**××× المحنية ...... يعلني بلاها **

[عالي مستواها]

السلام عليكم ورحمة الله وبركاته
من يومين كنت ادور محنيه لعروس عندنا ... حتى كنت كاتبه موضوع في ركن العرايس
والبنات ما قصرن كل حد قالي عن حد ...
ودورت في المنتدى سمعتهن يمدحن وحده اسمها ×××××× .... من دبي.. وتي العين .

قلت باتصلبها اشوفها جان فاضية ... وانا قريت قبل عن اسعارها اعتقد تحني في حدود الـ 800 و1000 و1500 .. ما ادري كم المهم يوم كلمتها ... ياليتني ما رمستها بطرانه وحده ..

قلت الها عندنا عرس في العين بالتاريخ الفلاني جانج فاضيه ... جان ترد عليه وترمسني من ورى خشمها ... قالت لي انتي تعرفين اسعاري انا كم .... قلت الها كم ... جان تقولي 2500 ... جان اقولها خييييييييييييبه 2500 ( استغربت ... لانه الحنا لو شو ما كان اشوفه ب1500 وايد )
الكل يتحنى عند محنيات ويعرف سعر السوق كم .....

يخرب بيتها جان ترد عليه وقالت ( انتوا هل العين وابوظبي دايما تقولون وايد ووايد .. وهل دبي عادي يتحنون بهالاسعار واكثر ... وانتوا عادي تدفعون في الفستان ما ادري كم الا هو حق كم ساعه وتدفعون على المكياج وايدبعد والحنا على الاقل يتم اسبوع ومستخسرين عليه ..........الخ.)
والله يابنات انها شويه وبتشرق من كثر ما تحفزت وهي ترمس ... بتاكلني بتاكلني فقدتها


قلت الها لو بعدج بتحنين بذهب ...
والله انها فورت دمي ...استغلال استغلال ما بعده استغلال ما اذكر باقي الحوار ... واستخسرت حتى ارمسها جان اقولها برايج برايج وسكرت عنها

في خاطري هب منج من الي بطرج ... هم يستغلونا ونحن فاجين حلوجنا ونوافقهم على كل شي ...

لو كل وحده منا ابتعدت وقاطعت كل من يرفع الاسعار بدون سبب جان الدولة بخير ...


يالله يفك بلادنا منهم هالحرامية ... الي يستغلونا وحتى احترام ما يحترمونا ...

صدق الي تتحنا بهالسعر عندها صدق ما عندها سالفة ...





اسمحولي هذا كله من الضيجه الي فيني

تم حذف الاسم من قبل الادارة حيث يمنع القذف أو التشهير بأي جهة كانت سواء أفراد أو جهات حكومية أو جهات خاصة أو محلات تجارية

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

[حور العين1]

خيبــــــــــــــه حرام والله اروح اشترلي ذهب بها السعر احسن لي ؟؟
ليش البشر قامو ما يخافون الله شو ها الاستغلال ؟؟
استغفـــــــــــر الله منهم ..

[- الاسطورة 5-]

خيبــــــــــــــه حرام والله اروح اشترلي ذهب بها السعر احسن لي ؟؟
ليش البشر قامو ما يخافون الله شو ها الاستغلال ؟؟
استغفـــــــــــر الله منهم ..

صدقتي اختي اشتري لي ذهب احسن بوايد من حنا يتم اسبوع

شو هالاستقلال والله حرام عليهم

[عاشوتي]

البطرة شينة بس شو نقول مرات نكون محتايين لهم الله يخسهم

[ميااااو]

البطرة شينة بس شو نقول مرات نكون محتايين لهم الله يخسهم

اختي الغالية مب من حاية اللي تخليني أدفع 2500 لحنا جان وشم ما دفعت وبيتم طول العمر بعد حنا تخوز بعد أسبوع عالأقل هال2500 بتبرع فيهن أحسن عن أفرهن على هالاستغلاليات

[مغربية في دبي]

واااااااااااااااااااااااااااااو 1500 و 2500 بس للحنا ؟؟؟؟؟؟؟؟؟؟؟؟؟؟؟؟؟؟؟؟؟

والله في المغرب اكثثثثثثر شي 200 درهم مغربي يعني ما يقارب 100 اماراتي حتى لو كانت عروسة

يعني ليش جي يسوون

الله يهديييييييهم

[غزلان1]

مايخاف ربهن

[حرم الوزير]

شاافت الأسعار ترتفع فقالت ليش ماأرفع أنا ؟؟
بس العتب مب عليها علينا اللي ماأنقول شيء؟؟
...حسبنا الله ونعم الوكيل ...

[الوزيرة]

خيبه تخيبها ... 2500 على حناء ..

يعلني ما تحنيت جان هذي الاسعار

[أم توته11]

لهاي الدرجه وصلو 2500 والله حرام حتى 1500 بعد واايد الله يهديهم

[زوجة علي]

صدقتي اختي استغلال يستغلون المواطن في كل شي يفكرون المواطن يحصل البيزات من الشارع !!!!!! الله يعينا ( خلاص من اليوم كل وحده من البنات تحاول تتعلم تحني مب لازم تستوي محنيه بس حق عمرها ) والله وياكم

[دااار الزين]

عنبوها من هندية خااااااااايسة
قلعيها وخليها تولي ...
شوفوا بنات الدار والله انهن يحنن أحسن من الصوالين بمليون مرة
وبنات العين ....عندكن البريمي قرييييييبة
فيها بنات عمانيات يحنن جناااااااااااااان
والله انهن مب طماعات ولا بخقاقات
وحناهن رخيييييييييييص ( قنوعات مع ان اكثرهن فقيرات )

[بنت.العوضي]

ليش شو مسوية بــ 1500 والا 2000 !!؟؟

فعـــرسي تحنيت كشميري والى المكان الفلاني ويتني البيت بعد ب 850 !!!

ويـــــــن عايشيــــــــــــــن؟؟

[مسك دبي]

هاي اتخبلت !

المعصار ب 5 دراهم؟

وقولي بالكثير بتستخدم 7 معاصير للعروس

يعني 35 درهم

و2465 كله حقها !

فقتها

بقولها وايدين غيرج يلسي في بيتكم

يلقعهن اشوفهن بدن يمصخنها ويركبن ع روسنا !

[بدر0البدور]

لاحول ولاقوه الا بالله