المرض والحمل

**دبي** · 2008-12-03, 18:36

السلام عليكم ورحمة الله وبركاته

منو مثلي أنا تعبانه من الزكام وألم اللوز والاذن تحملت كم يوم والحين والله وايد تعبانه مب قادره أتحمل وقمت آخذ بندول ، يريحني شوي

لحد الحين ماراجعت خايفه يوصفولي على مضاد حيوي ويضر الجنين

منو مثلي تعاني وشو سويتوا وكيف تعالجتوا

خبروني الله يخليكم ترى الصبر خلص والمرض باقي

ودعواتكم

المزيد من آخر المواضيع من نفس القسم:

**كيفي حلوة** · 2008-12-03, 18:54

انا مرضت يوم كنت في الشهر السابع وماخذيت الا بندول لاني لو رحت العيادة ما بيعطوني شئ لاني حامل بس عليج بالشوربه والشاي مع اليمون انا وايد فادني بصراحه .

والله يشفيج يارب

**فصل الشتاء** · 2008-12-03, 19:00

عادي حبوبة..
خذي أدول الحبوب بس لا تكثرين لانه ما يضر بالبيبي

**nightwaft** · 2008-12-03, 20:08

انا كنت و مزكمة و بلاعيم و حمى و حالتي لله.... سرت العياادة الدكتورة قالت ممنوووووووووع مضاد حيوي.. عطتني فيتامين سي فوار و .. و بخاخ طبيعي ماء البحر للانف المسدود.. و مطهر للغرغرة فقط... و قالتلي عند اللزوم بس اخذ بندول ازرق حبة وحده بس لا غير...

و الحمد لله يمكن 5 ايام و راح عني الزكام و البلاعيم... و الوالده فديتها ما قصرت بالشوربة الماجي و شوربه الخضار من إيدينها و يوميا كانت تسويها لي واشربها و هي داافيه و جدا ساعدتني...

الله يشافيج و يعافيج حبيبتي و ما تشوفين شر

**غلا بن شامس** · 2008-12-03, 20:31

فديتج لا تاخذين البندول
للزجام خذي بخاخ الماي والملح من الصيدليه ينفع للحوامل وااايد اوك
أنا كنت أعاني من الزجام وما نفعني غيره
والبلاعيم..خذي حبوب المص وايد بتنفعج
ربي يعينج ويثبت حملج

**غرم** · 2008-12-03, 20:34

انا احيد امي طووووووووووول فترة الحمل هي جي ... بس ماعرف شو كانت تسوي .. الله يكون في عون الجميع ان شاءالله

**moon_99** · 2008-12-03, 20:35

اشربي شاى النعناع و هو دافي بيفيدش و عليش بالشوربات و السوائل الدافية و العصير الفرش..اذا ترومي بندي المكيف و خلش بالجو الطبيعي لانه الجو بارد الحين..
الله يشفيش و يسهل علينا و عليش

**أنا مسلمه** · 2008-12-03, 23:23

وعليكم السلام ورحمة الله وبركاته

ربيعتي صار لها نفسج وهي بالتاسع .. سارت الكورنيش رقدووه ..

سيري مستشفى نسائي الي بتربين فيه

هم اعلم بحالتج

لان ماشاء الله رربيعتي تمت تحت المراقبه عسبت الحمى والمرض وماشاء الله

صاارت احسن الحسن واليوم طلعت

ربي يشاافيج ويعاافيج بس اختي في مضاد الي لونه ابيض يكون مخصوص للحامل مب شرط

كل مضاد مب زين ^.^

**ميرة الامارات** · 2008-12-04, 01:08

هلا اختي

نصيحتي لج تراجعين المستشفى خاصة انه فيج بلاعيم وطبعا بيسوولج تحليل دم وبيخبرونج اذا تحتاجين مضاد او لا... بعض الاحيان يصل الالتهاب للدم ويكون خطر على الجنين..ولهذا السبب يوصف للحامل مضاد مخصص في فتره الحمل وما يأثر على الجنين..

وماتشوفين شر ان شاء الله

**عطر البنفسج** · 2008-12-04, 03:47

انا مثلج كنت في السابع وعطوني مضاد حيوي عادي الحين تاخذين لأنج عديتي الست شهور

وممكن تاخذين مضادات بس اللي يوصفونها الدكاترة الحوامل

لأن الدكتور عام مابيعطيج شي

وبعدين انتي لأزم تاخذين شي لأن هالفترة مب زين لج التعب الزايد

اذكر كانت فيني كحة في الثامن متعبتني وايد قالولي اذا ماتعالجتي يمكن تربين قبل وقتج

**فديت عيونه** · 2008-12-04, 09:18

انا فيني زجام وبلاعيم ورحت العياده وعطوني مضاد وبندول وشراب بالاعشاب للكحه وقطور للخشم وقطور للاذن ...

بس انا شربت الشراب واستخدمت القطورات .. ولا خاز عني .. والكحه زاااااااادت وايد عليه وراجعت مره ثانيه وغيرت ليه دواء الكحه .. وحمدلله وايد ريحني ... بس اانا من قبل امبونه الزجام يعبني وايد ويبطي فيه ...

والحمدلله على كل حال ...

ربي يعافينا ويعافيج ويعافي جميع المرضى...

الموضوع: المرض والحمل

أدوات الموضوع

عرض

العرض المتطور

المرض والحمل

المزيد من آخر المواضيع من نفس القسم:

المواضيع المتشابهه

انا و هو حاملين المرض

حد منكن سمع بها المرض؟!

المرض و المدارس....

قصتي مع هذا المرض

بعد معاناتي من المرض قررت أسافر..ولكن شو هو المرض؟