منوه شراتي؟

**أم_رواضي** · 2008-12-27, 09:45

صباح الخير يا كروشات...ويا أمهات...

اشحالكن ربكن الا بخير

حريم بتخبركن عن شي..والله متروعه...

أنا في الاسبوع 14 من حملي..وصار لي ثلاث أيام مانش من الرقاد الا وأنا محصله نفسي راقده على بطني...والله أني أنش وأنا زايغه...والوسواس ذابحني

عندي موعد عقب كمن يوم بس قولولي ها شي مابيأثر..لأنه صدق متروعه على البيبي...

المزيد من آخر المواضيع من نفس القسم:

**cocochanel** · 2008-12-27, 11:19

ما عليكم شرز بس حاولي اتحطين مخدة عدال بطنج يمكن تمنعج انج تنامين على بطنج.أنا اصلا انام على بطني بس من حملت ما رقدت ولا مرة على بطني....

**بهلولة** · 2008-12-27, 11:23

انا في حملي الاول كللللللللللللللللللللللللله جي
كنت اقول البيبي بيظهر وهو مفعوص ههههههه
بس سبحان الخالق اللي وضع هالغشاء حول الجنين والماي بداخله عشا يكون مثل المخده للجنين ويحميه من اي ضرر
ورب العالمين رزقني ببنية سليمة معافاة ما فيها شر
لا تحاتين

**أخت القمـر** · 2008-12-27, 11:50

المشاركة الأصلية كتبت بواسطة cocochanel

ما عليكم شرز بس حاولي اتحطين مخدة عدال بطنج يمكن تمنعج انج تنامين على بطنج.أنا اصلا انام على بطني بس من حملت ما رقدت ولا مرة على بطني....

صح حطي مخده ،،، بيمنعج انج ترقدين على بطنج

الله يحفظكم من الشر يااااااااااااارب

**بنت عرب uae** · 2008-12-27, 11:52

سبحان الله وربي يوفقج ان شاء الله

**أم وديمة26** · 2008-12-27, 12:05

تعرفين انا نفس الشي .. مشكورات يا بنات على النصيحة

**أم_رواضي** · 2008-12-27, 12:22

مشكورات خواتي...ان شاءلله بحط مخده

**شيخه الغيــد** · 2008-12-27, 12:26

انا كنت شي لين اول السادس وبعدين اشتريت مخده الحمل الطويله اللي تحطينها بين ريلج وتحت بطنج وترقدين وريحتني واااااااااااااايد وافتكيت من هل عاده...........

**ظبية*الامارات** · 2008-12-27, 12:29

سبحانك ربي الغشاء يحمى البيبي

**حرمه يديده** · 2008-12-27, 12:33

عيل انا شو اقول في السادس و للحين انام على بطني >_< يوم انش الصبح ظهري و بطني يعوروني وايد .. مرات احط مخده بس المشكله اني وايد اتجلب في النوم ..

الله يعدي هالشهور على خير ..

**روح وليد** · 2008-12-27, 13:30

بنات انا فحملي الاول ومن عرفت اني حامل كله احس بويع فبطني بس خفيف حد عنده فكره ليش هذا الالم؟وبنات متى اقدر اسمع نبض الجنين انا احين تقريبا فلاسبوع السابع

***ام حمد*** · 2008-12-27, 13:34

المشاركة الأصلية كتبت بواسطة روح وليد

بنات انا فحملي الاول ومن عرفت اني حامل كله احس بويع فبطني بس خفيف حد عنده فكره ليش هذا الالم؟وبنات متى اقدر اسمع نبض الجنين انا احين تقريبا فلاسبوع السابع

الغالية نبض الجنين تقدرين تسمعينه بجهاز السونار اي وقت مب شرط يكون فاسبوع معين من اول ما يتكون الجنين تقدرين تسمعين نبضات قلبه

**روح الشامسي** · 2008-12-27, 14:38

أنا شراتج وكل يوم اعاني
انش واحصل عمري راقدة ع بطني

ويعورني وارحمة والله
واحيانا احط مخدة
وانسى سالفتها وانا راقدة
واحيانا ريلي يوعيني بس عشان مارقد ع بطني

الله يستر

الموضوع: منوه شراتي؟

أدوات الموضوع

عرض

منوه شراتي؟

المزيد من آخر المواضيع من نفس القسم:

المواضيع المتشابهه

حد شراتي :(....؟؟؟؟؟؟؟؟؟؟

حد شراتي؟

بناااات منوه تحب هالستايل شراتي..(قاتل الله التعصب خخخ)

اللي توله على منوه أنا يتفضل واللي ماتوله بعد يتفضل>> وأقولكم أنا بدونكم منوه أنا ؟؟

منوه تعاني شراتي عند دكتور الاسنان ؟؟