كيف نذوب الجليد

**soul1** · 2008-12-04, 02:18

ان شاء الله اخذ واحد رومانسي هههه داشه عرض

والله يعين يا الغاليه وان شاء الله يفيدنج البنات

المزيد من آخر المواضيع من نفس القسم:

**السيدة الحلوه** · 2008-12-04, 02:45

صدق والله اعرف وحده بهذا الكلام كله وفي مجموعة من الحريم ججججججججججج

بس شو الحل او شو تسوي الحرمة علشان تكسر الحاجز اللي بينها وبين ريلها وتخليه رومنسي وااايد

اتمنى اللي عنده حل او حركة تشارك معانا

**نااعمه** · 2008-12-04, 03:39

اختي هالريايل الي جذي لهم عقليه غبيه اظن للحين العلم ما حصل لهم حل ونحن نقولهم الصبر مفتاح الفرج التهو بدينكم بيفيدكم اكثر من هالريايل الي مخلين حصاه مكان قلوبهم

**Qayedi** · 2008-12-04, 07:45

هذي أول مشاركه لي في المنتدى .. بس حبيت أشارك في هذا الموضع لانه عيبني مع اني مشتركه من 2007 بس مش من النوع اللي يعلق على المواضيع ...

بس هذا الموضوع عيبني .. لاني أحس شريحه كبيره من النساء في المجتمع يعانن من هالمشكله ..

انا ويا الاخت نااعمة ما عليج إلا التقرب من الله أكثر و الدعاء ..

و ما يمنع الحرمه اتم تحاول مع ريلها ..

أعرف وحده من ربيعاتي ريلها من النوع الجامد و اللي ما يهتم ل هالاشيا ... و يحليلها تمت تجاهد تغيره و تغير تفكيره .. ما اقولكم بسرعه تغير .. لكن تمت وياه اكثر من سنتين تحاول تغير طبعه و الحمدالله الحين تقولي وايد متغير و للاحسن ..

و ما عليج أختي غير الدعاء .. و الصلاه و سوره البقره ... و محاولاتج الطيبه وياه

و ربي يسخر كل زوج لزوجته ..و يهدينا و يهدي الجميع

**little lulu** · 2008-12-04, 11:23

وايد رياييل بس يتذكرون الحريم بس حزة الرقاد , و اذا الحرمة قالت لا يقوم الدنيا و ما يقعدها

يعني واجب على الريال يطلع حرمته و يفرحها يعني في رياييل يجوفون هالشي مب ضروري و دلع

**Miss CuTe** · 2008-12-04, 12:11

المشاركة الأصلية كتبت بواسطة soul1

ان شاء الله اخذ واحد رومانسي هههه داشه عرض

والله يعين يا الغاليه وان شاء الله يفيدنج البنات

same same ^_^

**زوجة القناص** · 2008-12-04, 13:54

مووووووووووضوعج وايد حلو وزين انج طرحتيه..يعني لمتى المتزوجه تتعذب بسبب ريلها؟؟طبعا هوه ولا يحس فيها وانا اقول بعض الرياييل لانه فيه رياييل زوجته وعياله اهم شي عنده بالدنيا...
انا اشوف الحرمه الي مب مقصره مع ريلها تحاول تهمله شوي واطنشه وتقلل الكلام معاه ويوم يكون هوه معاها بنفس المكان تروح عنه فاذا سالها او اهتم بتغير تصرفاتها فاعتقد انها تقدر تغيره بس لو ما اهتم فما اعتقد تقدر

**أحب الزين** · 2008-12-04, 13:57

أنا عندي أختين وحده ريلها ما شاء الله وايد فنان دوم يظهرون كل مكان من بوظبي لين الفجيرة ويحوطون حواطة وريلها مايحب الروتين ودايما يسافرون هو مرتب أموره هو بعد يحب جو العايلة وعياله والأهل وأخوانه كلهم جي ماشاء الله عليهم ، وأختي الثانيه مسكينه فعلا ريلها ما يحب الحواطة وحياته كلها في العزبة وي البوش حتي عياله الاورلاد يموتون على المزرعة وهي تعاني ما تظهر مول إلا من بيتنا لبيتهم وطلعتها لسوق شوية بصراحة الله يعينها تغمضني ونحن يوم تكون عدنا نطلعها تتحوط شويه بس شو إسوي ريلها صعب وهم مزوجين الحين من 9 سنين وصراحة أنا أشوف الحرمة تحاول وتحاول تغير طبع ريلها والحياه الزوجية يبالها صبر وتعود الأثنينه على طبع بعض بس الله يرزقني ريال زين يحب الطلعة ويعيش حياته آميييييييين

