، الهند، تايلند، قطر، البحرين السعودية، اليمن، لبنان، إيران ودول ثانية غير
كل دولة يُقام لها مجسم كبير على شكل أو هيئة معلم من معالم أو شي يميز هذيج البلد
وكل مجسم يعتبر يسمونه قرية ويجمع داخله محلات متعددة تبيع منتجات هذيج البلد مثلا:
القرية البحرنية فيها وايد محلات ومن ضمنها محلات تبيع: المتاي والحلويات البحرينية على اعتبار انها شي مميز في البحرين طبعا إضافة لمحلات ثانية
ومثلا القرية الإيرانية محلات تبيع المكسرات والحلويات الايرانية والزعفران على اعتباره شي مميز عندهم
وعلى هالشكل بالنسبة لكل قرية أو كل بلد

وبعد القرية العالمية تحتوي ألعاب كهربائية ومطاعم عشان تتعشون عقب ما تتعبون من اللف والحواطة ويسون فيها فعاليات تتناسب والمهرجان، مثلا ألعاب نارية ورقصات من كل بلد وجذي يعني

امممممم شو شو بعد؟!!

هيه صح بعد نسيت اخبرج ان على طول القرية بتحصلين كوشكات صغيرة كل كشك يبيع شي مختلف مثل الفواكة المقطعه، شاي كرك، ذرة حلوة، ذرة مشوية وغيره وغيره

يعني هذا باختصار تقريبا عن القرية العالمية وان شالله اتزورينه واتزورينها قبل لا تنتهي مدتها لان الحين هي خلاص على آخرها وإن طافتج لازم تتريين السنة الجاية

ان شالله اكون افدتج

[متجر دان]

وااااااااااااو

شوقتوني لها اذا الله اشاء السنة القادمة بزورهاا وبتشرف بارض الامارات الحبيبة

اختي قصة واختي هند ماقصرتوا يعطيكم العافية نورتوني وعساني ما انحرم منكم

تحياتي

[بيبي كيوت]

البنات ما قصرن وكفن ووفن....

[* جـ.ـوري *]

يالله عرفتي و عيبتج

خلاص ان شاء الله السنه اليايه نترياج

[قصة]

حياج الله عزيزتي
الإمارات داركم