جيراني سبب همي

[الوفيه]

الله يعيينج الصراحة

ياختي اذا هم مايستحون انتي بعد لا تستحين عطيهم كاش فالويه مايدرون انه البيت له حرمه والناس تنشغل

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[روح بسمة]

غثـــــــــــــــــــــــه

الله يعينج والله مادري كيف مستحمله !
لو كنت مكانج جان كلمت الام وقلتلها
" حبيبتي سامحيني بس عيالج مشاءلله
وايد حركيين وانا ماقدر استحمل لان
بعد مانتوا تطلعون انا اتعب من التنظيف
و ياليت لو تيوني في هالوقت لين هالوقت
لان ريلي يبا يرد البيت ويوم يدري انكم
موجودين يطول شوي برع .. يبا
ياخذ راحته شوي في البيت "

حبيبتي انتي خلي ويهج لوح هالمرة
وماعليج منهم لان لو ماوقفتيهم عند
حدهم صدقيني بيمصخونها

[فلونة]

ههههههههههههههههههه

شر البلية ما يضحك

ضحكتني سالفة البلوتوث

والله ما تخطر ع البال

تدرين شو؟؟

يوم يظهر ريلج ظهري وياه

هو بيروح شغله

وانتي روحي لجيرانج

لا تعطينهم فرصة إنهم ايونج

لأنج بهالطريقة عطيتيهم ويه وايد

كيف تقدرين تتجهزيت وتعدلين عمرج وبيتج لريلج؟؟

سوي لهم طاف

ولو قعدوا غصب

ربع ساعة وقولي لهم أستأذن

بروح عند أهلي

أو أي شي

المهم لا تكذبين عليهم

خلي حد من هلج يخطف عليج ويشلج

أو قولي لهم أريد أرتب الييت

ولو ما يفهمونها بهالأسلوب عامليهم بنفس أسلوبهم

[أم سعيد 15]

الله يعينج

[dm3t dubai]

الله يعينج

[ام زايد##]

مشكورين خواتي على الردود الي تبرد القلب . بس حاولت وايد معاهم لكن لاحياة لمن تنادي ريلي يتصل وهم عندي ويقول انه في الدرب وابدأ انظف البيت من الأشياء الي فرفروها الصغاريه. وهي وعيالها بعدهم يالسين لين ما ريلي يدق الجرس فأبند باب الحجرة وأسير ابطل الباب لريلي وبعدها هي وعيالها يروحون على بالها اقص عليها لما كنت اكلم ريلي في التلفون .المهم ريلي يقول أنا عطيتهم ويه بس شو أسوي والله تعبانة نفسيا منهم .

[راجيه عفو ربي]

اذا هذيلا جيراني من زمان مرتكبه فيهم جريمه ^^

شوفي الغاليه قولي لهم اذا بتين حياج بس بدون حشره عيالج لاني ما استحملهم
وإلا قولي لها زوجي ما يرضى اني ادخل اي حد عندي فالشقه وإلا خلي زوجج يكلم زوجها يقول لها ما احب حد يدخل شقتي وانا مب موجود وخلاص

[انثى بس غير]

لا تفتحين الهم الباب لو الجرس ينقع..

او خلي ريلج يكلمهم..

[dala dubai]

الصراحه طفرررررررررررررررره
عنبووووووووووووو
لو انا بنتحر
الغلا الحين العقار نازل دوروا شقه ثانيه وان شاءالله تحصلوون

[شـ العيون ــوق]

لو تستحين اتكلميهاا

طرشيلهااا مسج وقوليلها لفخاطرج

[umsa3ed]

الله ايعينج ولو انا بدالج ما ضنتي عندي قوه ويه اجابلها بظغط على نفسي واعصابي وبفج حرتي في عيالي

[ظبية*الامارات]

المفرووض هم يستحوون من حشرتهم

يعني مايفكروون ان بعد كل واحد يبا ياخذ راحته

قوليلهم انا ما اقدر اخذ راحتي شوي عندي شغل وايد

عطيهم فالويه والله

الله يعينج

[ام زايد##]

أختي ام سعيد هذا الي صار وصرت اطلع حرتي ببنيتي وبعدها أقول هي شو ذنبها ولما اضغط على عمري . أونه بأتحمل والله ان ضغطي ارتفع في الفترة الاخيرة والحظ الزفت انهم كانوا عندي وشافوا حالتي ورحت عند الطبيب وقال هذا توتر ليش ضغطج مرتفع في مشاكل ويا ريلج ما يدري سبب علتي .الله يشفيني ويشفي كل مريض.

[كيلو غلا]

السلام عليكم يميع

السموحه منكم يا عرب الله بس انا اول مشاركة لي في هالموضوع انقهرت على راعيته

ام زايد تبين شوري تلفونج حطيله رقم سري مالها خص تتعبث في تلفونج اكيد فيه رقم ريلج وهلج


وثاني شي شلي العاب الصغيرونه واقفلي عليهن الحجره وبعد حجرتج هاي خصوصيات بارك الله فيج

يرانج ولا مب يرانج مالهم داعي في مكان غير وين ميلستنهم

مب معقوله مايحسون لو سويتي جذيه....... وبعدين منحرجه منهم ليش؟

حبيبتي ويع ساعه ولا مرض دهر ترا ريلج اذا يدري بسوالفهم وماعاتبج هذا دليل انه يحبج

وان دقو الجرس والصعيرونه قالت منوه لا تفتحين قولي ان ريلج قالج مابا حد يدخل بيتي وانتي ملزومه

تلبين مطلوبه

ولا عاد تمي على هذا سيفوه وهذي خلاجينه لا تسكتين عن حقج لن لو ما اتخذتي قرار صحيح

مابترتاحين

والسموحه على كلامي اذا انه قوي شوي وعاد الشور شورج .

[(ورد الورود)]

والله حاسه فيج الغلا

والله يعينج على ها البلوه

شوفي سوي مثلي انا اخت ريلي ساكنه عدالي واول ماسكنت كانت دايما عندنا هي وبنتها وانا الصراحه كنت اتضايق لاني ابا أخذ راحتي في بيتي وهي عادي اتيني حتى في وقت متأخر ومرات اكون توني راجعه من السوق وتعبانه وماتراعي ها الشي بعد أتيني وهي عارفه اني راجعه من السوق شو سويت قمت أقلل من اتصالاتي ألها لاني كنت اذا اتصل وسولف وياها يعني يوم اعطيها ويه زياده عن اللزوم تلزق فيني لزقه ودوم عندي ومرات اطرش بنتها لصغيره عندنا مع ان نحن ماعندنا يهال علشان تلعب وياهم ومرات اذا عندها اختها اتنط علينا فجأه هي وختها وعيال اختها وماشاءالله اختها عندها اربع عيال ثلاث اولاد وبنت وماشاءالله عليهم مزعجين مايلسون وها الشي كان وايد يزعجني ..فقررت اني ابتعد عنها فتره علشات تحس شوي والحمدالله الحين خفت واااااااااااااااايد حتى بنتها ما قامت اطرشها .. فأنتي لا تعطينهم ويه ولا تردين على مكالماتهم صدقيني بيتأدبون وبيعرفون انج منزعجه منهم. صدقيني ترا في وايد حريم الله يهديهن ماعندهم احساس ولا يراعون ظروف غيرهم للاسف مايستحون على دمهم ولازم يتوقفون عند حدهم.