اب حل ضروري لاني تعبت

[غلا مودي]

خواتي انا ولدي الحين عمره ثلاث شهور ونص الله يخليه ان شاء الله بس عندة مشكله وهو انه ما ينام لا بعد الساعه خمس الفجر وانا مشكلتي اني موظفه ووراي نشه الساعه 6 الصبح فما اقدر اسهر وياه والله صعب وتعبت جسديا ونفسيا- عطوني حل كيف اعوده ينام من وقت- واالله يجازيها كل خير دنيا واخرة اللي بتساعدني ان شاء الله

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[rose_dxb]

ان شاء الله الخوات يفييدنج و الله يعيينج

[غلاي ميمو]

إذا كان يرقد فالنهار لا ترقدينه خليه واعي طول النهار و اللي بيتم معاه فالبيت خليهم يقومونه من الصبح عشان يبذل جهد و بيحس بالتعب فالليل و بيرقد إن شاء الله

[ام حمده]

انا كنت اسبح اعيالي بليل فكانوا يرقدون

سوي نفسي يمكن ايفيدج

[غلا مودي]

مشكووورات خواتي بس ولدي ما يرقد النهار يعني يرقد من الصبح لين الظهر وخلاص ما يرقد الا متقطع او اذا كنا طالعين فالسيارة بس -يعني يكون فيه رقاد بس بعد ما يرقد

[UM_HAMOODI]

وحليله صغير لا تسبحينه الحين برودة بس عطيه حليب وبسكوت قبل ما يرقد شبعيه لان الليل طويل الحين ويوعون وفي النهار عطيه شاي بابونج مال ميلوبا عشان اذا فيه غازات يتخلص منها ف النهار وفليل يرقد مرتاح لان الياهل اكيد منزعج من شي يا يوعان ولا غازات 3 شهور وايد صغير وفترة نومه لازم تكون اطول عشان نموه يكتمل

[uae13122]

يمكن أختي عنده مغص سوي له ينسون مرضعه الضحي ومرضعه بعد المغرب ويوم تسبحيه الغرفه ليزم تكون دافيه عشان ما ياخذ برد وفركي بطنه وظهره بزيت الزيتون الأصلي وصدقيني بحس براحه
وأن شاء الله بنام عنج شوي

[عالية الغالية]

والله معانة هالصغارية


اغلب الحلول قالوها لج البنات


بس بزيدج


اذا كنتي بس ترضعينه من الصدر فيمكن مايسده الحليب فعطيه رضعة صناعية تساعده ويشبع منها

وكثري من الاستغفار والدعاء ان الله يهدي وليدج ويرقد


واذكر بعد ان الاطفال بعد لازم تسوين لهم نظام للرقاد يعني من تستوي ساعة 10 خلاص هيئي الغرفة

للنوم وخليه يستعدللنوم , يعني غيري ثيابه ولبسيه لبس مريح وسوي له رضعة يشرب منها

وطفي الليت ولحفيه وخليه يتعود ع هالجو وبيتعود ع ان هذا جو رقاد ووقت رقاد

بس لازم حتى وانتي برع تردين ع حزة رقاده عسب لايخترب نظامه

[الظبيانية]

دهني جسمه قبل النوم .. و دفيه و شبعيه و دخليه في غرفه اضائتها هاديه و حاولي ترقدينه
و شئ ثاني .. أدعي ربج انه الياهل يرقد في الليل
لا تقولين شئ تافه .. والله انا بنتي ما كانت تمسك المرضعه .. و كنت أعاني معاها .. 6 شهور ما خليت شئ ما تمسك ..

مره صليت في الليل وقلت خلني ادعي .. واذكر يوم خبرت ريلي ضحك علي .. تدعين الله انه بنتج تمسك المرضعه .. قلت عادي شو فيها ...

وصدقيني و الله شاهد على طول مسكت المرضعه

الله يعينج الغاليه

[monamohd]

الخوات ما بيقصرن وياج