كيف افطم بنتي؟

**uaemooon** · 2008-12-22, 02:34

السلام عليكم ورحمة الله وبركاته

ان شاء الله اليوم بنتي بتكمل سنتين

وهي بعدها تاخذ المرضعة والمصاصة ( اللهاية )
فكيف ابدا معاها
الحليب احسه مو مشكلة اقدر عليها بس المصاصة هي وايد متعلقه فيها
وانا كنت ناوية افطمها منها من زمان
بس لاني رحت الحج وكنت بخليها فقلت اتريا عليها

ومشكلة ثانية
انها ما تحب اوديها الحمام عزكم الله
قبل كانت تستانس وتحب تروح
بس الحين لا والف لا
وحتى يوم اوديها تقعد تلعب بالماي وما تسوي شيء لازم بالبامبرز

فكيف اتصرف معاها وخصوصا انها عنيده بشكل فضيع واستقلالية يعني الي تبيه بتسويه لو شو ما قلت

والسموحة خواتي

المزيد من آخر المواضيع من نفس القسم:

**الضعيفونه** · 2008-12-22, 08:27

ما شا الله حرمه الله يحفظها
اذا على المصاصه حولي تكرهينها فيها حطي فيها فلفل شي جي
وعلى الفطام روحي العمرة اسبوع بالكثير وعطيها المرضعه بتناسه ان شا الله صح يوم بتردين بتذكر بس حولي تنسينه اياها وعطيها المرضعه
انا مب خبره بس اجوف خواتي وحريم خواني هههههههههه
الله يهديهم ويقدركن على تربيت عيالكن
امين"

**uaemooon** · 2008-12-22, 13:47

حبوبة انا الحمد الله فطمتها
بس انا اقصد اني ابيها تهد المرضعة والمصاصة
هي بس تاخذهم وقت النوم
بس احس تعلقها فيهم زايد وانا احاول اخليها تنساهم
يعني بليل تاخذ مرضعتين اوثلاث وما ترضى تنام اذا ما عطيتها
وهم المصاصة
لازم اتنام وهي عندها وتقوم تصيح اذا نشت وما حصلتها

فصدق اذيه علشان جي احاول اتركها اياهم بس مو عارفة كيف ابدا معاها

**أم كاكي** · 2008-12-22, 17:33

المصاصة سهله بس الحمام يباله صبر شوي

المصاصة انتي جززيها فيها وقوليلها اخ انتي كبيره

وقوليلها بشتريلج هديه وخذيلها كاس ويا صلب

وخليها اتعقها في الزباله بروحها واول ما اتعقها صفقيلها والوي عليها وقوليلها انتيي استويتي كبيره

ونفس الشي الحليب حطي البيب في المرضعه وشلي بوزها

والحمام ابدي وياها بالكلام مب شرط اتعقينه

وانتي يوم بتدخلين الحمام خبريها انج سايره الحمام وانتي كبيره واتسيرين الحمام وبتسوي مثلج

وشوي شوي عقيه عنها

والله يحفظها

**uaemooon** · 2008-12-23, 00:51

مشكورة حبيبتي ام كاكي
والله اليوم جربت ويها ارقدها بدون المصاصة
وقلت لها اليوم ارقدي بدونها و وافقت
بس من روديتها ترقد اشوفها جلبت علي وتمت تصيح
ولان عيال اختي عندنا وحرام عليهم مدارس عطيتها

وصدق بسالج
عندي وياها مشكلة ثانية
وهي السبوح قبل كانت ما تحب تسبح
والحمد الله قدرت عليها وخليتها تحبه وتموت على شيء اسمه سبوح
بس الحين من كم شهر جلبت علي مره ثانية
بس اقولها نتسبح
تقعد تصيح وتنخش ما ترضى تدخل الحمام
وبالغصب لين ادخلها الحمام واتم اتحايل عليها بس ما ينفع
لازم بالغصب ادخلها الحوض وحد يمسكها لي واقعد اسبحها بسرعة

كثر ما كرهتي بالسالفه قمت اسبحها مره بالاسبوع خصوصا انه شتا وهي ما تلعب برع وايد
بس انا الي قاهرني قد ما كانت تحب السبوح وما ترضى تطلع من الحمام
انجلبت 180 درجة وبدت تكره وما اطيع تدخل

