المصخرة!!!!!!!!!!

**نوس العروس** · 2008-12-03, 22:02

الله يهديكم
ليتني ما طرحت الموضوع
البنات قامن يلاعنن بعض

**UM-REEM** · 2008-12-04, 00:48

المشاركة الأصلية كتبت بواسطة :.غرور.:

هو إلا يوم واحد في السنة

ليش ما تبون الناس يفرحون به؟

في الأفراح والكوارث تسقط الأحكام

يوم واحد في السنه صح
بس الواحد مايتمنكر فيه
وشو هالرمسه اليديدة بعد
أونه في الأفراح تسقط الأحكام!!
حتى حكم رب العالمين بتسقطينه!!!
اتقوا ربكم حرااام عليكم

**حرمه يديده** · 2008-12-04, 01:13

المشاركة الأصلية كتبت بواسطة صوت السكون

انا اشوف ان المسيرات مب مكان البنات صح كلنا نحب وطنا بس الأختلاط و الرقص و المصخرة عمرها ما كانت من مظاهر حب الوطن ...أنا اشوف هذيلا الشباب يبون يقزرون وقت يستانسون

**سفن اب** · 2008-12-04, 14:08

المشاركة الأصلية كتبت بواسطة الحب انت

المحترمة محترمه غصبا عن الكل.....صدقت ما سرت المسيرة بس لاني تعبانه والا عادي بسير وبضحك وبستانس وبسلم على الناس ريايل والا بنات هاي فرحة بلادي وفرحتي وياهم ..ولو بيسون

[/COLOR]

الله المستعاان

**آمنه111** · 2008-12-04, 15:00

مااااااشي مذهب ..

يبالهن عصا محناية ع ظهووورهن عسبة يصطلبن ..

يبن يهزن ويرقصن عندهن بيوت يترقصن ع كيفهن الشوراع مب مسوايه يرقصن فيها ويهزن ..

الحين صار عيد الاتحاد وكل احتفالات البلاد عذر يتلعثن فيه البنات المتخلفات عسبة يظهرن هوسهن خخخ

قال ترقص قاال

لا وترقم بعد ....!! خخ

تستغل أكبر تجمع للشباب وترقم خخخ

خس الله هالمذهب ..

محد منعكن عن المسيرات افهممممن افرحن بفرحة بلادي لكن المغازل والرقص والترقيم ماتوقع تعبير عن الفرحه ..!!

كلنا ظهرنا مسيرات من قبل واستانسنا وفرحنا ببلادنا لكن بحدود ماهزينا خخخ ورقمنا الحمدلله

والله يديم فرحة بلااادي ... والله يستر ع الجميع

**لُجَين** · 2008-12-04, 23:38

حبيت اقول شي

بس تره هو مو فتوى

هذا من الي اشوفه

الاخت يزاها الله خير الي قالت (كل حد بيتحاسب بذنبه ولاتخافن مابياخذكن ربكن بذنب غيركن)

حبيت اقولها صح الله لسانج يا اختي

بس يوم رب العالمين بيخسف بحد أو بيعاقب حد ما بيعاقب الناس الشينين و بيخلي الناس الصالحين
كلهم بيروحون فيها

و يعطيج العافيه

**"Hyamo0o"** · 2008-12-04, 23:57

المشاركة الأصلية كتبت بواسطة بسوم البريكي

ماعندكن سالفه يعني أكيد الناس يعرفون فضل هالأيام وهذا الا يوم زودتنها كل وحده محتره ليش إنها ماتروم تشبر عند باب بيتها وماسكه سب فالبنات معنه بنات وايد قالن انهن سايرات المسيره مع أهلهن يعني أبهاتهن واخوانهن شو المشكله
ليش إذا فيه فئه بسيطه مصختها عميتن وقمتن تسبن الكل وبعدين إذا على المطربين سيرن ورمسن وزارة الإعلام هي المسؤله عن هالشي مب نحن
وبعدين " ولاتزر وازرة وزر أخرى " يعني كل حد بيتحاسب بذنبه ولاتخافن مابياخذكن ربكن بذنب غيركن
يابوكن هذي فرحه الدنيا كلها فرحانه وانتن هات ياسب وذم وتعكير جو الدنيا فرحانه باليوم الوطني والإجازه وعيد الأضحى ليش انتن جيه تحبن بس تدورن المآسي والسلبيات شوفو الإيجابيات لو مره وحده هذا يوم وبيعدي
هذا عيد فرحته غير من سنين ناسين الفرحه من عقب المرحوم أبونا زايد مر علينا هاليوم غير وهالسنه غير غير غير تونا بس صحينا من جرحنا حرام نفرح ولو شوي ؟؟؟؟؟؟؟

كفت ووفت ... واضن ماله داعي التشهير باللي استوى و الستر زين لا اتخلون لي ما درى يدري و يتشمت و ياخذون سمعه عن بنات البلاد ... لي صار صار و استوى و الله يهدي الجميع و النصيحه ثم النصيحه ثم النصيحه ^^ يزاكم الله خير حبيباتي .. هذيل لي كانن ف المسيرات منكن و فيكم وبنات بلادكن لا ترضون عليهم أي زله و أي كلام ....

وخلوا اماراتي انا انا اماراتي لها معنى اكبر من ترديدها هذي بلادكم ^^

والسموحه منكم

**مدمنة قصيد** · 2008-12-05, 00:03

صح كلامج يااختي احنا بأيام مباركه

**rozee** · 2008-12-08, 07:43

**fatma777** · 2008-12-10, 12:40

يعني الوطنية ما تستوي الا بالرقص والغنا
يعني أنا إذا ما اطلعت مسيرة يعني مب مواطنة
الحمدلله احتفلنا بالمدراس وطلعنا مع البنات مسيرة على ريولنا لا رقص ولا غنا
هذا اسمه استغلال للمناسبة الوطنية وتلويث لسمعة الامارات
الحين اللي يطوفن الامارات اونهم شالين اطول رسالة
ولا وحدة منهن شكلها مواطنه
لا وقاية ولا عباة وبناطلين (ترينين سوت training suits(
مب كل وحدة شلت علم الامارات مواطنة
فرحنا ببلادنا وارضينا ربنا الحمدلله

**جرح الخفوق** · 2008-12-10, 12:54

اللي يبا يعيبر عن حبه للوطن يعبره بطريقة تشرفنا
مب رقص ومغازل في الشوارع عيني عينك
وخاصة بنات هالزمن مادري بلاهم ومادري وين اهلهم عنهم
الله المستعان والله يستر علينا وعلى بناتنا جميعا

**((( أم مهرة )))** · 2008-12-10, 13:06

الله يهدي هالجيل والله أنه جيل فشله
وكارثة العصر وطياشه بكثره
جيل هابط

**rozee** · 2008-12-13, 02:42

uuuuuuuuuuuuuuuuuuuuup

**rozee** · 2008-12-15, 16:50

**@أم عمر@** · 2008-12-15, 16:52

حب الوطن إحساس،،مبدأ،،وغايه

الموضوع: المصخرة!!!!!!!!!!

أدوات الموضوع

عرض