ريحة المطبخ

**دلوعة أبوظبي** · 2008-12-23, 23:27

السلام عليكم ورحمة الله وبركاته

بنات اختكم ساكنه في شقة

المشكلة عندي احس في ريحة في المطبخ

الشقة بنات دوم انظفها بمنظفات ديتول وغيرة وغيرة

حتى اسوي خلطات عطور واغمس فيها الفوطة وامسح في الشقة

بس في المطبخ حتى لواغسلة بديتول احس خمس دقايق ترد فالريحة مع العلم ان الثلاجة نظيفة والزبالة عزكم الله دوم اعقها بس ماعرف شو السالفة

ماعرف لييييش !!!!!!!!!!!!!!!!!!!!!!!!!!!!
هل ممكن من الجيران ؟؟؟؟؟؟
دوم اشغل الشفاطة

المطبخ عندي في الشقة بعيده عن الحجر يعني ما تنتقل الريحة للغرف الحمد الله بس والله اتضايق ماعرف شو اسوي ؟؟؟؟

لو سمحتو بنات ساعدوني شو اسوي كنت افكر اني اشتري البخاخ المعطر الي ينرش تلقائي كل نص ساعة تقريبا ماعرف شو اسمه بصراحة بس متوفر في الجمعيات
هل حد منكم عنده حل ؟؟؟؟
ماعرف اذا في حد يعاني من هالمشكلة !!
اسمحولي طولت عليكم (((جديدة في ادارة المنزل ))) واتمنى تفيدوني

وشكرا ^_^

المزيد من آخر المواضيع من نفس القسم:

**بسومه الامارات** · 2008-12-24, 00:57

ما اعرف حبيت ارفع موضوعج
السموحه

**دلوعة أبوظبي** · 2008-12-24, 06:02

المشاركة الأصلية كتبت بواسطة بسومه الامارات

ما اعرف حبيت ارفع موضوعج
السموحه

مشكورة فديتج

**نجمة الفجر** · 2008-12-24, 01:32

هيييه ذكرتيني بشقتنا القبليه كانت جي

وطلعت ريحه من بلووعه المطبخ؟؟

ومراات من البنايه نفسها

**دلوعة أبوظبي** · 2008-12-24, 06:01

المشاركة الأصلية كتبت بواسطة نجمة الفجر

هيييه ذكرتيني بشقتنا القبليه كانت جي

وطلعت ريحه من بلووعه المطبخ؟؟

ومراات من البنايه نفسها

البالوعة وانتي بكرامة اختي نظيفه والبناية بعد اختي ماعرف شو الموضوع احترت

مشكورة عالمرور

**saasmo** · 2008-12-24, 07:03

جربي منظف الزجاج تمسحين فيه المطبخ حتى مقابض الحنفيه ودخني بلبان شويه لانه ريحة الطباخ هي الي تعلق بالمطبخ

**دلوعة أبوظبي** · 2008-12-24, 07:14

المشاركة الأصلية كتبت بواسطة saasmo

جربي منظف الزجاج تمسحين فيه المطبخ حتى مقابض الحنفيه ودخني بلبان شويه لانه ريحة الطباخ هي الي تعلق بالمطبخ

ان شاء الله الغالية
ماقصرتي

**سيدة القمر** · 2008-12-26, 23:50

والله انا مع اخواتي وجربي ومابا تندمين اي شي من هذه النصائح

**foma6000** · 2008-12-24, 07:21

والله صدقتي اختي انا عندي نفس المشكلة ما اعرف شو الحل ياريت الخبيرات يدلن بدلوهن
ولهن منا جزيل الشكر

**دلوعة أبوظبي** · 2008-12-24, 14:02

المشاركة الأصلية كتبت بواسطة foma6000

والله صدقتي اختي انا عندي نفس المشكلة ما اعرف شو الحل ياريت الخبيرات يدلن بدلوهن
ولهن منا جزيل الشكر

والله ياختي مع ان الشقة حلوة وكبيرة ومريحة والبناية وايد نظيفة بس هالمطبخ كرهني في الشقة اتريا بس يخلص العقد اقول لريلي ابا اسكن في( بيت )ايجار لو غرفة وحده

بجرب الي قالته الاخت عن منظفات الزجاج لما ارد الشقة لاني الحين عند الاهل ^_^

**جيفنشـــــــي** · 2008-12-24, 20:23

حاولي يا اختي انك تنظفين حتى الاماكن الدقيقة في المطبخ
مثل أطراف الدواليب وتحتها وكل مكان دقيق كنتي تمرين عليه في التنظيف بسرعة

وأفضل حل حاولي انك تستعملين الفواحة الكهربائية في المطبخ .. خليها شغالة على طووووووول

وشوفي بعدها كيف تصير ريحة المطبخ .. روااااقة وحااااالمة ورومانسية

يعني ممكن بعدها تتمنين تجيبين سريرك وتنامين فيه ‘_‘

**Ammany** · 2008-12-26, 23:54

عليج.. باللبان العربي... مب بس بتنظف مطبخج و شقتج.. البنايه و الشقق الي عدالج.. دخني كميه بسيطه الصبح و عقب الطبخ او عقب الغداء و وحده فليل اللبان يعمل نفس عمل الفلتر او الشفاطه..و الله ايعينج .. جربي و خبريني

**Mis.AD** · 2008-12-27, 16:17

المشاركة الأصلية كتبت بواسطة Ammany

عليج.. باللبان العربي... مب بس بتنظف مطبخج و شقتج.. البنايه و الشقق الي عدالج.. دخني كميه بسيطه الصبح و عقب الطبخ او عقب الغداء و وحده فليل اللبان يعمل نفس عمل الفلتر او الشفاطه..و الله ايعينج .. جربي و خبريني

**rozee** · 2008-12-27, 09:46

يمكن الريحه من الميكرويف ومالفرن ع العموم بيتـي لوميه في الميكرويف ولوميتين فالفرن وبجيه بتقلل الريحه

**دلوعة أبوظبي** · 2008-12-30, 07:39

جربت نصيحة الاخت بالنسبة لسائل تنظيف الزجاج الحمد الله احس قلت وبجرب اللبان بعد ^_^ شكرا بنات اسمحولي | ربة بيت جديدة خخخ
اي عندها نصايح ثانية ماا تبخل عليه ^_^

الموضوع: ريحة المطبخ

أدوات الموضوع

عرض

العرض المتطور

ريحة المطبخ

المزيد من آخر المواضيع من نفس القسم:

رد

المواضيع المتشابهه

مسك ..مسك ..مسك ..ريحة نظافه ريحة مسك ...وعود ...اقربو .....

مسك ..مسك ..مسك ..ريحة نظافه ريحة مسك ...وعود ...اقربو .....

تبي ريحة بيتك مميزة ولا تشبه ريحة الناس اقلطي حياك

كيف اتخلص من ريحة كبت المطبخ؟؟؟

كيف اتخلص من ريحة كبتات المطبخ