اسمحيلي حبوبة اذيتج معاي

**البـ غ ـداديه** · 2008-12-23, 01:01

مرحبا اختي

حطيلها صبر
اني من جنت صغيره ضليت لحد عمر 5 سنوات وما تركت اللهايه
بس حطولي بيها صبر يكون مر ويخلي الطفل يكرهه اللهايه بس ما اعرف عندهم هنا لو لا
اكيد عندكم موجود اعتقد شي خاص بالعطارين
عمري هسه 24 سنه و اذكر الموقف لحد هسه خخخخخ

و بخصوص الحمام
تعاليلها بالكلام و خليها تعتمد على عمرها و كولوليها روحي انتي بروحج لانج كبرني انتي بنت
كبيره وانتي خليج تراقبينها يوم تخلص روحيلها
و خبريها كل ما تروح للحمام وحدها تنطيها هديه او تشرتيلها كاكاو لعاب اي شئ
و شوي شوي وياها و تتعلم
من بعيد بدون ما تشوفج

**uaemooon** · 2008-12-23, 22:22

هلا بغدادية
هو يبالها احط لها شيء عليها
لاني اليوم حاولت اكلمها واخليها تعق المصاصة عصبت وبدت تصيح

الله يعني عليها
ومشكورة حبوبة على الفكرة

الحمام احس اشوي بدت تتقبله
بس المشكله انها قعدت نص ساعة وما سوت شيء

**um sheikha** · 2008-12-24, 00:21

بالنسبه للـ لهايه .. الله المستعان

عزيزتي لازم تروحين لجزيره نائيه علشان تخلينها أتصيح على راحتها
أمزح معاج الغاليه

يوم تتخذين قرار التخلص من اللهايه وهذا قرار مصيري جداً لبنتج هب هين وما فيه رجعه !!
لازم تهيئين عمرج على قلة النوم فليل وعلى الصياح إلي لاله أول من تالي
ولازم أتهيئين أبوها علشان ما يضعف يوم تيه وتصيحله .. تعلميني عنهم الريايل
ولازم تهيئين إلي عايشين معاكم في البيت من شياب علشان ما يقعدون يقولون جدامها عطوها اللهايه مايسوى عليها قطعتوا قلبها من الصياح ؟

خلصنا من التهيأه النفسيه لأمها وأبوها ويدودها ...ألحين يا دور أتخاذ القرار الحاسم
أخفاء جميع اللهايات إلي في البيت بشكل نهائي عزيزتي وهذا بعد ما تنام وترك وحده عندها وقبل ماتقوم اليوم الثاني وهو يوم تطبيق القرار بنص ساعه تختفي أخر وحده بشكل نهائي .
وأي ضعف وتراجع عن هالقرار بتعطين بنتج تمسك عليكم زله وهي أنها قدرت عليكم بأنها تضعفكم وتتراجعون عن القرار .
وسبحان الله الطفل قادر على أنه يشوف نقطة ضعف والديه في عيونهم علشان جذيه يقولون لج لاتخلي الطفل يوم أيي يبا شي منك لاتخليه يطالع في عيونك لانه يعرف بنظرة لعيون أنه يقدر عليك أول لا وفي معظم الأحيان يقدرون علينا الله يحفضهم .

