مضايقة

**نور الدنيا 20** · 2008-12-29, 09:26

بنات ممكن اتساعدوني, وحدة ساكنة معاي في البيت, هي خالة ريلي, وانا وايد مضايقة منها, اول انا على بالي هي بتسكن مؤقت عندي اليوم قالت حقي, خلاص انا بسكن في بيتج, انا مضايقة, يوم انا قلت حق ريلي, قالي تبيني اعقها في الشارع, خلها تيلس, ونحن نصرف عليها, بمعنى هي تشتغل وراتبها وايد زين, ومول ما تصرف على البيت, ابى ممكن تعطوني ادعية او ايات اقرا في البيت

المزيد من آخر المواضيع من نفس القسم:

**شحرووورة** · 2008-12-29, 09:37

سؤال اذا هي عندها احد غير ريلج ومسؤول عنها ؟؟؟

ليش ما اتروحله

واذا ما عندها فحاولي انج تستحميلنها وتحصلين الاجر انشالله

**سكر_قطر** · 2008-12-29, 09:38

حبيبتي ماوضحتي ليش انتي متضايقه منها
اذا هي كافه خيرها شرها خليها بحالها وماعليج منها
واذا على انكم تصرفون على اكلها وشربها
اعتبريها صدقه لان ماعندها حد واخذي اجرها

تحياتي لج

**عشان الحب** · 2008-12-29, 09:38

الله يعينج..

هذي قوية عين ..بس حاولي اتيبينها صوبج
أهم شي رضا ريلج..

والله يساعدج واتحس ع دمها وتظهر من نفسها

**miss-bentuae** · 2008-12-31, 02:19

المشاركة الأصلية كتبت بواسطة عشان الحب

الله يعينج..

هذي قوية عين ..بس حاولي اتيبينها صوبج
أهم شي رضا ريلج..

والله يساعدج واتحس ع دمها وتظهر من نفسها

حرام عليج!!!!!!!!!!!!!!!!!!!!!!!!!!!!!

**نور الدنيا 20** · 2008-12-29, 09:41

ريلي عنده اخوان بس شافتني انا طيبة, وثاني شيء اصلا ريلي كله راتبه في الديون, وانا راتبي ما يساعد, وهي اتعرف انه انا راتبي ما يساعد مفروض اتحس على دمها وتيب اشياء حق البيت, بس ما تيب, وبعد الشغالة تخدمها وما تعطيها شيء

**miss-bentuae** · 2008-12-31, 02:24

المشاركة الأصلية كتبت بواسطة نور الدنيا 20

ريلي عنده اخوان بس شافتني انا طيبة, وثاني شيء اصلا ريلي كله راتبه في الديون, وانا راتبي ما يساعد, وهي اتعرف انه انا راتبي ما يساعد مفروض اتحس على دمها وتيب اشياء حق البيت, بس ما تيب, وبعد الشغالة تخدمها وما تعطيها شيء

حبيبتي... وجودها في بيتج ... مب جريمه ..بالعكس اذا انت ما استفدتي من راتبهاا على الاقل تستفدين من وراها اجر من الله انت وريلج..
وهو ملزوم فيها...
واذا انتم فعلا محتاجين مساعده كلميها باسلوب ..راقي وغير جارح ولا اتحسسينها انها ملزومه بالدفع

**dena22** · 2008-12-29, 09:43

يا حبيبتى خالة ريلج فى حسبة خالج وانتى مسلمه وتحبين اكيد ريلج بعدين خليها ونس لج وصادقيها ويوم بتشوف معاملج طيبه الها حتى هى بزين لج وبعدين احتسبي هذا الامر لوجه الله ناس يحتضنون غرباء او عاجزين كله باجرهالا اذا بيتج اصغير وما يتحمل شوفيلها حد قريب يكلمها احسن لا تحطين نفسج فى الصوره عشان ما يزعل ريلج وتزعل هى والله يفرجها عليج

**راعية_دبي** · 2008-12-29, 10:28

خلها اتونسج وسولفي وياها .........واستوي صديقتهااا .........خصوص الناس في ها الزمن متقاطعين ....

**...(مريّة)...** · 2008-12-31, 12:11

عادي يا أختي يمكن هي ما عندها حد
ثاني يشل مسؤوليتها . . إن شاء الله
لج الأجر . .

**$ميثاني$** · 2008-12-31, 13:45

انزين وين عيالها؟
اذا زينه خليها عايشه وياج او اتفاهمي ويا ريلج

**الخفاشه** · 2008-12-29, 11:04

شو هي كبيره بالسن والا صغيره ..؟
المهم حاولي انج تكونين صديقه لهاا يمكن الحرمه عندها حد
ومع الايام لو شفتيهااا تسوي مشاكل والا تتدخل في امورج وامور بيتج ساعتها
خبري ريلج او عطيها كاااااااااااش في ويهها انج ماتبينهااا .. الله يعينج

**twinckle** · 2008-12-29, 11:41

أنا رايي من راي الاخت راعية دبي.........انتي ليش ما تحبينها؟ شو سوتلج؟ بعدين شو الصرف اللي بتصرفونه عليها؟ الا شوي اكل زياده... الله يهديج

**زوجة القناص** · 2008-12-29, 12:00

اذا هيه معاملتها زينه وياج فليش يعني تتضايقين؟؟بس على شان ما تدفع في االبيت شي؟؟

**rozee** · 2008-12-29, 12:07

لو خالتج اكيد بترحبيبها ومابتقصرين معاها فاعتبريها بحسبة خالتج ولاتنسين انه انتي وريلج واحد يا اختي

الموضوع: مضايقة

أدوات الموضوع

عرض

العرض المتطور

مضايقة

المزيد من آخر المواضيع من نفس القسم:

المواضيع المتشابهه

وااايد مضايقة

مضايقة ..

والله مضايقة

ما أعرف ليش مضايقة

مضايقة اايد...