ياريت الاقي رد

**أم محمد80** · 2008-12-12, 17:05

السلام عليكم..........
حبيت اعرض مشكلتي وياريت الاقي الرد عندكم ان شاء الله.........
انا متزوجة من عشر سنين ... وبعد خمس شهور تقريبا حملت والحمد لله يبت بنت وبعدها بسنة ونص يبت البنت الثانية وبعدها بدت مشكلتي لاني عقب الحمل الثاني بسنة واربع شهور حملت وبعد اربع شهور مات الجنين بدون سبب معلوم .... سوولي غسيل وبعد ثلاث شهور حملت وصارلي نفس الشي
وبعد غسيل .... بعدين قالولي لازم تتوسمين انتي وبنتج الصغيره وسرنا عند وحدة في الرفاعة في رأس الخيمة اسمها حصة ووسمتنا والحمد لله حملت وكنت اخذ اسبرين اطفال وفولك اسيد ويبت ولد الحمد لله عنده الحين ثلاث سنين .... حملت عقبه مرتين مرة في بنت واسقطت ومرة توأم ونفس الشي وهاي السالفة من حوالي سبع شهور والحين انا حامل في شهر وقالولي ان الدكتورة عفاف حلمي اللي في دبي وايد زينة ............
مادري انتو شو رايكم ؟؟؟؟ تعرفون دكتورة شاطرة تعرف لحالتي في دبي او الشارقة ؟؟؟ ياريت تردون عليي ولا تطنشوني وجزاكم الله خير ................

المزيد من آخر المواضيع من نفس القسم:

**أم سـلطان** · 2008-12-12, 17:15

ربي يثبت حملج ويسهل عليج ..

وان شاء الله البناات اللي عندهن اي معلومااات بيفيدنج ..

وبحفظ الرحمن...

^^

AMAL** · 2008-12-12, 17:20

الله يسر عليج

**عطر البنفسج** · 2008-12-12, 17:38

انزين يالغالية ما خبروج الدكاترة شو المشكلة بالضبط او سببها

انا اعرف ربيعتي تمت سنتين وهي تعق ليش ان الرحم عندها نازل ولازم اول ثلاث شهور ترقد بالسرير ماتتحرك لمكان

مع ابر التثبيت والراحه حملت ويابت بنت

واختها ماكان تحمل لأن عندها أكياس بالقنوات تعيق اخصاب البويضة

على حسب لازم تعرفين السبب عشان ماتتعبين في الحل والعلاج

**قصايد الهاملي** · 2008-12-12, 18:23

لازم تعرفين شو السبب انج تجهضين

احيانا يكون السبب ان الجنين يكون في شيء ف يصير اجهاض للحرمه احيانا الرحم يكون يكون نازل يعني اختي في وايد اسباب اختي

السموحه والله يثبت حملج

**أشواق333** · 2008-12-12, 18:28

--------------------------------------------------------------------------------

ربي يثبت حملج ويسهل عليج ..

وان شاء الله البناات اللي عندهن اي معلومااات بيفيدنج ..

وبحفظ الرحمن...

**تاجره ف كل شي** · 2008-12-12, 18:30

الله يثبت حملج ان شاء الله
والله يحفظج من كل عين
وان شاء الله البنات يفيدنج

**أم محمد80** · 2008-12-12, 22:41

يوم عقيت اول مرة سويت وايد تحاليل انا وزوجي وما طلع فيهم شي حتى تحليل الكروموسومات سوولي وبعد مافي شي بس قالولي يمكن الكروموسومات مال الجنين فيها شي بس في كل مرة كنت احمل وادش الشهر الرابع يوقف النبض ..............
ادعولي الله يثبت حملي ويكمله على خير ....................

**أم محمد80** · 2008-12-13, 16:46

مارديتوا عليي بالنسبة لاحسن دكتورة في دبي او الشارقة ؟؟؟؟؟؟؟؟؟؟؟؟؟

**Om SoSo** · 2008-12-12, 19:23

الله يثبت حملج ان شاء الله

**ام عمرووني** · 2008-12-12, 19:52

الله يثبت حملج انشالله...

**أنا مسلمه** · 2008-12-13, 17:28

وعليكم السلام ورحمة الله وبركاته

الدكتوره كاميليا شااطره في الشارجه ..

كانت عنا في بووظبي وزحمه ماشاء الله عليها ..

**أم محمد80** · 2008-12-13, 17:57

شو اسم العيادة مالها

**ام ميثاني..** · 2008-12-13, 18:23

حبيبتي سيري مستشفى الوصل انا اعرف حاله مثل حالج وعالجوهااا

**زوجه الياسي** · 2008-12-13, 18:31

يالله يامجيب دعوه المضطر اذا دعاك يالله يارحمن يارحيم برحمتك استغيث ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان
ويالله يارب العالمين ترزق كل محرومه بالحمل السليم عاجل غير آجل
آمين يارب العالمين...

الموضوع: ياريت الاقي رد

أدوات الموضوع

عرض

العرض المتطور

ياريت الاقي رد

المزيد من آخر المواضيع من نفس القسم:

المواضيع المتشابهه

طفلي والعاده السيه ياريت الاقي حل عندكن غالياتي

وين الاقي تيل ؟

هذي تجاربي من تزوجت .. ياريت الاقي اللي تفيدني بالحمل

... موضووع عن بنات اليوم ... ياريت الاقي رد من البنات بعد ^_^