ليـــــــــزر

[مرافئ صمت]

السلام عليكم

شخباركم عرايس!

اممم أنا ابا اسوي ليزر عشان افتك من الشعر ..

بس ابا شي زين يعني وبسعر معقول

في حد فيكن جربته؟ وكم الأسعار ووين المكان؟

دخيلكن اللي جربت لا تبخل علي بلييييز ... لان ماعندي واايد وقت

والسموحة

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

[دلوعه الكل]

ان شاء الله البنات يفيدونج


اب

[[ حبيبته ]]

أنا أسوي عند الدكتورة دينا فبوظبي جان سمعتي عنها ..

وأسعارها على حسب المنطقة الي تبين تسوين فيها ..

مثلا ً انا سويت جلسة وحده للابط وكلفت 400 .. أشوفه سعر حلو بالنسبة للباقي

ومب مهم السعر كثر ما الدكتورة زينة و تعاملها حلو

بالتوفيق ..

[الكاتبة]

انا ما اعرف

بالتوفيق اختي

[DoOdOo1]

اذا انج على ويه زواج يعني مالجه وماباقي عن عرسج شي لاتسوين الحين

ماتدرين شو يستوي .. لان انا سويت وييهي بقع وصارت فيه حبوب

ورحت تعالجت من الحب بس البقع تمت

ونصيحه لاتسوين .. لان ماشي فايده ومتعب .. يعني يبالج ع الاقل 8 جلسات هذا اذا شعرج وااااااااااااااااااااااااايد خفيف .. واذا لا يبالج اكثر يوصلن لـ 12 .. سويت تقريبا بـ 3 مراكز تجميل وكلهم كانوا عندهم شهاده وترخيص باستخدام الليزر .. وركزي ع الشي هذا يوم تروحين تسوي طلبي انج تشوفين شهادتها والترخيص عن تحرق لج ويهج

وفوق هذا يرد يطلع بعد فترة يوم توقفين .. انا عن نفسي ندمت

بس يمكن انت يغير .. بس اذا كنتي على ويه زواج لا تسوين خليه لبعد الزواج اما اذا بعدج بنوته وباقلج وايد بكيفج سوي

[مرافئ صمت]

حبيبته مشكوورة عالمعلومة بس انا في دبي


دودوو ... اممم بعدنا ما حددنا موعد العرس .. فـ ماعرف كم باجي ..

ربيعة اختي سوت وما طلع .. يطلع كل 3 شهووور ويكون خفيف

عشان جيه ابا اسوي ... وابا اعرف تجارب البنات ووين امسوين...

يمكن يعتمد عالبشرة .. او الهرمونات .. لان اللي عندها خلل في الهرمونات .. العلاج ما يفيدها لو اتسويه مليون مرة ..

مشكوورة حبوبة لانج ما طنشتيني وبشوف الباجين

[فن القفطان]

ان شاء الله البنات يفيدونج

[مهايا]

الغاليه انا اسوي في قرية دبي الطبيه عند الدكتور حميد تقدس لاني ما اثق اسوي الا في عيادة امان اذا لاقدر الله طلعت بشرتج حساسه وما تحملت على طول يعالجونها لج خمس دقايق والا بشرج راده طبيعيه..انا فالبدايه سويت ليزر حق الشنب والشعرات السود اللي تطلع فاللحيه والجلسة كانت تكلفني 250 كل شهر وبعدها قمت اسوي ويهي كامل بجهاز يديد عندهم اسمه ميدلايت يشيل الشعر وفي نفس الوقت يصفي البشره والحمدلله وايد مرتاحه منه وبالفعل الشعر بدا يخف والشعرات السود اختفن وويهي صفا من البقع السود اللي كانت تطلع مكان الشعر والجلسه تكون كل شهرين مره بمبلغ 700 وفي جهاز ثاني اسمه سوفت لايت الجلسه ب 500 وطبعاً اول جلسه اتشوفين الدكتور كأستشارة وهو يحدد نوعية العلاج اللي تحتاجه بشرتج ويراويج كل العيوب اللي في بشرتج بكاميرا متصله بتلفزيون وبعدها طبعاً الممرضات هن اللي يسولج والعياده في شارع جميرا بعد هزار

[سلامــــة]

انا اسووي عند كوزمسيرج والحمدالله لين الحيين النتايج مرضيه

وبالتوفيق

[مرافئ صمت]

انا اسووي عند كوزمسيرج والحمدالله لين الحيين النتايج مرضيه

وبالتوفيق

وين هذا كوزمسيرج؟

[أحبك يا دنيتي]

أنا في العنايه التجميليه في راك وبعد النتايج الحمدلله زينه

سويت جلستين يطلع خفيييييييف بس ويتأخر

يعني مقارنه بقبل وايد زيييييييين

[مرافئ صمت]

أنا في العنايه التجميليه في راك وبعد النتايج الحمدلله زينه

سويت جلستين يطلع خفيييييييف بس ويتأخر

يعني مقارنه بقبل وايد زيييييييين

الله يوفقج ... بس راك بعيييدة

بغيت في دبي أو الشارجة

والله يوفقج ^_^

[الطرف الكحيل]

أنا وحده عندي خبره .. في الضوء والليزر ..

انصحكن كللللللللللللكن يابنات تسون ليزر ..

وابتعدن عن الضوء ..


انا الضوء خرب ويهيه ..


المهم ..

انا انصحج انصحج انصحج ...

تسوين عند ((د.رانيا))
عيادة أبن خلدون _ أبوظبي ..


انا على ويه عرس

بس ويهي الحمد الله .. وااااايد احسن من الشعر ..

وعلى فكره .. إذا عندج الهرمونات زينه .. انشالله ما بيطلع لج حبوب وبقع ..

بس لااااااااازم كل ماتطلعين .. اتحطين واقي شمس .. ها\ذا الشي الوحيد اللي لازم تحطينه

وبس ..

واذا تبين اي استفسار أنا حاظره ..

[مرافئ صمت]

أنا وحده عندي خبره .. في الضوء والليزر ..

انصحكن كللللللللللللكن يابنات تسون ليزر ..

وابتعدن عن الضوء ..


انا الضوء خرب ويهيه ..


المهم ..

انا انصحج انصحج انصحج ...

تسوين عند ((د.رانيا))
عيادة أبن خلدون _ أبوظبي ..


انا على ويه عرس

بس ويهي الحمد الله .. وااااايد احسن من الشعر ..

وعلى فكره .. إذا عندج الهرمونات زينه .. انشالله ما بيطلع لج حبوب وبقع ..

بس لااااااااازم كل ماتطلعين .. اتحطين واقي شمس .. ها\ذا الشي الوحيد اللي لازم تحطينه

وبس ..

واذا تبين اي استفسار أنا حاظره ..

مشكوورة حبووبة عالرد


بس انا من دبي وصعب اني اسير بوظبي

والله يوفقج ^_^

ونا عندي خلل في الهرمونات بس آخذ حبوب يعني اتعالج

[حرم معالي الوزير]

قرية دبي الطبيه ..
اسعارهم غاليه ..بس الحمدلله اروح وانا مغمضه عيوني

وايدات اسمعهن يمدحن بعد نادي دبي للسيدات.. اظني.. عندهم عيادة د. سعاد لطفي في النادي و دومهم يسوون باكج لليزر..بأسعار حلوه....