**زلال2008** · 2008-12-04, 14:18

اااااااااااااااااااااااااااااااااااااااااااه ييتي ع العوووق >>وونت الغلامه

بصرااحه موووضوع واايد حلوو ومفيد ... المشكله انه في حريم يلجأن

للاخر عسب كلمه حلوووه ... والنتيجه خرااب بيوت

والله عندي واايد رمسه ابا اكتبهااا بس مابخلص اذا بديت

بالمختصر رياايلنا لاقين الرومانسيه والدلع برع مايبوونه منا

ليش مااعرف تلقااه يدلع حبيبته دلع وهدااياا واللي تبااه

ولو تغلط فيه بعده يبااهاا ويركضورااهاااا اما الحرمه

ماخذنهاا للعيااال بس ...

**خوخه 22** · 2008-12-04, 15:31

أنا أعاني من البرووود بيني وبين زوجي من فترة ... هوينام تحت عند عياله وأنا فوق... حتى الكلام صار قليل .. وقبل كنت أتريا ردته من بره وأنوم اليهال وألبس أحلى لبس وأتعطر... بس من فترة ما أدري شو صار من صوبي ومن صوبه.... يجي تعبان ويحط راسه وينام ............... والحين هو ساير الحج ... وناويه أول ما يرجع أغير في كل شئ ... شكلي وستايلي وأسويله هديه حلوة وأغير في غرفه النوم ........... إدعوووووولي بالتوفيق والسعاده........ يارب

على فكرة أنا معرسه من 8سنين بسسسسسسسسس....

**ريحه المسك** · 2008-12-04, 15:54

ما اعرف شو اقول بس الحياه تلهي الريال والحرمه

وتصير شي مسؤليات اكبر من احبك وتحبني

اليهال والشغل والواجبات الاسريه والاجتماعيه

كلها تصير اولويات حتي الحرمه تنسي عمرهاوتذكر الحياه الاساسيه والمسؤليات اللي لو قصرت فيهن

الكل بيحاسبها وهي اول وحده بتحاسب عمرها

شي رومنسيه بس راقده شويه وكل ريال وحرمه لازم يسعولها

عشان الحياه تستمر واهم شي الاحترام والموده

**ام وعووودي** · 2008-12-04, 18:53

الله يعين كل وحده ريالها جذي انا بعد اختي ريلها من النعوع الي كل شي عنده عادي واختي الثانيه ريالها بعد كل شي عادي
بس بأساليبهن قدرن يغيرنهم للاحسن
وكل حرمه واسلوبها

**خوخه 22** · 2008-12-04, 19:24

المشاركة الأصلية كتبت بواسطة ريحه المسك

ما اعرف شو اقول بس الحياه تلهي الريال والحرمه

وتصير شي مسؤليات اكبر من احبك وتحبني

اليهال والشغل والواجبات الاسريه والاجتماعيه

كلها تصير اولويات حتي الحرمه تنسي عمرهاوتذكر الحياه الاساسيه والمسؤليات اللي لو قصرت فيهن

الكل بيحاسبها وهي اول وحده بتحاسب عمرها

شي رومنسيه بس راقده شويه وكل ريال وحرمه لازم يسعولها

عشان الحياه تستمر واهم شي الاحترام والموده

صدقتي والله .............

**alreem44** · 2008-12-04, 21:21

المشاركة الأصلية كتبت بواسطة نااعمه

اختي هالريايل الي جذي لهم عقليه غبيه اظن للحين العلم ما حصل لهم حل ونحن نقولهم الصبر مفتاح الفرج التهو بدينكم بيفيدكم اكثر من هالريايل الي مخلين حصاه مكان قلوبهم

احلا رد وربي ههههههههههههه عجيبه يا ناعمه

**خوخه 22** · 2008-12-05, 15:42

خلاص أنا بتريا ريلي لين يرجع بالسلامه من الحج وبسوي له كل الافكار اللي محضرتها له وبخبركم هل فادت وياه ولا.................. إنشالله تفيد يارب..........

الموضوع: كيف نذوب الجليد

أدوات الموضوع

عرض

المزيد من آخر المواضيع من نفس القسم:

المواضيع المتشابهه

ظهرت قمة جبل الجليد

°• صور أمواج على الجليد ،، غريبة •° !