بغيت النصيحه ...............

[شمسه الشامسي]

بغيت نصيحتكم يا بنات مشكلتي مب مع ام زوجي بالعكس وايد طيبه وياي بس المشكله مع خوات زوجي كيف اتصرف معاهم علشان ما يتدخلون في حياتي............

بغيت رايكم بصراحه

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[إمارات]

مرحبا أختي

لو مش حابة أخوات زوجك أن يدخلوا في تفاصيل حياتك أحسن حل أنك تتعاملي معاهم بطريقة رسمية

[القلـ‗×منى×‗ـلب]

ممممممممممممممم


بغيت اسالج

انتي مرت البجر؟؟

وهل انتي ساكنة معاهم فالبيت؟؟

وهل عمتج تعزج وايد؟؟

ولو صار شي لا سمح الله توقف معاج ضد بناتها؟؟

ومرت ع زواجج من اخوهم مدة اكثر من سنة؟؟

وهل انتي تقربيلهم؟؟

وهل صارحتيهم ب هالشي؟؟

هل صارحتي زوجج ب هالشي؟؟

او عمتج؟؟

الرجاء الاجابة عقب ان شاء الله بفيدج..

[تولان]

مو انتي تقولين ام زوجك طيبه تكلمي معاها وقوليلها انا لو ام زوجي طيبه معاي كان اول وحده اخبرها عن مشاكلي واخواته حقريهم ولا كأنهم موجودين

[ساحرة العيون]

لا تعطينهن ويه وايد وكوني رسمية وياهن عسب ما ياخذون عليج وايد

[Eva]

خلي قلبج كبير لا تظنين سوء بأحدهم و سامحيهم اذا غلطو و تحملي اذا حسيتي بضيق منهم
الصبر مافي غيره ...

[حزينة الامة]

تصبرين وما تناقشينهم في المواضيع بكثرة
وحاولي انك تكسبي تقتهم وربي يسعدك ويبعد عنك المشاكل

[EsSnGbAcYa]

حاولي تحبيهم و تحببيهم فيج
لا تنسين اهله كل شي بالنسبة له ...و انت بعد كل شي ....لا تخليته في موضع حيرة ....و بذكائج حاولي تكسبيهم......خذي رايهم لكن مب شرط تمشين عاى رايهم .......
و كله ابتسمي ....ترى لها مفعول عجيب
الله يوفقج

[فطمطم]

الله يكون في عونج يالغاليه

[شمسه الشامسي]

مشكورات خواتي

[شمسه الشامسي]

اختي عن اسألتج زوجي مب البجر كنت ساكنه عندهم تقريبا 6 سنوات بس احين بيت بروحي عمتي صح طيبه وياي بس اذا صار شي بتكون مع بناتها بس الحمد لله زوجي يوجف معاي يجول مع الحجفي كل شي صارت لي مواقف معاهم بس اصبر علشان زوجي بس فاض الكيل

[القلـ‗×منى×‗ـلب]

شوفي اختي

فيج الخير انج تفكرين بحل ل هالشي

وصلي ركعتين شكر ان ريلج ما في منه

وعمتج عسل

ما عليج الا بالدعاااااااااااااااااء ان الله يصلح الحال

ودامج ف بيت روحج يعني ما عليج من حد انتي ف مملكتج الخاصة وان شاء الله محد يعكر مزاجج

واقولج اختي الدعاء ثم الدعااااااااااااااااااااااااء

ما شي غيره ها هو حل لجميع مشاكلج ان شاء الله

وانصحج تصلين ركعتين وعقب تقرين سورة يس

لان نصحوني فيها يوم اتمنى ان شي يصير وسبحااااااااان الله الله ييسر علي

والله الواحد يحس برااااااااااااحة صدقيني جربي هالشي وان شاء الله ان شااااااااااء الله تحسين بفرق

والسموحة اختي

ادري نتفلسف شوي

وان شاء الله استفدتي..