الحمد الله ربيت .. 4/12

**فراشة دبي** · 2008-12-07, 01:16

الحمدالله ربيت في 4/12 الساعه 9 و 26 =)))

واايد واايد تعبت في هاي الولاده مع انها الثانيه ..

نشيت الساعه 1 و فيه ويع .. فلت بتجاهل و برقد.. تميت أرقد و انش أرقد و أنش..

الساعه 3 حسيت اني أبا أنش أمشي ,, طبعا عقب ماحسبت الويعات انهن كل 5 دقايق ..

سرت صوب امي الساعه 4 ,, أمي قووومي بربي .. نشت سوتلي زعتر..شربت ليين لاعت جبدي .
قالتلي انتي شكلج بتربين انسير المستشفى .. ااااه من امي .. ماااطاعت .. انسير يعني انسير .. و عقب من الويع قلت برااايه انسييرر ..

سرت . و يالفشله خف الويع فالسياره .. هذا الكلام الساعه 6 .. دخلت و فحصوني ..ولا سانتي !!! ولا نص .. أصلا ما اتطال الراس .. اتقول بعيييد..

يالفشله .. خخخخ والله احباااط..

ردينا البيت .. و انا وايد كنت أتألم .. بصراحه كنت أطلق أطلق .. والنفس مسكره موول .. تمينا على هالحال لييييييين العصر .. كل 5 أو 7 دقايق ويعه ..

المغرب ردت امي تقوولي ألحيييييييييييييين انسييييييييير ... ألحييييييين

و انا أصيييح ابا قيصريه .. لنه ما نزل لي دم ولا ماي ولاشي .. ويييييييييع مووت ..
قتلها امي .. شو الفايده .. بنسير بتقول نفس الشي ..
انا احس بعمري .. هي و ريلي تعاونوا ضدي .. اوكي انسير .
دخلت و فحصتني الدكتوره .. قالت ... نفس الشي .. معقووول انا أطلق أكثر من 12 ساعه !!؟؟
شو هالاحبااااااااااااااااط .. ياربي شو أسوي ؟؟؟
قالتلي هالمره ما بنهدج .. يلسي فالقسم تحت ..وبنراقب وضعج ..
نزلنا .. حطولي النخطيط مال البيبي .. و انسدحت .. و انا أصيييح و ضااايجه .. امي تحاول اسولف عليه .. ومن تقول كلمه ..و انا فيه ويعه .. قتلها قيصرييييييييييييييييه!!! اااااه قوليييييييلهم !!تقولي امي اسكتي فضحتييييينا =(( انتي الفجر ان شاء الله بتكونين ربيتي و افتكيتي .. لا تقولين جي ..
و انا أقولها اشوووووووووووووه الفجر ...؟؟؟؟؟؟ أقووووولج قيصريه !!! ألحييين ماروووووووووووم !!
اتهز راسها !! =(

قتلها امي دخيييييييييلج الويع يزييييد .. ابا ابرة ظهر!!!!!!!!!!!!! اباااااا !!!!
جان تي النيرس ..تلبس القفاز و عينها ع الجهاز و جي 0.0
يله بفحصج !! قتلها نعم؟؟ جي وين نحن؟
حاولت تهديني .. و هي تير اللحاف و عينها ع ويعاتي ... قالت انزين سمعي ..بييب لج الاوكسجين و انا بفحص .. عيبتني الفكره !!!!!!!! قتلها زين
شفطت كمن شفطه .. وفيمان الله ....
أسمعها اتقول لأمي 5 سانتي .. !!
وانا أصارخ يوم أحس بالويع ..... مااااااااااااا ارووم اتيود ..
و اشوي أقولهم ااااااه الماااااااااي !! المااااي ... واحاول اصيغ الجمله .. موب قاادره ..
يت اتطالع جان اتم اتصاارخ .. ودووها الولاده !! بسرعه !!!! و انا احس اني ابا اسوي بووووووش !! وبسرعه ايدزون الشبريه .. وانا اصاارخ و كلحد يطالعني .. لأنه غربلاتهم الأنجليزيات مايقولن أقققققققققققققق ..

