~:: للمعلمات فقط ::~

**الحور الغيد** · 2007-02-02, 11:10

~::~

السلام عليكم للأخوات المعلمات ..

شو نوع التحضير اللي تستخدمينه هل هو الجاهز اللي اعتمدته

بعض المناطق التعليمية أم انج تفضلين يكون لج تحضير خاص..

وكيف ترتبين لدفتر التحضير .. أتمنى أشوف آراء المعلمات ..

~::~

المزيد من آخر المواضيع من نفس القسم:

**smile** · 2007-02-03, 17:18

بالنسبة لنا معلمات المهارات الحياتية .. تحضيرنا مقرف وطويييييييييييييل بس من خمس سنوات تقريبا معلمة من دبي يزاها الله ألف خير صممت لنا ورقة وحدة للتحضير وريحتنا من طول الكتابة والله وأحيانا وأنا أسوق السيارة سايره الدوام أكتب التحضير مريح وااااااااااااايد .. والموجهه اتخبلت على التحضير يوم شافته لأنه دايما كانت شكوانا من التحضير وطوله .. وبعدين عمموا علينا والسنة اللي بعدها للأسف موجهتين سرقوا التحضير ونسبوه لنفسهم ووزعوه على معلمات المهارات في الدولة والله حرام عليهم وأنا يوم شفت اسمهم على التحضير انقهرت وااااااااااااااايد ..
بس المهم انها ريحتنا بس للأٍسف أنا ماعندي نسخة لأني اتقاعدت من سنتين ..
بس التحضير كان مريح وفي ورقة وحدة واللي تباه تراسلني على الخاص وأنا بعطيها رقم المعلمة

**الحور الغيد** · 2007-02-03, 17:24

~::~

آها تدرين أنا برغم انهم ألزمونا بتحضير معتمد من المنطقة بس ما عيبني

صح هو يسّر علينا أمور وايدة بس قامن أكثر المعلمات يعتمدن عليه ..

وما قام يطلع شغل المعلمة وابداعها فكان التحضير صورة مطابقة لكل

معلمات المادة بس طبعا الاختلاف في طريقة العرض والشرح ..

عقبها بسنة .. قالولنا مب مشكلة اذا اعتمدتوا عليه ..

ممكن كل وحده تضيف ابداعها أو شغلها .. واستمرينا على هالمنوال ..

الحينه لا ردوا علينا ,, وقالوا كل وحدة تحضيرها الخاص

أصلا أحس بهم روحهم مشتتين مب عارفين ع شو يعتمدون ..

ومن فترة وحدة من اربيعاتي صممت تحضير مختصر مجرد رؤوس

أقلام .. وعمموا ع مدارس راس الخيمة ..

بس أنا ما اعتمدته .. وفضلت إني أصمم لي تحضير خاص ..

وان شالله بشوف راي الموجهة وبعتمده هالفصل بإذن الله

~::~

**البلسم** · 2007-02-03, 18:00

رواج وراج يالحور الغيد
وانا من رايج يا اختي الحور الغيد افضل يكون لي تحضير خاص

**الحور الغيد** · 2007-02-03, 18:07

~::~

انزين ترا انا ما قصدت التحضير الداخلي بما فيه

من تهيئة حافزة وأهداف سلوكية ومحتوى ووسائل وتقويم

اممم أنا بعد اللي قصدته تنسيق دفتر التحضير نفسه

هل وانتو تعتمدون التحضير الخاص بعد يكون الكن تنسيق

معين للدفتر وإلا أي دفتر من هاللي يتواجد في المدارس

والمكتبات ؟؟

~::~

**البلسم** · 2007-02-03, 18:11

الشكل يلعب دور اختي يعني شحلاته يوم يكون لج شي مميز
وبعدين التحضير يكون مب مرتب يعني شي طبيعي تحطينه مرة ثانية في ملف من تنسيقج
تحياتي

**الحور الغيد** · 2007-02-03, 18:16

~::~

هيه انا في سنة من السنوات سويت لي دفتر ووديته لوحده

من هالمطابع وغلفته كان شكله فعلا أنيق يفتح النفس ...

حتى أذكر الموجهة أول ما شافته اتحرته كتاب لأنه تغليف

كان كتغليف كتاب .. طبعا هالشي انا سويته قبل لا يحطون النا

تحضير جاهز .. وحتى عقب ما حطوه .. ما عيبني وفضلت

انه يكون لي شي خاص يميزني ..

والحينه شرات ما قلت لاختي اني مصممة ورقة تحضير

وان شالله بعتمدها هالفصل بإذن الله ..

~::~

**البلسم** · 2007-02-03, 18:35

بالتوفيق ان شالله

**ضي11** · 2007-02-03, 18:52

هلا خواتي ،،،
أنا بصراحة أحضر بروحي وأحطه في ملف خاص ومصممه ورقة عمل خاصة فيني ،،،

**الحور الغيد** · 2007-02-03, 19:31

~::~

لا هو طبعا الوحده فينا أحسن انها تحضر روحها

عسب تعرف خطواتها هي مرتبتنها وأدرى بها ..

وهالشي بييسر عليها سير درسها .. بالتأكيد

خاصة ان التحاضير الجاهزة بالنسبة لنا

نحن كمادة لغة عربية .. كانت تحضير وحدات

مش فروع ..

~::~

**بنت الامارات** · 2007-02-03, 19:55

أول كنت احضر بروووحي واحب انسق الدفتر ,,

بس الحين اعتمد على التحضر الجاهز ..

عندي سيدي وع طول برنت للتحضير ،، وإذا عندي اهداف زياده احطها

**الحور الغيد** · 2007-02-03, 20:27

~::~

حلو .. بس في زحمة التغيير في المناهج .. يعني نحن عندنا

حق اللغة العربية .. السنة غيروا منهج العاشر ..

والسنة الياية بإذن الله الحادي عشر .. واللي عقبها الثاني عشر

~::~

الموضوع: ~:: للمعلمات فقط ::~

أدوات الموضوع

عرض

~:: للمعلمات فقط ::~

المزيد من آخر المواضيع من نفس القسم:

المواضيع المتشابهه

للمعلمات .....

للمعلمات...!!

للمعلمات فقط...

للمعلمات

للمعلمات