شو شفت اليوم....

**زعابية غاوية** · 2008-12-04, 21:19

السلام عليكم ورحمة الله وبركاته...

خواتي شحالكم؟
عساكم بخير وصحة؟
خواتي بخبركم أنا توني راده من السوق ياربي وين وصلوا بنات لبلاد ولا أنا ماتوقع أنه يكونون بنات بلادنا..
الهم كنت فأحدى المراكز التجاريه ومرو علينا شلة بنات هيئتهم 14-17 فهالعمر تقريبا،
عباياتهم ضيييييييييييييييجه ياربي وين يبون طاحت وقاية وحده وقالت ياربي شعري من زود ماهو ناعم الشيلة ماتثبت((((لا والله أونها عاد))

عقبها دخلت محل عبي عسب أخذ عباتي وكانت هناك عائلة كويتية يفصلون عبي ويحاولون يفهمون الخياط شو يبون جان يقولها بحط لج مثل الخيط عسب تصكينه قالت له لاااااا نحن مانلبس عبي ضيجه شراتكم نحن نلبس عبي واسعه ماتشوفني وسحبت عباتها عسب يشوف وسعها....
هني طاح ويهي من الفشله شو هالفكرة إللي ماخذينها عنا أنا الحمدالله عباتي واااااسعه..

عقب
طلعنا نزل ريلي الشيشه طلعو شلة بنات...مابقول شو مسوين بعمارهم..
بس من ركب ريلي السيارة جان أقوله((في حفلة فالشيشه وأنا مادري))

ياربي شو صاير بالدنيا.....

المزيد من آخر المواضيع من نفس القسم:

**ام عبيد33** · 2008-12-04, 21:30

ماشفتي الي في القريه العالميه يور بلي قياس وكلهن في هذا العمر .......
ولا بعد مع الامهاتهم بس ماقول الا الله يهديهن مع امهاتهم ..........

**AwEtA** · 2008-12-04, 21:35

بس غناتيه هب كل وحده لبست العباه والشيله مواطنه.......... لا والله انيه شفت مره وحده عباليه بنت البلاد لكن هب قايله من ا جنسيه عن الحساسيات لكن استغربت لا بعد عاويه بوزها ترمس شراتنا ..... والحين حبوبه ع قولتهن يواكبن الموضه وخصه تسريحه راس اليحه ع قولة يدتيه وربيه يهدي الجميع......

**الطنيجيه** · 2008-12-04, 21:36

الله المستعان

**توتاا الحلوة** · 2008-12-04, 21:40

المشاركة الأصلية كتبت بواسطة AwEtA

بس غناتيه هب كل وحده لبست العباه والشيله مواطنه.......... لا والله انيه شفت مره وحده عباليه بنت البلاد لكن هب قايله من ا جنسيه عن الحساسيات لكن استغربت لا بعد عاويه بوزها ترمس شراتنا ..... والحين حبوبه ع قولتهن يواكبن الموضه وخصه تسريحه راس اليحه ع قولة يدتيه وربيه يهدي الجميع......

الغالية لا اتحايزين عن المواطنات ترا المنكر مايطلع الا منهم كل ما قالوا شي عن بنات البلاد قلتو مب كل مالبست وحدة عباه وشيلة مواطنة يعني المواطنة ماتسوي العيبة

**كفاني جرحك** · 2008-12-04, 21:40

الله يهديهن ...

**al-sa7ra** · 2008-12-04, 21:41

.,.الله يعيينااا على هالأشكااال .,.

**متلثمه بشعري** · 2008-12-04, 21:47

بخبرج حبوبه ترى في كل مكان في الزين والشين مو بس بناات البلاد

أنا حاليا براا الدوله ورحت السوق وشفت بناااات من الامارات

وما شاء الله عليهن أخلاق وحشمه بمعنى الكلمه مع ان لبسهن

كان شوي ملفت لانه غريب على الدوله .......بس معى ذاالك محتشماات

وقبله بيومين رااح ريلي السوق ورد جان يقولي ما شاء الله على بناات بلادنا

قلت له شو في؟؟قالت شفت اليوم بنااات في الامارات وأهلهن وفيهن الحشمه

مع أن زوجي كان يذم البنااات الي عندنا في البلاد من الي يسونه....................

وفي الاخير الناس أجنــــــــــــــــــــــــــــــــــــــــاس

**شوق _ زايد** · 2008-12-04, 21:49

الله يهديهم

**maha99** · 2008-12-04, 21:51

الله يهديهن

**حور العين1** · 2008-12-04, 21:56

الله المستعان

**زعابية غاوية** · 2008-12-04, 21:57

المشاركة الأصلية كتبت بواسطة متلثمه بشعري

بخبرج حبوبه ترى في كل مكان في الزين والشين مو بس بناات البلاد

أنا حاليا براا الدوله ورحت السوق وشفت بناااات من الامارات

وما شاء الله عليهن أخلاق وحشمه بمعنى الكلمه مع ان لبسهن

كان شوي ملفت لانه غريب على الدوله .......بس معى ذاالك محتشماات

وقبله بيومين رااح ريلي السوق ورد جان يقولي ما شاء الله على بناات بلادنا

قلت له شو في؟؟قالت شفت اليوم بنااات في الامارات وأهلهن وفيهن الحشمه

مع أن زوجي كان يذم البنااات الي عندنا في البلاد من الي يسونه....................

وفي الاخير الناس أجنــــــــــــــــــــــــــــــــــــــــاس

صح أصابع الإيد مب سوا في الزين زفي الشي والله أنا أستانس يوم أشوف وحده ساتره ومب مترصصه ولا تارسه الويه ميكب..

**زعابية غاوية** · 2008-12-04, 22:00

صح نسيت بعد موقف مريت أشتري لولدي لبس جان أخطف على محل جواتي كانت وحده تجرب جوتي بوت رافعه العباة لين الركب ويييييييييييييييييييييين تبين الله المستعان بس..

**خزامة** · 2008-12-04, 22:21

الله يحفظنا ويسلمنا

منو علّم المواطنات ها الحركات غير الوافدات !!!! الله يرحم أيام زمااااااااااان وكيف كانوا المواطنات وكيف كانت الحشمة!!!

**###** · 2008-12-04, 22:24

الله يرحمنا برحمته

الله يهدي جميع المسلمين

الموضوع: شو شفت اليوم....

أدوات الموضوع

عرض

شو شفت اليوم....

المزيد من آخر المواضيع من نفس القسم:

المواضيع المتشابهه

أبا حناايه في خاطري أتحنى اليوم اليوم اليوم

قال: أشوفك اليوم غير! قلت:طبعا كشختي اليوم مغربية قال: و قول الجمال و البها جاي منين

عاااااااااااااجل عااااااااااااجل عاااااااااااجل أبا حل اليوم اليوم اليوم

بنات ساعدوني اليوم اليوم اليوم

خواتي عندي سؤال بخصوص منع الحمل و أبا الجواب اليوم اليوم اليوم