حملتي.....ضد الفراق

[أدري بـ شري]

السلام عليكم...خواتي..أنا من فترة نزلت موضوعي إلي كان عنوانه (بتطلق! ) ...و بصراحة كانت نفسيتي تعبانه..لولا إن الحمدلله حسيت إن في حد وياي هو إنتوا...أشكركم كم قلبي...
هذا كان موضوعي http://forum.uaewomen.net/showthread.php?t=361258

و حبيت أخبركم بالتطورات..الحمدلله الحاال أحسن عن قبل...و بقول لكم كيف وصلت للحل..

هذاك اليوم يا ريلي البيت..و كان يرمس من غير نفس..بس أهون عن كل يوم، المهم....قال أنا موب مستانس...قلت له: ليش حبيبي..و من هالكلام..و تاج راسي إلخ إلخ..مع إن أسلوبه ما كان حلو بس أنا كنت أرد بالزين، المهم..(هو كتوم)...قال لي جملة وحدة : أنا حاس إني أبا أكون حر...من كل شي..


هني أنا حسيت عمري وايد غبية..و كيف ما يات عا بالي هالسالفه!! ريلي يوم سافر، كان مسافر ويا أعز صديق عنده ، و هذا الريال توه مطلق من فترة، و كل حد كان يرمس عنه إنه الحين عايش حياته طول بعرض..
و أكيد تم يوسوس له ‘ و يقول والله أنا الحين مرتاح...لا مسؤوليات و لا شي، و عايش عا كيفي و ماحد عا راسي...و ريلي يوم شافه مستانس تمنى إنه يرد حق الحرية..و ما يبا مسؤوليات...

المهم...غيرت معاملتي وياه ...و هذا إلي سويته:

- قبل كنت دايما أقول له مالي غيرك و إنت سندي و من هالكلام...الحين غيرت، و صار كلامي كله يدل إني أنا إلي أبا أهتم فيه ، موب هو يهتم فيني...لا...ليش؟ لني مابا أحسسه إني مسؤولية بالنسبة له ، بالعكس..أباه يحس إني أنا المسؤولة عنه...

- ما أسأله ليش تأخرت ، ولا ويا منو كنت؟ و لا ليش ما قلت لي قبل إنك طالع ....بالعكس..يوم يرد أقول له..ها حبيبي إستانست ؟ و أخليه هو يعلق و يقول الكلام إلي يباه...

- أمسات قبل ما يطلع لحفلة في الدوام (طبعا مختلطة) مثلت عليه عالخفيف و قلت له ..لا تحلق..أغار عليك..خلك جي...و قال لي أنا بعد أغار عليج ، (إستانست) المهم كنت أبا أطلع ‘ قلت له إنت ما بتحلق و أنا ما بحط لو نقطة ميك أب (حركة بايخه أدري خخخخ بس عيبته وايد !! )


- الفترة الأخيرة وايد قللت طلعاتي ، خصوصا ويا خواتي ، لنهم يوزوني عليه ، و دايما يقولون لي قاص عليج و ليش ما يخليج تتأخرين برع، و بيت أبوي المفروض ما يسميه مكان يعني عادي تتأخرين...و هو ما يعيبه هالشي و فعلا كنت أطنش...الحينه معظم وقتي في البيت

- الحينه ..مستحيل أقول له مثلا إختي قالت عنك و هالأشيا ، و بعد ما أقول حق خواتي عن مواقفي وياه ..كل شي بيني و بين نفسه ، هو صح الحمل أثقل و الوحده تحس بالراحه يوم ترمس و تقول ، بس يوم أفكر في تبعات إلي ممكن يصير لو إشتكيت له هو ، أو إشتكيت لخواتي..أسكت


أدري إني طولت ، و مشكلتي ما إنحلت إمية بالإمية، لنه بعده متغير...لكن إن شاءالله مع الأيام يرد....مثل أول.. يا رب..

و تفهمت شي....إن في ناس موب متطلقين ‘ لكنهم مفترقين ، و إنه هو عشان ما يجرحني ..و أنا أعرف كيف يفكر ، يمكن ما يطلق لكن نفترق......أنا فهمت شي أول مرة أستوعبه... إني مابا الفراق...موب..مابا الطلاق...و الفرق كبير..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سارونه85]

الحمد لله على كل حال ..

و انتي لا تفكرين ابدا لا بالفراق و لا بالطلاق ..

لأن الفراق يسبب نوع من برود العلاقة الزوجية ..

و برود في المشاعر ..

ابدي معاه خطوة بخطوة ..

و ان شاء الله كل شي بيرجع مثل ما كان قبل و احلى ..

الله يديم المحبة و الوفا بينكم .

و الله يسعدكم دوم يا رب ..

[little lulu]

ما شالله عليج الصراحة و انا عيبني هالشي الي قلتيه وايد

الحينه ..مستحيل أقول له مثلا إختي قالت عنك و هالأشيا ، و بعد ما أقول حق خواتي عن مواقفي وياه ..كل شي بيني و بين نفسه ، هو صح الحمل أثقل و الوحده تحس بالراحه يوم ترمس و تقول ، بس يوم أفكر في تبعات إلي ممكن يصير لو إشتكيت له هو ، أو إشتكيت لخواتي..أسكت


انا كنت جيه اسوي و من ودرت هالحركة واااايد ارتحت صح اني ابتعدت واااااااااايد هن اهلي لكن كسبت ريلي .

و انشالله تنحل كل مشاكلكم و صدق الغالية الربع وايد ايأثرون على الريال

[الصهبا]

عفياااااا عليج والله يوفقج دوووووم وييسر امرج 8____8

[um 7mo0o0d]

حبيبتي بتتعبيـــــــــــــن وايد ويا هالنوعيه من الرياييل ربي يعينج

بس صح لا تفكرين فالطلاق

[حزن قلبي]

ليش ما تفضفضين لين ريلج بدال خواتج، انا يوم اكون متضايقة اسير لريلي و اشتكيله منه، و اقول له انا متضايقة من ريلي ووووو، و يتم يضحك و يخفف علي الموضوع.
جربي هالحركة يمكن هو بعد يفتح قلبه لج و تعرفين له شوي

[نجمة الفجر]

الله يسعدج حبوبه

[محد شرااتي]

الله ييسر لج أمورج يارب ^_^

[محبة 86]

الله يسعدج

ومرات تكون اشياء بسيطة اللي تخلي الريال يستانس ع حرمته اهتمي فيه

و بالعكس حسسيه ان الزواج حلو و ان يقدر ياخ> حريته بس بشرط بدون ما يجرح زوجته


الله يوفقج

[بنوته كفالي]

الحينه ..مستحيل أقول له مثلا إختي قالت عنك و هالأشيا ، و بعد ما أقول حق خواتي عن مواقفي وياه ..كل شي بيني و بين نفسه ، هو صح الحمل أثقل و الوحده تحس بالراحه يوم ترمس و تقول ، بس يوم أفكر في تبعات إلي ممكن يصير لو إشتكيت له هو ، أو إشتكيت لخواتي..أسكت

هذا احسن شي تسوينه .. الغاليه دايما ادعي انه الله يهديه و كل ما تلقينه معصب او ياي بيفر رمسه او شي

تمي في داخلج استغفري و استغفري و استغفري ..

الريل مثل الياهل يحب حد يهتم فيه مب هو يهتم في حد يعني مثل ما قلتي حسسيه انج انتي المسؤوله عنه

دلعيه و اهتمي فيه و اتبعي الطريقه الي هو يحبها و يباها .. ها شريك حياتج ( حافظي عليه )

خواتج باجر بيعرسن او بيلتهن مع ازواجهن و انتي بتتلتهين

نصيحه من القلب للقلب

** كل اللي بينج و بينه خليه بينكم ** لان من اصعب الاشيا و الشي الي يكره الريال في حرمته انها تطلع اسرار بيته برع .. احذري من هالنقطه


و الله يهديج و يهدي زوجج ان شاءالله و الله يرده طبيعي و الله لا يفرق من بينكم ان شاءالله لا بالطلاق و لا غيره .. تمي دوم ادعي او صلي القيام ..

كبري عقلج الغاليه تمي دوم فكري بنتايج الاشيا الي بتسوينها قبل ماتسوينها و تندمين

فكري عقب شو بيستوي



( الـعــــــــنـــــــاد ) ما منه فايده .. ف ابتعدي عنه .. حاولي ترضينه في كل شي .. عشان يلقى راحته عندج .. عشان كل مايحس بضيج او شي ما يلجأ الا ل رب العالمين و لج .. اكسبيه

و الله لا يغير عليكم ان شاءالله و لا يفرقكم




ء