بدايه المشوار الغاليه من تصبح الصبح أتفقنا أنشل اللهايات من الليل يوم بتسألج وين اللهايه قوليلها مادري كانت عندج وما دري وين حطيتيها وها لازم أتكلمينها بهدوء وعقي كل الغلط عليها بمعني أنها كانت عندج وسأليها وين حطيتيها ..وأذا تمت أتصيح أمسكيها من أيدها وأونج أتساعدينها على البحث وراء الملهايه الضايعه وأنج تبين أتساعدينها بس ما بليد حيله ...أهنيه أنتي في نظرها البطله إلي تريد أتساعد بنتها وأهنيه أنتي ما عليج لوم من ناحيتها لانها هي إلي مضيعه حبيبتها والمفروض هي إلي تحافظ عليها وأنتي عداج العيب جدام بنتج ...في هالفتره كل ما تصيح أنتي الأم الحنونه إلي بتشل بنتها حبيبتها وبتروح تبحث عن الكنز المفقود ...وفي طريج البحث أنروح أنسوي شي يطلع الحلوه من حزنها على لهايتها مثل ؟؟؟؟؟ أنتي عاد عليج كيف أتفكرين في شي يفري خاطرها المسكينه .
بيمر هذا اليوم عليج ياختيه في صياح وأنتي عاد مهيأه نفسج على هالموضوع على الأقل أسبوع الغاليه لين ما أتعود ...بس هااا تحملي أتراجعين خطوه والله لايضيع كل شي صدقيني وما بتقدرين عليها أستحملي أول يومين وأن شاء الله بعدها بترتاحين .
ولا تنسين أتردين اللوم عليها في ضياعها بس بأسلوب حلو ..يعني لو كانت اللهايه عندي جان ما ضاعت بس أنتي ضيعتي حبيبتي شو أسوي؟؟ وتراني دورت معاج في كل مكان!! أذا أتشوفين مكان مارحناه تعالي بنروح أندور فيه ؟
وبالنسبه لأبوها يوم بيي من الدوام هذاك اليوم تتفقين معاه طبعاً مسبقاً وتقوليله ياباباتي ضيعنا اللهايه
وهو يسأل منو ضيعها أتقوليله أنها هي إلي ضيعتها وهويقول أنزين دورتي ياماماتي أنتي تقولين هيه يرد أبوها ماعليه أنا بعد بدور معاج يمكن ماماتج مش قويه أنا بكون أقوى عنها وبنلقاها وهنيه بيكون بطلها هو إلي بيدور على الكنز المفقود وطبعاً ينتهي المطاف بألقاء اللوم عليها من أبوها بلطافه وبحضن من أبوها ويقولها أن لوخليتيها عند ماماتج يمكن ما ضاعت ..بس ماعليه بندورها معاج .
وهلم جر من هالأسلوب وانكم مساكين مواسينها في فقد اللهايه العزيزه .

بالنسبه للشياب في البيت نفس الشي لازم يواسونها في الفقيده والبحث معاها وإلقاء اللوم عليها بلطافه ها بلطافه ويقولولها لو كانت عند ماماتج جان ما ضاعت !عاد أنتي أوردي مرتفعه أسهمج عندها

هذا قرار هب هين ولو تراجعتوا عن إلي سويته وبعد هالتمثيليه صدقني ما بتصدقكم بعدها نهائياً
تتخذين قرار مافيه رجعه نهائياً ..علشان جذيه قلتلج عن التهيئه النفسيه لكم أولاً
عسى خير بأذن الله عزيزتي

بالنسبه للحمام والسبوح هين وايد عن اللهايه هاي أكبر مصيبه للطفل بدليل أنه الطفل
بتقبل أنه ينفطم من صدر أمه ولا ينفطم من اللهايه.
سامحيني طولت عليج وعسى أكون فدتج في تسائلج الغاليه .

" لا إله إلا أنت سبحانك أني كنت من الظالمين "

**uaemooon** · 2008-12-24, 01:25

تسلمين لي ام شيخة
فديتج كفيتي ووفيتي
بس عاد هالخطة يبالها قعدة طويله وياابوها
ولازم اشرد بعيد عن الشياب
لانهم مستحيل يخلوني اسو يفيها جي
اليوم تصيح تبي اللهاية وما عطيتها قلت لها هذي بس للنوم
وقعدت تصيح وتسوي حشرة ولا ايي ابوي ويهزبني يدامها ويقولها منو نازعج ماما انا بضربها
صدق ارتفع ضغطي احس استقوت علي
وكله من ابوي الله يسامحه

وتسلمين حبيبت يام شيخة
وان شاء الله احاول اسوي الافكار الي عطيتيني

واذا ما نجحت شكلي بنفذ حركة بغدادية وبحط لها شيء في اللهاية تلوع جبدها منها

الموضوع: كيف افطم بنتي؟

أدوات الموضوع

عرض

العرض المتطور

كيف افطم بنتي؟

المزيد من آخر المواضيع من نفس القسم:

المواضيع المتشابهه

كيف افطم بنتي عن المرضعه ؟؟؟؟

كيف افطم بنتي...؟

ابغي افطم بنتي

ابي افطم بنتي كييييييييييييف

...{ ابا افطم بنتي ...كيف ؟} --------------: