جيراني سبب همي

[ام زايد##]

خواتي بغيت رايكم في مشكلتي .جيراني طفروني أنا ساكنه في شقه والبناية بس دورين جارتي الي فوقي تحب دوم تنزل عندي في اي وقت وعيالها مب صغار منهم صغار وكبار .المهم لما تنزل عيالها ينتشرون في البيت اللي تدش تلعب بعطوري .والي يضارب وحيدتي ويطفرها ومرات يخليها تصيح .والي تأخذ موبايلي تشوف أونها شو اليديد عندي وهاي البنيه الكبيرة . والي يفتح الثلاجة ويطلعون كل لعب ابنيتي ويفرشونها في الشقه.هذا غير الازعاج طول الليل والنهار أنا كلمتهم أكثر من مرة وكل ما أكلمهم يزيدون الازعاج .ويوم يدقون الجرس اتقولن حالفين ما يهدونه ومن قبل حارقين الجرس .هم يشوفون من الدريشة لما ريلي يطلع على طول ينزلون .وهم على فكرة كل يوم ضاهرين برا البيت بس لو ما يو الظهر ييون الليل او العصر والله تعبانة منهم.قبل ما أربي كنت ما أبطل الباب والحين ابنيتي تقول منو وتفضحني .أما جارتي الثانية تدور علي تعرفون كيف والله ما بتصدقون ؟ بالبلوتوث تشوف لو ظهر لها رقمي يعني بروحي وريلي محد فتطلع عندي. ولوظهر رقم ريلي فهو موجود بعد. من قبل غلقت البلوتوث شو سوت تمت تتصل وتقول وين أنتي .مرات أقول لهم أني راقدة لوقت متأخر حوالي الساعة واحدة الظهر الي فوق تقول لا شمينا ريحة طباخج قبل الاذان .فارد تراني طبخت الصبح ورقدت مرة ثانية.والله تعبت منهم وايد وانا احاول ما احرجهم أواجرحهم المشكله لو عيالهم سوو شئ يضحكون .والله كل يوم ادعي ربي يطلعني من هاي البناية بس وين نروح وسط هالغلاء .على فكرة هم جيراني من سبع سنين بس أذيتهم في السنين الاخيرة زادت .وهم مواطنين مثلي .مب وافدين.شوفوا لي حل دخيلكم .

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سكون دبي]

بصراحه هذيله عطيهم في الويه وقوليلهم اني ما اقدر اتحمل حشرة اليهال

[محروق صبعه]

الله يعينك المثل يقول كلمه تستحي منها بدها يعني لا تستحين كلمي امهم وقولى لها بصراحه انهم يسون ازعاج لما يدخلون الشقه عندك واذا امهم بتمر خل تمر بدون اعيالها واذا تستحين لمحى لها انك متضايقه منهم وياريت يخففون الجيه عندك . اللى يستحي فى هالوقت الناس تبلعه قوي قلبك وقولى اللى فى خاطرك

[شوق الليل]

هلا غناااتى حبيبتى الجيران عوار راس من صدج يحبون يداخلون بكل شى

فى جيران ماشاء اللة عليهم انتى قولي لهم ريلى مايبى حد يدخل البيت ولما ريلج يطلع سكرى الجرس

وسكرى كل شى هم تجى يومين او اكثر عقب بيملو المهم قولى لهم انا مااقدر ادخل حد عندى عسب ريلى مايعصب

وبعدين انتى كيفج تطبخين وتسوى اى شى محد لة دخل فيج لو انتى تستحين منهم خلى اختج او حد يكلمهم زين

موفقة حبيتى

[twinckle]

الله يكون في عونج.... أسأل الله العظيم رب العرش العظيم يرزقكم منزل آخر تنعمون فيه بالراحه

[بنوتة80]

خلي ويهج لووووح لان اللي مثلهم ما اييبهم السنع

قوليلهم ريلي ما يخليني استقبل حد ... قوليلهم مابي حشرة اليهال

طلعي اي حجة مب غصب اتبطلين

لو انا منج حتى لو الياهل تفضحج واتقول منو ؟ ما بفتح الباب ؟

[فساتين عرايس]

عيال انا حليلي بروحي في خليفة أ محد يسأل عني هع هع هع

[الناجحه]

اختي عطيهم بالويه
كل بدوره كل شي ما يعيبج قوليه
والله انتي بدونهم احسن بوايد
كله ولا عوار الراس ويا حشرة اليهال
وانصحج اطنشينهم ككمن يوم واذا سالتج قولي تعبانه وما استحمل الحشرة اشوي وكل مرة طنشي الجرس لو بنتج اترد لا اتبطلي عنهم الباب بالعمد
اذا هي ما استحت انتي لا اتعوري افوادج
جي بيخفون اليية بالتدريج
حشا لو انا ما يلست ساعه

[Hno0odah]

بكل بساطه عطيهم في الويه دامهم ما يستحون
انت بعد لا تستحين .. قوليلهم بيتي لا اطبونه
واذا دقوا الجرس لاتردين طااااااااااااااااااف

صدق من قال اذا لم تستحي ف فعل ما تشاء

[زهر الرمان]

ما تبغين تحرجينهم ولا تجرحينهم وهم مب مسوين أي إعتبار لك !!!!!!!!!!!!!!!!!
هالنوعية من المخلوقات تبغي لها حد يقوقفها عند حدها ويادبها ويربيها
خبري زوجك بكل الموضوع وأطلبي الحل منه ,, ثم اتبعي طرق معينه تكفل لك راحتك
وتوقفهم عند حدهم,, لو كانو جيراني بطنشهم أول مره وبكلمهم ثاني مره
وثالث مره بأدبهم بللي يرضيني.

[الوفيه]

الله يعيينج الصراحة

ياختي اذا هم مايستحون انتي بعد لا تستحين عطيهم كاش فالويه مايدرون انه البيت له حرمه والناس تنشغل

[روح بسمة]

غثـــــــــــــــــــــــه

الله يعينج والله مادري كيف مستحمله !
لو كنت مكانج جان كلمت الام وقلتلها
" حبيبتي سامحيني بس عيالج مشاءلله
وايد حركيين وانا ماقدر استحمل لان
بعد مانتوا تطلعون انا اتعب من التنظيف
و ياليت لو تيوني في هالوقت لين هالوقت
لان ريلي يبا يرد البيت ويوم يدري انكم
موجودين يطول شوي برع .. يبا
ياخذ راحته شوي في البيت "

حبيبتي انتي خلي ويهج لوح هالمرة
وماعليج منهم لان لو ماوقفتيهم عند
حدهم صدقيني بيمصخونها

[فلونة]

ههههههههههههههههههه

شر البلية ما يضحك

ضحكتني سالفة البلوتوث

والله ما تخطر ع البال

تدرين شو؟؟

يوم يظهر ريلج ظهري وياه

هو بيروح شغله

وانتي روحي لجيرانج

لا تعطينهم فرصة إنهم ايونج

لأنج بهالطريقة عطيتيهم ويه وايد

كيف تقدرين تتجهزيت وتعدلين عمرج وبيتج لريلج؟؟

سوي لهم طاف

ولو قعدوا غصب

ربع ساعة وقولي لهم أستأذن

بروح عند أهلي

أو أي شي

المهم لا تكذبين عليهم

خلي حد من هلج يخطف عليج ويشلج

أو قولي لهم أريد أرتب الييت

ولو ما يفهمونها بهالأسلوب عامليهم بنفس أسلوبهم

[أم سعيد 15]

الله يعينج

[dm3t dubai]

الله يعينج