مشكلتي فخذي

**باتشن** · 2008-12-10, 18:43

السلام عليكم ورحمة الله و بركاته
بدش بالموضوع على طول انا حامل في الشهر السابع تقريبا ولازم اسوي رياضة مثل مشي خفيف ربع ساعة او ثلث ساعة علشان مايزيد السكري بس من فترة و انا مب قادرة صار وركي (فخذي) يعورني بصراحة خاصة اذا رقدت على الجنب اللي يعورني اقوم الصبح اعري ما اقدر امشي مع انه وزني مناسب و اقل بشوي عن المناسب يعني مب ثقل جنين و الحمدالله مافي شي دزني و من هذا القبيل وبصراحة بحملي الأول ما استوالي جذي مع انه كان وزني وااااااااااااايد زايد بس وحده قالتلي انه حمل البنات جي يسوي وانتو شورايكم

المزيد من آخر المواضيع من نفس القسم:

**Om SoSo** · 2008-12-10, 18:52

انا عن تجربتي في حملي مرتين بالبنات وااااااايد كنت خفيفه واتحرك وايد وما اثقل الا شوي وفي التاسع...بس في حملي هذا قالولي ولد ومن الشهر السابع انا تعبانه وما اتحرك بأمر من الدكتوره..ومثل ما قلتي يوم ارقد او يوم اقعد وانش ما اروم امشي احس بشد في عضلة الورك واتم اعري شوي..

**باتشن** · 2008-12-10, 19:17

فديتج انا كنت حامل بولد قبل سنتين ماصارلي شي بس هاي شكلها بنية

**@ريماني@** · 2008-12-10, 21:04

انا حامل بولد الحين ووواااايد تعبانه على بنتي ما كنت جيه الحمد لله كل شي تمام بس هالحمل وايد امتعبني ريولي كلها تعورني ومرات ظهري وانا بعد نفسج على بنتي وزني وايد كان زايد وكنت عاديه والحين وزني عادي بس حالتي حاله

**BinKhadim** · 2008-12-10, 21:28

كثري من شرب الماي ... انا دكتورتي قالت لي وانا حامل وكنت اعاني من شد في عضلات ريلي ان نقص الماي في الجسم يسبب الشد ...

**أشواق333** · 2008-12-10, 22:36

ماعندى فكرة ..
بس مرات تجينى مثل حالتك ..
للرفع..

**باتشن** · 2008-12-13, 00:16

مشكورين حبايبي عالردود انا سرت للدكتورة اليوم وفحصت فخذي و قالتلي احتمال يكون عندي نقص بالكالسيوم و عطتني حبوب كالسيوم وبجرب انشاء الله يروح هالألم بصراحة انا وايد تعبانه بهالحمل

**عشقـ بدويـ** · 2008-12-13, 00:26

عآدي حبيبتي آلام طبيعيه ..

شوو تقولين عني .. والله مآروم أرقد من ويع ريوولي .. الم فضيييييع .. يستويلي شرآت الشد العضلي

**to_ty_2005** · 2008-12-13, 17:24

حبيبتي انا صار لي جي بالضبط مع اني عمري ماحملت ووالله كنت احس جنه شي يقرصني وشد قوي في فخوذي وسويت كل الفحوصات ومافي شي وتركت الموضوع لاني تعبت ومرت شهور والحمدالله بروح سار الشد يمكن كان عندي نقص بشي وانا ماعرف بس انا قمت اهتم بالي زين قمت اشرب حليب وااايد ولبن واجبان وخضراوات وفواكه يعني اكل مفيد وانشالله انج اتجريب كل هذا الاكل ويروح عنج الشد

الموضوع: مشكلتي فخذي

أدوات الموضوع

عرض

العرض المتطور

مشكلتي فخذي

المزيد من آخر المواضيع من نفس القسم:

المواضيع المتشابهه

مشكلتي مب من حياتي الزوجيه مشكلتي باللي ساكنه معاي بالبيت

مشكلتي :( :(

شامبو الحصان ..طررررر, شعري وصل لين فخذي