والحمدالله من ودوني فووق .. ما ابطيت .. ماقدروا يبدلولي شبريه ..حاطه ريولي ع خاصرة النيرس ..و أرفس ..!!
أقولها Please pull him OUT ..
اتقول
NO!! i can see his hair ..Push Push
والحمدالله .. دقايق و ظهر !! عقب ماظهرت روووووووووووووحي .. يابوا امي اتقص السر ....خخخخ

ولكن سبحن الله .. من اتشوفين ويه البيبي .. اتحسين انج ملكتي الدنيا و ماافيها .. والحمدالله هااانت و ربيييييييييييت و افتكييييت !!
وعقبااااااااال اللي ماربن ..

المزيد من آخر المواضيع من نفس القسم:

**ELMooz** · 2008-12-07, 01:30

الحمد لله على سلامتج
ومبروك عليج البيبي
ويتربى في عزج
بس ماقلتيلنا شو يبتي؟

**فراشة دبي** · 2008-12-07, 01:34

الله يبارك ف حيااتج
يبت ولد

**بنت الاسياد** · 2008-12-07, 01:34

الف مبروك يتربى ف عزكم

**غاية الضوء** · 2008-12-19, 02:40

المشاركة الأصلية كتبت بواسطة بنت الاسياد

الف مبروك يتربى ف عزكم

**أم شمـه** · 2008-12-07, 01:34

مبروووووووووووووووك ويتربى فعزج يارب

لازم كل العذاب ماشي ولاده بالسهاله

بس الحمد لله ع كل حال

بس ليش امج قصت السر؟؟؟

**mshmoom** · 2008-12-07, 01:45

حمدالله ع سلااااااااااااااااااااامتج غنااااتي وألف ألف مباااااااااااااااااارك عليج مايااج..
يتربى في عزج وعز ابوه والله يجعله من الذرية الصالحة يااارب

**حرمه يديده** · 2008-12-07, 16:02

المشاركة الأصلية كتبت بواسطة mshmoom

حمدالله ع سلااااااااااااااااااااامتج غنااااتي وألف ألف مباااااااااااااااااارك عليج مايااج..
يتربى في عزج وعز ابوه والله يجعله من الذرية الصالحة يااارب

**امارات العز** · 2008-12-07, 01:54

تستحقين السلامة وجعله ان شالله من الاولاد الصالحين ويتربى في عزكم وعقبالي ادعولي احمل هالشهر

**nourlglb** · 2008-12-07, 15:02

تستاهلين السلامة الغالية

ويتربى فعزكم وعقبال ما تشوفينه معرس ان شاء الله

**ريـــــــم** · 2008-12-08, 01:23

ما شاء الله

مبروك ما ياكم والله يجعله من الذرية الصالحة يا ربي

صدقتي والله .. الوحدة مهما عانت فحملها وولادتها أول ما تشوف كتكوتها تنسى كلللللل شي والله

سبحانك يا رب ..

الحمدلله على سلامتكم إختي والله يحفظه لج إن شاء الله

**الجريحه_555** · 2010-05-20, 13:17

الحمد لله على السلامة...
وجعله إن شاء لله من الاولاد الصالحين..
ويتربى في عزكم...
وعقبالي ادعولي احمل هالشهر بإذن الله ..

**Noora 2009** · 2008-12-07, 04:11

مبروووووووووووك يتربى في عزكم ان شاء الله

وعقبالي وعقبال كل الحوامل ان شاء الله..

**فطمطم** · 2010-05-13, 02:32

المشاركة الأصلية كتبت بواسطة Noora 2009

مبروووووووووووك يتربى في عزكم ان شاء الله

وعقبالي وعقبال كل الحوامل ان شاء الله..

**..>روح غاليها<..** · 2008-12-07, 04:32

الحمدلله ع السلامه
بس وين ربيتي في اي مستشفى؟؟؟

الموضوع: الحمد الله ربيت .. 4/12

أدوات الموضوع

عرض

العرض المتطور

الحمد الله ربيت .. 4/12

المزيد من آخر المواضيع من نفس القسم:

المواضيع المتشابهه

ربيت الحمد الله ******* بس عندي سؤال للمجربات

الحمد الله ربيت اخيرا....

الحمد الله ربيت.........

الحمد الله ربيت بالسلامه

باركولي ربيت الحمد الله