( خلوها تغبر )

[سورينام]

بسم الله الرحمن الرحيم

شحالكن خواتي
انا اول مرة اطرح موضوع لانه جتني فكرة بعد النقاش اللي دار بيني وبين زوجي
طبعا كلنا نعرف عن الأزمه المالية العالمية اللي خسرت الدول الكبيرة شركاتها وبنوكها اللي افلست فرخص كل شي حتى السيارات في امريكيا والدول الاوروبية بس اللي صار انهم يقصون على الدول الخليجية وياخذون فلوسهم مع انه نزلت الاسعار في كل شي فقاموا اغلبية الشباب من دول الخليج بحملة ( خلوها تصدي ) للسيارات الجديدة حتى ينزلون من سعر البيع ونزلت اشوي من اسعارها وهذا كله بفضل تكاتف الشباب ومساندتهم لبعضهم البعض قلت انا ليش ما نسوي نفس هالحركة بس في مجال العبايات لان صارت الوحدة لما تريد تلبس عباية حلوه لازم تدفع نصف راتبها او راتب زوجها وهذا يرجع لان حد عنده ويدفع بلا مكاسر وحد ماعنده يسوي اي شي والسلام واصحاب المحلات مستغلين وضع الحريم واذا كلمتيهم يقولون الخامه غالية والفصوص غالية بس الحين صار كل شي رخيص بسبب رخص اسعار النفط

الحين احنا نبا تكاتف من البنات ونسوي نفس الشباب لين يرخصون العبايات لانها صارت تتخيط باسعار خيالية تبدأ من 1000 -7000 وليش وهي بتنلبس كم مره وبنفرها يعني هالبيزات نستفيد منها ونفيد غيرنا بالصدقات وغيرة يعني نسوي حملة اسمها ( خلوها تغبر )


خلونا نتدبر هذه الايه .....اقرئيها بتمعن...وعيدوها

{إعلموا أنما الحياة الدنيا لعب ولهو وزينة وتفاخر بينكم وتكاثر في الأموال والأولاد كمثل غيث أعجب الكفار نباته ثم يهيج فتراه مصفرا ثم يكون حطاما وفي الآخرة عذاب شديد ومغفرة من الله ورضوان وما الحياة الدنيا إلا متاع الغرور}.

واقرؤا هالحديث...

في الترمذي والدارمي عن أبي برزة السلمي قال: قال رسول الله r: «لا تزول قدم ابن آدم يوم القيامة من بين يدي ربه عز وجل حتى يسأل عن ماله، من أين اكتسبه، وفيم أنفقه»

وشوفوا اهالي غزه والفقراء في افغانستان والهند وغيرها من الدول

صح الواحد يشتري الزين والغالي بس مايبالغ ولا يسرف حتي لو معه فلوس الدنيا كلها ...

لان الله سبحانه وتعالى بيحاسبنا عليها..لو نتفكر بهاالايه و الحديث شوي ونحطهم قدام عيونا كل ما نشتري شي والله تكرهين الدنيا وتحسين انها ما تستاهل ....




وخلووووووووووووووووها تغبـــــــــــــــــــر
وجزاكم الله الف خير

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سورينام]

% سبحان الله %

[حرمه يديده]

جان زين و الله .. امس كنت بقول حق ريلي في خاطري اسوي عباه يديده بس حسيت اني بحصل بوكس على عيني فتراجعت عن قراري خخخخخخخخخ

يلا خلوووووونا نبدا الحمله ..

[سورينام]

لو كلنا نبدا من الحين الحملة ونكون على قلب واحد ما اعتقد الإيرانيين والهنود يقصون علينا هع

[alasi]

.......وياج........خلوها تغبر

[ضحكة الدنيا]

وانا معااااااااااااااااااااااااااااااااكم

[Princesses]

ما أفصـــل غالي

خلوها تغبر لو بألف و سبعه

[دبي1212]

الماركات ليش ما تنزل اسعارها نفس السياااايير >_<

[عذوج]

والله إني كنت ناوية أسوي جذيه قبل ماأشوف موضوعج .. سبحان الله !!

[سورينام]

خلاص نسوي حملة للماركات وبعد هي تغبر يابنات بس لونصبر مثل الشباب 6 شهور مانشتري ماركات ولا نفصل عبي غالية كان الحال اتغير بس احنا همنا نشتري وبس

عمرنا مافكرنا هالقميص ب 150 درهم لو احطهم في صدقة كم طفل بيأكل
ولا عباه بٍألف كم طفل يتيم راح اكفله

خلونا نصبر شفتوا المقاطعه اللي سويناها عالدنمارك وتكاتفنا كلنا ليش ما نتكاتف هالمره ضد هالاشياء ليش برا ارخص وفي الخليج غالي كل العالم تفكر انه كل خليجي عنده في بيته بئر نفط خليهم يغيرون فكرتهم عنا اننا ينقص علينا وحنا خزائن متحركة

وشكرا على مروركم

[سورينام]

اختي عذوج شكرا لمرورج والقلوب عند بعضها

[توق]

.......وياج........خلوها تغبر

[سورينام]

خلوها تغبر

[سورينام]

خلوها تغبر يابنات
خلوها تغبر

[سورينام]

خلـــــــــــــــوها تغبــــــــــــــــــــــــــر