مضايقة

[نور الدنيا 20]

بنات ممكن اتساعدوني, وحدة ساكنة معاي في البيت, هي خالة ريلي, وانا وايد مضايقة منها, اول انا على بالي هي بتسكن مؤقت عندي اليوم قالت حقي, خلاص انا بسكن في بيتج, انا مضايقة, يوم انا قلت حق ريلي, قالي تبيني اعقها في الشارع, خلها تيلس, ونحن نصرف عليها, بمعنى هي تشتغل وراتبها وايد زين, ومول ما تصرف على البيت, ابى ممكن تعطوني ادعية او ايات اقرا في البيت

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شحرووورة]

سؤال اذا هي عندها احد غير ريلج ومسؤول عنها ؟؟؟

ليش ما اتروحله

واذا ما عندها فحاولي انج تستحميلنها وتحصلين الاجر انشالله

[سكر_قطر]

حبيبتي ماوضحتي ليش انتي متضايقه منها
اذا هي كافه خيرها شرها خليها بحالها وماعليج منها
واذا على انكم تصرفون على اكلها وشربها
اعتبريها صدقه لان ماعندها حد واخذي اجرها

تحياتي لج

[عشان الحب]

الله يعينج..

هذي قوية عين ..بس حاولي اتيبينها صوبج
أهم شي رضا ريلج..

والله يساعدج واتحس ع دمها وتظهر من نفسها

[نور الدنيا 20]

ريلي عنده اخوان بس شافتني انا طيبة, وثاني شيء اصلا ريلي كله راتبه في الديون, وانا راتبي ما يساعد, وهي اتعرف انه انا راتبي ما يساعد مفروض اتحس على دمها وتيب اشياء حق البيت, بس ما تيب, وبعد الشغالة تخدمها وما تعطيها شيء

[dena22]

يا حبيبتى خالة ريلج فى حسبة خالج وانتى مسلمه وتحبين اكيد ريلج بعدين خليها ونس لج وصادقيها ويوم بتشوف معاملج طيبه الها حتى هى بزين لج وبعدين احتسبي هذا الامر لوجه الله ناس يحتضنون غرباء او عاجزين كله باجرهالا اذا بيتج اصغير وما يتحمل شوفيلها حد قريب يكلمها احسن لا تحطين نفسج فى الصوره عشان ما يزعل ريلج وتزعل هى والله يفرجها عليج

[راعية_دبي]

خلها اتونسج وسولفي وياها .........واستوي صديقتهااا .........خصوص الناس في ها الزمن متقاطعين ....

[الخفاشه]

شو هي كبيره بالسن والا صغيره ..؟
المهم حاولي انج تكونين صديقه لهاا يمكن الحرمه عندها حد
ومع الايام لو شفتيهااا تسوي مشاكل والا تتدخل في امورج وامور بيتج ساعتها
خبري ريلج او عطيها كاااااااااااش في ويهها انج ماتبينهااا .. الله يعينج

[twinckle]

أنا رايي من راي الاخت راعية دبي.........انتي ليش ما تحبينها؟ شو سوتلج؟ بعدين شو الصرف اللي بتصرفونه عليها؟ الا شوي اكل زياده... الله يهديج

[زوجة القناص]

اذا هيه معاملتها زينه وياج فليش يعني تتضايقين؟؟بس على شان ما تدفع في االبيت شي؟؟

[rozee]

لو خالتج اكيد بترحبيبها ومابتقصرين معاها فاعتبريها بحسبة خالتج ولاتنسين انه انتي وريلج واحد يا اختي

[ينسونه]

يلي مافيه خير حق اهله مافيه خير حق حد اختي هذي امه والمفروض يهتم فيها وحتى لو ماعنده شي امه ربته سهرت الليل عليه تعبت وياها لين ماكبر وزوجته الحين متبونها؟؟؟؟؟؟؟؟ حسبي الله ونعم الوكيل اللله اجيرنا

[في قلبه]

لا اتضايجين ولا اتكدرين في عمرج ...ماعليه اضغطي على نفسج عشان خاطر ريلج ...ماعليه يااختى ... ادري ان الوحده تبا اتحس بالاستقلال والحريه فبيتها ..عديها بمثابة خالتج ...ترا انتى ناقشتى ريلج وسمعتى ردج ..دام ما ادخلت في امورج الخاصة خلاص وكلي امرج لله ...وبخصوص انها ما تدفع شي ..اتريي عليها يمكن ماتعرف ظروفكم ومن اتشوف ظروفكم بتساهم وياكم ...ادري بتقولين اللى ايده في النار مب مثل اللى ايده في الماى...ارد واقولج ماعليه استحملي واصبري ...ربي ايسرها عليج ويفرجها

[3osha]

خالة ريلج بحسبت امه واذا ماعندها مكان تسيره اكسبي فيها اجر وخليها عندج
صادقيهااا وتونسي وياها
واذا ع المصرف عطيها كاش .. قوليلها

وبالتوفيج

[احبه موت]

اكيد بيي يوم بتظهر

صبري عليها واتحمليها